என் பக்கங்கள்

மாற்று அணிக்கான துவக்கம் திருப்பூரில் இருந்து நேரடி ஒளிபரப்பு

2012-01-07T22:22:00.000+05:00

மாற்று அணிக்கான துவக்கத்தை தமிழருவிமணியன் துவங்கியிருக்கிறார் . இந்த கூட்டத்தில் இந்திய கம்யூனிஸ்ட் தோழர் நல்ல கண்ணு , மார்க்சிஸ்ட்கம்யூனிஸ்ட் தோழர் ராம கிருஷ்ணன் , வைகோ ஆகியோர் கலந்து கொண்டனர் . இப்போது வைகோ பேசி கொண்டிருக்கிறார் .

நேரடி ஒளிபரப்பை காண

Watch live streaming video from tamil24news at livestream.com

முல்லை பெரியாறு அணை போராட்ட களம் காண வாய்ப்பில்லாதவர்களுக்கு ஒரு வாய்ப்பு

2011-12-23T21:20:00.001+05:00

தமிழகத்தின் ஐந்து மாவட்ட வாழ்வாதாரத்தை காக்க நாள் தோறும் லட்ச கணக்கான மக்கள் வீதியில் இறங்கி போராடி கொண்டிருக்கின்றனர். நம்மில் பலர் இந்த போராட்டங்களில் பங்கேற்க வாய்ப்பு கிடைக்க வில்லையே என்ற கவலை இருக்கும். முல்லை பெரியாறு அணையில் நம் பக்க நியாயங்களை மத்திய அரசுக்கு தெரிவிக்க வேண்டிய கட்டாயத்தில் நாம் இருக்கிறோம்.

பாராமுகமாய் இருக்கும் மத்திய மன்மோகன் அரசுக்கு ஓட்டு மொத்த தமிழர்களும் அணையை காக்க உணர்வுடன் போராடுகிறார்கள் என்பதை காட்ட வேண்டிய கட்டாயத்தில் நாம் இருக்கிறோம். தமிழகத்தின் மீதும் தமிழ் மக்கள் மீதும் கொண்ட காள்புணர்வே கேரளா ஆட்சியாளர்களின் மன நிலை முல்லை பெரியாறு அணையை மட்டும் கைப்பற்றி விட்டால் ஐந்து மாவட்ட மக்களின் எதிர் காலத்தையும் தலைமுறையையும் வறுமைக்கு கொண்டு செல்ல சிறிது சிறிதாக திர்ட்டமிடுகிறது கேரளம்.

மக்கள் மத்தியில் நாளை வரும் ஆபத்துக்களை அயராது தளராது விளக்கி வைகோ, அப்பாஸ் , நெடுமாறன் போன்றோர்களின் பிரச்சாரங்கள் தான் இன்று மக்களை தன்னெழுச்சியாக போராட வைத்திருக்கிறது. இன்று இளைஞர்கள் முதல் எல்லா தரப்பும் முல்லை பெரியாறு அணையை காக்க உறுதி எடுத்திருப்பதை நினைக்கும் போது தமிழகம் உணர்வினை இழந்து போகவில்லை என்ற நிம்மதி கிடைக்கிறது.

முல்லை பெரியாறு அணையை காக்க என் பங்கிற்கு என்ன செய்யலாம் என நினைத்தது கொண்டிருக்கும் தமிழகத்தின் மீது அக்கறை கொண்ட நல்லோர்களுக்கு போராட்டத்தில் பங்கு பெற ஒரு வாய்ப்பு . கீழ் வரும் அலைபேசி எண்ணில் உங்களுடைய அலைபேசி மூலம் ஒரு தவறிய அழைப்பு (Missed Call )கொடுங்கள் உங்கள் நண்பர்கள் உறவினர்கள் ஆகியோரிடம் சொல்லி தவறிய அழைப்பை கொடுக்க வையுங்கள் . நம் எதிர் பார்ப்பு ஒரு கோடி அழைப்புகள் இதன் மூலம் ஓட்டு மொத்த தமிழகமும் அணையை காக்க உறுதியாக இருக்கிறது என்பதை உணர்ச்சியற்ற மத்திய அரசுக்கு நம் உணர்வுகளால் தெரிவிக்க முடியும்.

செயல் படுங்கள் தோழர்களே தவறிய அழைப்பு விடுங்கள் மறந்தும் தவறிய அழைப்பு(Missed Call) விட தவறி விடாதீர்கள். காலம் தாழ்த்த வேண்டாம் இன்றே செய்வோம் இப்போதே செய்வோம் . Missed Call கொடுக்க வேண்டிய அலை பேசி எண் - 928 1000 152.

முதலமைச்சராக முன்னிறுத்தப்பட வேண்டியவர் வைகோ:தமிழருவி மணியன்

2011-12-21T21:15:00.000+05:00

தமிழகத்தில் புதிய அரசியல் பாதைக்கு அடித்தளம் அமைக்கும் காரியங்களை தமிழருவி மணியன் தொடங்கி இருக்கிறார். காந்திய மக்கள் இயக்கத் தலைவரான மணியன், 'அ.தி.மு.க. மற்றும் தி.மு.க. கட்சிகளுக்கு மாற்றாக ஓர் அணியை உருவாக்கப் போகிறேன்’ என்று களம் இறங்கி உள்ளார். அதற்கான முதல் கூட்டம் இன்னும் இரண்டு வாரங்களில் திருப்பூரில் கூட இருக்கிறது.

ஜனவரி 7-ம் தேதி கூடும் அந்தக் கூட்டத்தில் ம.தி.மு.க. பொதுச்செயலாளர் வைகோ, இந்திய கம்யூனிஸ்ட் மூத்த தலைவர் நல்லகண்ணு, மார்க்சிஸ்ட் கட்சியின் மாநிலச் செயலாளர்

ஜி. ராமகிருஷ்ணன் ஆகியோரை ஒரே மேடையில் பேசவைக்க இருக்கிறார். இந்த நிலையில் தமிழருவி மணியனை சந்தித்தோம்.

''ஜெயலலிதா ஆட்சி அமைந்து ஆறு மாதங்களே கடந்துள்ள நிலையில், மாற்றாக ஓர் அணியை உருவாக்க வேண்டிய அவசர அவசியம் என்ன?''

''தமிழகத்தில் மீண்டும் ஜெயலலிதா ஆட்சியைக் கொண்டுவர வேண்டும் என்பதற்காக, என் எழுத்தையும் பேச்சையும் பயன்படுத்தினேன் என்பதைவிட... மக்கள் விரோத ஊழல் நிறைந்த தி.மு.க. ஆட்சியை, எந்த அரசியல் நெறிமுறைக்கும் உட்படாத தி.மு.க. ஆட்சியை அகற்ற வேண்டும் என்பதுதான் ஒரே நோக்கம். அதற்கு 30 சதவிகிதம் வாக்கு வங்கி உள்ள அ.தி.மு.க-வை ஆதரிக்க வேண்டிய நிர்பந்தம். பெரிய தீமையை அகற்ற சிறிய தீமையுடன் சமரசம் செய்ய வேண்டி இருக்கிறது. ஜெயலலிதா எவ்வித மாற்றத்துக்கும் உட்படாதவர் என்பதைத் தேர்தலுக்கு முன்பே நான் சொல்லி இருக்கிறேன். சிறுத்தையின் உடம்பில் உள்ள புள்ளிகள், சாகும் வரை எப்படி மறையாதோ, அதைப் போல ஜெயலலிதாவின் பண்பு நலன்கள் இறுதிவரை மறையாது. 'சசிகலா என்கிற இரும்புக் குண்டைக் காலில் கட்டிக்கொண்டு இருக்கும் ஜெயலலிதாவால் நேர்மையாகவும் உண்மையாகவும் வேகமாகவும் செயல்பட முடியாது’ என்று முன்பு எழுதினேன். இப்போது சசிகலா வட்டாரம் முழுமையாக நீக்கப்பட்டுள்ளது வரவேற்கத்தக்க விஷயம்தான். ஆனால், தமிழகத்தின் ஆரோக்கியமான அரசியலுக்கு இது மட்டுமே போதாது என்பதால், இந்த மாற்று அணிக்கான முயற்சியில் இறங்கி உள்ளேன்!''

''அது எப்படி சாத்தியம் ஆகும் என்று நினைக்கிறீர்கள்?''

''அடுத்த சட்டமன்றத் தேர்தலுக்கு இன்னும் நான்கரை ஆண்டுகள் இருக்கின்றன. மக்கள் நலன் சார்ந்த திட்டங்களை முன்வைத்தும், அரசின் தவறான நடவடிக்கைகளை மக்கள் மன்றத்தில் வெளிப்படுத்தியும், ஒரே மேடையில் தொடர்ந்து ஓர் அணியில் நின்று போராட, அ.தி.மு.க., தி.மு.க. அல்லாத கட்சிகள் முன்வர வேண்டும். என்னைப் பொறுத்த வரையில், முதலமைச்சராக முன்னிறுத்தப்பட வேண்டியவர் வைகோ. முதலில், ம.தி.மு.க., இடதுசாரி இயக்கங்கள் பொதுத்திட்டத்தின் அடிப்படையில் நான்கு ஆண்டுகள் தொடர்ந்து போராட வேண்டும். இந்த அணி ஊழல் குற்றச்சாட்டுக்கு உள்ளாகாத அணி. ஊழல் மலிந்த கட்சிகளுக்கு மாற்றாக இவர்களால் இருக்க முடியும். மக்களின் நம்பிக்கையைப் பெற முடியும்.

ஜனவரி 7-ம் தேதி எங்கள் இயக்கத்தின் இரண்டாம் ஆண்டு விழா, தமிழக அரசியலில் மாற்று அணியை உருவாக்கும் கால்கோள் விழாவாக நடத்தப்படுகிறது. விடுதலைச் சிறுத்தைகள், புதிய தமிழகம் உட்பட்ட கட்சிகள் இந்த மாற்று அணியை இரு கரம் கூப்பி வரவேற்க வேண்டும்.''

''உங்களுக்கு முன்பே பா.ம.க. மாற்று அணி கருத்தைச் சொல்லி இருக்கிறதே?''

''பிற்படுத்தப்பட்ட சமூகத்தின் உரிமைக்காகக் குரல் கொடுக்கும் இயக்கமாக வளர்ந்து ஒரு குடும்பத்தின் நலன் காக்கும் சாதாரணக் கட்சித் தலைமையாக அது சரிந்து விட்டது.

மருத்துவர் ராமதாஸின் அறிக்கைகளில் உள்ள சமுதாய உணர்வு, அவரின் கட்சியில் அவர் காட்டும் அணுகுமுறையில் இருப்பதாகத் தெரியவில்லை. அரசியல் அரங்கில் நம்பகத்தன்மையை இழந்து விட்டவர் ராமதாஸ். எனவே, பா.ம.க. தலைமையில் அணி அமைந்து ஆட்சியைக் கைப்பற்றுவது என்பது பார்வையற்றவர் தடியை ஊன்றி, எவரெஸ்ட் சிகரம் ஏறிவிட முடியும் என்பதைப் போலத்தான்.''

''மாற்று அணியில் விஜயகாந்துக்கு இடம் இருக்கிறதா?''

''இரண்டு பெரிய கட்சிகளிலும் இடம் இல்லாதவர்கள் எல்லாம் முக்கியத்துவம் தேடி வந்து சேர்ந்த இடம்தான் தே.மு.தி.க. விஜயகாந்தின் மனைவியும் மைத்துனரும்தான் அந்தக் கட்சியின் விதியை நிர்ணயிக்கிறார்கள். போஸ்டர், கட் அவுட் வைப்பதில் இருந்து, துதி பாடுவது வரை இரண்டு திராவிடக் கட்சிகளுக்கும் இவர்கள், எந்த வகையிலும் சளைத்தவர்கள் இல்லை. அது, எந்த சித்தாந்தத்தாலும் கட்டப்பட்ட கட்சி அல்ல. விஜயகாந்த் எனும் மனிதரின் விளம்பரத்தில் மட்டும் குளிர் காயும் அந்தக் கட்சி, இதுவரை பொறுப்புள்ள எதிர்க்கட்சியாக சட்டமன்றத்தில் இயங்கவில்லை. ஒட்டுமொத்தத் தமிழகத்தையும் பாதிக்கக்கூடிய முல்லைப் பெரியாறு பிரச்னையில் சட்டமன்றத் தீர்மானம் இயற்றும் கூட்டத்துக்குக்கூட, மிகத்தாமதமாக வந்த ஒரே தலைவர் விஜயகாந்த். இந்த ஒரு சம்பவமே அவருடைய பொறுப்பு உணர்வை வெளிப்படுத்துகிறது. தே.மு.தி.க. என்பது மின்னலைப் போல் தோன்றி புயலைப் போல மறையக்கூடிய ஓர் அரசியல் கட்சி.''

''வைகோவை அதிகப்படியாக முன்னிறுத்துகிறீர்களே?''

''அகத்திலும் புறத்திலும் தூய்மையான ஒரு மனிதனே ஆட்சித் தலைவராக வர வேண்டும் என்பதுதான் என் விருப்பம். அந்த இடத்தில் வைகோவைத் தவிர வேறு ஒருவரையும் வைத்துப் பார்க்க முடியவில்லை. அதற்காகத்தான் அவரை மாற்றுத் தலைவராக முன்னிறுத்துகிறேனே தவிர, நான் ம.தி.மு.க-வின் கொள்கைப் பிரச்சாரகனும் இல்லை. எந்தத் தனிமனிதனையும் துதிபாடி வயிறு வளர்க்க வேண்டிய நிலையிலும் நான் இல்லை!''

- இரா. தமிழ்க்கனல்,

படம்: வி.செந்தில்குமார்

ஜெயலலிதாவின் அராஜகம் எல்லை மீறுகிறது .

2011-11-27T19:23:00.000+05:00

இன்று இலங்கை தமிழர் பாதுகாப்பு இயக்கம் சார்பில் தி.நகரில் நடக்க இருந்த மாவீரர் நாள் பொதுக் கூட்டம் அதிமுக அரசின் அராஜகத்தால் நிறுத்தப் பட்டுள்ளது. காவல் துறை அனுமதியோடு நடக்கவிருந்த பொதுக்கூட்டத்தை ஆதிமுக அரசு தடை செய்திருக்கிறது. இந்த மாவீரர் நிகழ்வில் வைகோ சிறப்புரை வழங்க இருந்தார்.

இந்நிலையில் மதியம் முதலே கூட்ட ஏற்பாடுகளை செய்து வந்த மதிமுக தென் சென்னை மாவட்ட செயலாளர் வேளச்சேரி மணிமாறன் உட்பட நூற்றுக்கு மேற்பட்டோரை கைது செய்திருக்கிறது காவல் துறை. மக்களாட்சியில் அவரவர் கருத்தை சொல்ல உரிமை இருக்கும் போது ஜனநாயக ரீதியாக பொதுக் கூட்டம் நடத்த ஜெயலலிதா தலைமையிலான அரசு அனுமதிக்கவில்லை என்றால் இதை விட காட்டு மிராண்டி தனம் வேறு என்ன இருக்க முடியும்.

பூனை கண்ணை மூடி கொண்டு பால் குடிக்குமாம் அப்படி குடிக்கும் பூனை நினைக்கும் நம்மை யாரும் பார்க்க வில்லை என்று. அப்படி தான் இருக்கிறது அதிமுக அரசின் நடவடிக்கைகள் மாவீரர் நிகழ்வை நடத்த விடாமல் இருந்தால் மாவீரர்களை யாரும் நினைவு கூற மாட்டார்கள் என்று ஒரு வேளை ஜெயா நினைக்கலாம்.

ஆண்டுதோறும் உலக தமிழர்களின் ஒப்பற்ற தினமான நவம்பர் 27 யார் தடுத்தாலும் தமிழ் ஈழ விடுதலைக்காக உயிரை கொடுத்த எங்கள் உள்ளத்தில் குடி கொண்டிருக்கும் மாவீரர்களை நினைக்காமல் இருக்க முடியாது.

ஒவ்வெரு முறை ஆட்சிக்கு மாறி மாறி வரும் கட்சிகளால் தமிழினத்திற்கு எதிராக தான் செயல் படுகிறார்கள். கடந்த முறை தமிழ் ஈழத்தில் ஒரு லட்சத்திற்கும் மேற்பட்ட தமிழர்கள் இந்தியா துணையோடு கொலை செய்ய பட்ட பொது தமிழின தலைவர் என்று சொல்லும் கருணாநிதியால் கொலைக்கு துணை போக தான் முடிந்தது. தமிழ் உணர்வாளர்களை சிறையில் அடிப்பதை கருணாநிதியும் ஜெயலலிதாவும் மாறி மாறி செய்து வருகின்றனர்.

தமிழகத்தை கருணாநிதியும் ஜெயலலிதாவும் மாறி மாறி ஆட்சி அமைப்பது தான் தமிழகத்திற்கு சாபக்கேடு. தமிழர்களின் உரிமைக்கு பேச முடியவில்லை . ஜெயலலிதா இதையெல்லாம் ஜெயித்து வந்தால் செய்வார் என்பது வைகோவை எப்போது கூட்டணியிலிருந்து நீக்கினாரோ அப்போதே தெரிந்து விட்டது தான். அன்றிலிருந்தே இதே ஜெயா திருந்த வில்லை என்பதை சொல்லியிருக்கிறோம். ஆனால் என்ன செய்வது கருணாநிதி என்னும் விச பாம்பை விரட்ட இன்னொரு விச பாம்பிற்கு மக்கள் வாய்ப்பு கொடுத்தனர். ஆனால் பாம்பின் விஷம் இப்போது வெளியேறுகிறது.

மாற்றம் ஓன்று உருவாக வேண்டும் கருணாநிதி ஜெயலலிதாவுக்கு எதிராக ஓட்டு மொத்த தமிழ் உணர்வாளர்கள் ஒரே கொள்கை கொண்ட கட்சியினர் ஓன்று பட்டு நிற்க வேண்டும். மாற்று அணிக்கான தலைமை நேர்மையாகவும் கொள்கை உறுதி கொண்டவராகவும் இருக்க வேண்டும்.

தமிழருவி மணியன் சொன்னதை போல் மாற்று அரசியலுக்கான துவக்கம் இன்றே துவங்கட்டும். இந்த மாவீரர் நாளில் தமிழின விடுதலைக்காக உயிரை விட்ட மாவீரர்களுக்கு நாம் செய்யும் கடமையாக மாற்று அரசியல் துவங்கட்டும்.

ஓன்று பட்டு ஜெயாவின் அராஜக ஆட்சியை எதிர்ப்போம்.......

தமிழ் விடுதலைக்கு தங்கள் உயிரை கொடுத்த மாவீரர்களுக்கு வீர வணக்கங்கள் !

சங்கரன்கோயில் இடைத்தேர்தல் யாருக்கு வாய்ப்பு ?

2011-11-27T15:32:00.001+05:00

தமிழக அமைச்சர் கருப்பசாமி மறைந்ததை அடுத்து சங்கரன் கோயில் சட்டமன்ற தொகுதிக்கு இடைத்தேர்தல் நடக்கவிருக்கிறது . இன்னும் தேதி அறிவிக்காமலே சங்கரன்கோயில் இடைத்தேர்தல் களம சூடு பிடிக்க துவங்கியிருக்கிறது .

பத்திரிக்கைகளிலும் விவாதங்களிலும் சங்கரன்கோயில் இடைத்தேர்தல் சூடு பிடிக்க துவங்கியிருக்கிறது . அதற்கான காரணம் கடந்த சட்டமன்ற பொது தேர்தலில் போட்டியிடாத மதிமுக சங்கரன்கோயில்தொகுதி இடைத்தேர்தலில் போட்டியிடுவதாக அறிவித்துள்ளது. கடந்த திமுக ஆட்சியில் இடைத்தேர்தலுக்கு புதிய இலக்கணத்தை வகுத்து தமிழகத்தில் மோசமான முன்னுதாரணத்தை காட்டியது . "திருமங்கலம் பார்முலா" என்று மோசடி வெற்றிக்கே முன்னுதாரணம் திமுக என்பதை இடைத்தேர்தல்கள் வரும் போது நினைவு படுத்தாமல் இருக்க முடியாது .

திமுகவிற்கு சிறிதும் சளைத்தது அதிமுக அல்ல என்பதை காட்டும் விதமாக வெற்றி பெற்றவுடன் தன்னுடைய பழைய அதே குணாதிசயங்களை கொண்டு அதே ஆணவத்தோடு ஆட்சி நடத்தி வரும் அதிமுக இந்த தேர்தலில் திமுகவின் "திருமங்கலம் பார்முலாவை " கடை பிடிக்க கூடும்.

இந்த தொகுதிக்கு அதிமுக தன்னை தயார் படுத்தும் விதமாக இலவச மிக்சி , கிரைன்டர்கள் அமைச்சர்கள் முன்னிலையில் இந்த தொகுதியில் கொடுக்க துவங்கி விட்டார்கள். இடைத்தேர்தலுக்கு முன்பு அணைத்து வீடுகளுக்கும் கொடுத்து முடிக்க வேண்டும் என்பது மேலிட உத்தரவாம் .

இந்த நிலையில் நேரடியாக அதிமுகவோடு களத்தில் குதிக்கிறது மதிமுக. இந்த தொகுதியின் ஒரு சிறப்பு என்னவென்றால் மதிமுக பொதுச்செயலாளர் வைகோவின் சொந்த தொகுதி. இப்போதே இடைத்தேர்தலை சந்திக்க மதிமுக களத்தில் இறங்கி விட்டது. ஒன்றிய வாரியாக செயல் வீரர்கள் கூட்டம் கூட்டி தேர்தல் பற்றிய ஆலோசனைகள் நடந்து வருகிறது.

கடந்த சட்டமன்ற தேர்தலில் மதிமுக போட்டியிடாமல் இருந்ததால் நடுநிலையாளர்கள் மத்தியில் மதிமுவிற்கு நல்ல வரவேற்பு இருந்ததை காண முடிந்தது . அதே போல் உள்ளாட்சி தேர்தலில் மதிமுக தனித்து போட்டியிட்டு எதிர்பார்க்காத அளவிற்கு வெற்றியை பெற்று அதிமுக திமுகவிற்கு அடுத்த படியான இடங்களை போட்டியிட்ட இடங்களில் பெற்றிருக்கிறது.

சங்கரன்கோயில் தொகுதிக்குட்பட்ட பகுதிகளில் கட்சிகள் வாங்கிய ஓட்டுகளை அடிப்படையாக வைக்கும் போது ஓரளவிற்கு போட்டியில் யார் இருக்கிறார்கள் என்பதை கணிக்க முடியும். சங்கரன்கோயில் தொகுதியில் ஒரு நகராட்சி இரண்டு ஊராட்சி ஒன்றியங்கள் ஒரு பேரூராட்சி உள்ளன . இதில் அதிக வாக்குகளை கொண்ட குருவிகுளம் ஊராட்சி ஒன்றியத்தில் மதிமுக தான் அதிக வாக்குகளை பெற்றிருக்கிறது . இன்னொரு ஊராட்சி ஒன்றியமான மேலி நிலித நல்லூர் ஒன்றியத்தில் அதிமுகவிற்கு அடுத்த இடத்தில் மதிமுக வாக்கு சதவீதங்கள் பெற்றிருக்கிறது. மதிமுகவிற்கு அடுத்து தான் திமுக தேமுதிக போன்ற கட்சிகள் வருகின்றன.

மேலும் ஒரு பேரூராட்சி இந்த தொகுதியில் இருக்கிறது அந்த பேரூராட்சியில் மதிமுக வெற்றி பெற்றிருக்கிறது . மற்றும் சங்கரன்கோயில் நகராட்சியும் இந்த தொகுதியில் தான் வருகிறது. சங்கரன்கோயில் நகராட்சியில் இந்த தேர்தலில் மதிமுக சொல்லும்படியான வாக்குகள் வாங்க வில்லை . அங்கு போட்டியிட்ட வேட்பாளர் சரியில்லாததால் வாக்குகள் பெரிய அளவில் விழ வில்லை என சொல்லப்படுகிறது .

உள்ளாட்சி தேர்தலில் கட்சிகள் வாங்கிய வாக்கு சதவீதங்களை பார்க்கும் போது அதிமுக முதல் இடத்திலும் மதிமுக இரண்டாவது இடத்திலும் திமுக மூன்றாவது இடத்தில் வருகிறது. இது தான் மதிமுகவினருக்கு உற்சாகம் கொடுத்திருக்கிறது. ஒரு சில சதவீதங்கள் மாறி மதிமுகவிற்கு வந்தாலே மதிமுக வெற்றி பெற்று விடும் என்று கணக்கு போடுகின்றனர் மதிமுகவினர்.

இப்போதைய சூழ்நிலையில் அதிமுக அரசு மீது மக்கள் கடுமையான கோபத்தில் உள்ளனர். மக்கள் நல பணியாளர்கள் நீக்கம், பஸ் கட்டணம் , மின் கட்டண உயர்வு , பால் விலை உயர்வு போன்ற மக்கள் விரோத நடவடிக்கைகளின் அதிருப்தி தேர்தலில் எதிரொலிக்கலாம். மக்கள் எதிர்ப்பை காட்ட இந்த தேர்தலை பயன் படுத்தினால் மதிமுக வெல்வது உறுதி.

கல்பாக்கம் சிறிது சிறிதாக கொல்லும் உயிர் கொல்லி

2011-11-01T11:08:00.001+05:00

உலகம் முழுவதும் அணு உலைக்கு எதிரான மனநிலை மக்கள் மத்தியில் ஏற்பட்டு வரும் வேளையில் இந்திய அரசு புதிது புதிதாக அணு உலைகளை கட்ட தீர்மானித்து கொண்டிருக்கிறது. கூடங்குளத்தில் ரசியா இந்தியா கூட்டு முயற்சியில் கட்ட பட்டு வரும் அணு உலையை கூடங்குளம் மற்றும் அதன் சுற்று வட்டார மக்கள் அணு உலையை திறக்க கூடாது என போராட்டம் நடத்தி வருகின்றனர். கூடங்குளத்தில் துவங்கிய போராட்டம் இன்று தமிழகம் முழுவதும் பிரதி பலிக்கிறது .

கல்பாக்கம் பகுதியில் அணு கதிர் வீச்சால் பாதிக்க பட்ட நாய்

இந்த நிலையில் கல்பாக்கத்தில் அணு உலை செயல்பட்டு வருகிறது. கல்பாக்கம் பகுதிக்கு சென்று அங்கே இந்த அணு உலைகளால் ஏதாவது பாதிப்பு வந்திருக்கிறதா? இல்லை சும்மா பாதிப்பு என கூச்சல் போடுகிறார்களா என்பதை அறிந்து கொள்ள நானும் மற்ற சில நண்பர்களுமாக சென்றிருந்தோம்.

அணு உலைக்கு ஆதரவானவர்கள் முன் வைக்கும் வாதங்கள் சில

ஆபத்து இல்லாத திட்டங்கள் என்று எதுவுமே கிடையாது
சுனாமி போன்ற பாதிப்புகள் ஏற்படுகிறது என்று தெரிந்தே நாம் உயிர் வாழவில்லையா ?
பேருந்து பயணம் என்றாலும் விமான பயணம் என்றாலும் ஆபத்து வந்து விடும் என்று நாம் பயனிக்காமலா இருக்கிறோம் .
இவ்வளவு கோடி பணம் செலவு செய்து விட்டோம் இனி நிறுத்துவது நியாயமா ?
ஜப்பான் தொழில் நுட்பத்தை விட ரசியா தொழில் நுட்பம் மேலானது அது மட்டுமல்லாது இந்தியாவில் கட்ட பட்டுள்ள அணு உலைகள் மிகவும் பாதுகாப்பானவை

இப்படி சில வாதங்களை முன் வைக்கிறார்கள் .

கல்பாக்கம் அணு மின் நிலைய பகுதிகளில் நாங்கள் நேரில் தெரிந்து கொண்ட தகவல்களை உங்களுக்கு தருகிறோம்.

கல்பாக்கம் அணு உலையில் இரண்டு யூனிட் மூலம் 220X2 = 440 மெகாவாட் மின்சாரம் கிடைக்கிறது. கூடங்குளத்தில் இரண்டு யூனிட் மூலம் 2400 மெகாவாட் மின்சாரம் தயாரிக்க முடியும் .

வெறும் 440 மெகாவாட் மின்சாரம் தயாரிக்கும் கல்பாக்கத்தில் ஏற்பட்டுள்ள பாதிப்புகளை கேட்டால் கூடங்குளம் வேண்டுமா? வேண்டாமா ? என்பதை நீங்கள் முடிவு செய்வீர்கள் என நினைக்கிறேன் .

ஒரு அணு உலை வெடித்தால் மட்டும் தான் பிரச்சனையா ? இல்லை அணு உலை என்பது வெடிக்க வேண்டிய அவசியமே வேண்டாம் உயிர் கொல்ல. இயற்கை ஆய்வாளர்கள் முக்கியமாக கவனிக்க வேண்டிய ஓன்று ஒரு அணு உலை அமைந்திருக்கும் இடத்தில் அதை சுற்றி பறவைகள் வாழாது என்பது . இதை எங்களால் கவனிக்க முடிந்தது . பத்து ஆண்டுகளுக்கு முன்னர் சிட்டு குருவிகள் அதிகமாக இருக்குமாம் . கடந்த பத்து ஆண்டுகளாக சிட்டு குருவிகளை அந்த பகுதிகளில் பார்க்க முடியவில்லை என்கிறார்கள் .

அது மட்டுமல்லாது காகம் முன்னர் கூட்டம் கூட்டமாக காகங்கள் இருக்கும் இடத்தில் மருந்திற்கு ஓன்று பார்ப்பதை போல் தான் பார்க்க முடிகிறது . வேடந்தாங்கல் பறவைகள் சரணாலயம் கல்பாக்கத்திலிருந்து 35 கிலோ மீட்டர் தொலைவில் உள்ளது . முன்னர் வேடந்தாங்கலுக்கு செல்லும் பறவைகள் கல்பாக்கத்தில் உள்ள நீர் நிலைகளில் இரை உட்கொண்டு செல்லுமாம். இந்த சீசன்களில் எங்கு பார்த்தாலும் பறவைகள் காணப்படும் . ஆனால் இப்போது எந்த பறவைகளும் கல்பாக்கம் பகுதியில் வருவதில்லை . அணு கதிர்வீச்சின் தாக்கத்தை பறவைகள் உணர்ந்து கொள்ளும் திறன் உடையது என நிபுணர்கள் கூறுகின்றனர்.

நிலத்திடி நீர் குறைந்திருக்கிறது . விவசாயம் மிகவும் பாதிக்கப்பட்டுள்ளது .

மீனவர்கள் அதிகமாக விரும்பி சாப்பிடும் உணவு "கருவாடு" இதில் உப்பு சத்து அதிகமாக காணப்படும். உணவில் அயோடின் அதிகமாக காணப்பட்டால் தைராய்டு என்னும் நோய் வர வாய்ப்பு இல்லை . ஆனால் சமீப காலமாக இங்கு உள்ள மக்கள் தைராய்டு என்னும் நோயால் பாதிக்க பட்டுள்ளனர் . மிக பெரிய கொடுரம் என்னவென்றால் பிறக்கும் போது தைராய்டு நோயால் பிறக்கும் குழந்தைகளும் இங்கு காணப்படுகின்றனர்.

அணு கதிர்வீச்சின் தாக்கத்தால் கரு சிதைவுகள் கூட அதிகமாக இருக்கிறது . இரண்டு நாட்களுக்கு முன்னர் ஒருவர் தைராய்டு புற்று நோயால் இறந்திருக்கிறார் மருத்துவர்கள் புற்றுநோய் என்றே சான்றிதழ் கொடுத்திருக்கிறார்கள் . ஆனால் ஏதோ காரணத்தால் அரசு நிர்வாகத்தால் ஹார்ட் அட்டாக்கில் இறந்ததாக பதிவு செய்திருக்கிறார்கள் . இதே போல் பல தகவல்கள் திட்டமிட்டு மறைக்கப்படுகிறது .

இந்த பகுதியில் வாழும் பலர் புற்று நோயால் பாதிக்கப்பட்டுள்ளனர். சிங்கறால் என்னும் மீன் மொத்தமாக அழிந்து விட்டது . இந்த மீன்கள் இடம்பெயர முடியாதவை . இடம்பெயர கூடிய மீன்கள் இந்த பகுதிகளை தாண்டி சென்று விட்டன. அது அணு உலையிலிருந்து வெளியேற்றப்படும் கழிவு நீர் அதிக வெப்பம் கொண்டதால் பவள பாறைகள் முற்றிலுமாக அழிந்து போய் விட்டது .

இப்படி ஒரு புறம் இயற்கைக்கு பாதிப்பை உண்டு பண்ணும இந்த அணு உலைகள் சிறிது சிறிதாக மனித வாழ்வுக்கும் பாதிப்பை உருவாக்குகிறது .இன்னும் பத்து ஆண்டுகளில் கல்பாக்கம் பகுதியில் வாழும் மக்களில் எண்பது சதவீதம் பேர் புற்றுநோயால் பாதிக்க பட்டவர்களாக இருப்பார்கள் என அதிர்ச்சி கரமான செய்திகள் தெரிவிக்கின்றன.

இந்தியாவில் மொத்த மின் உற்பத்தியில் வெறும் 2 சதவீத மின் தேவையை பூர்த்தி செய்யும் இந்த அணு உலைகளால் நமக்கு ஏற்படும் பாதிப்புகளோ அதிகம் . இவைகள் நமக்கு வேண்டுமா ? பணம் செலவு செய்து விட்டோம் என்று சொல்லி நாம் விசத்தை சாப்பிடுவோமா ? இன்றைய தலைமுறையை விடுங்கள் காலம் காலமாக இயற்கையை பாதுகாத்து வந்த நம் முன்னோர்கள் நமக்காக நல்ல இயற்கை சூழலை தந்திருக்கிறார்கள் . அதே போல் நாம் அடுத்த தலைமுறைகளுக்கு நாம் விசத்தை விட்டு செல்ல வேண்டுமா ? சிந்தியுங்கள் . இயற்கை தந்த கொடை சூரியன் அதை பயன் படுத்தி மின் தேவையை பூர்த்தி செய்வோம் .

எங்கள் ஆய்வு குறித்து வந்த செய்தி

"வாழ்வது ஒரு முறை வாழ்த்தட்டும் தலைமுறை"

7 ஆம் அறிவு திரை விமர்சனம்

2011-10-27T22:45:00.000+05:00

சூர்யா நடிப்பில் முருகதாஸ் இயக்கத்தில் வெளிவந்திருக்கும் 7 ஆம் அறிவு படத்தின்வேறுபட்ட பார்வையிலான விமர்ச்சனம்.

சினிமாவை பொழுது போக்காக பார்ப்பவர்களுக்கு பொழுது போக்காகவும், சூர்யாவுக்காக பார்பவர்களுக்கு கொஞ்சம் வித்தியாச படமாகவும் வெளி வந்துள்ளது இந்த படம். கமல் ஹாசனின் மகள் சுருதி இந்த படத்தில் நடிகையாக அறிமுகமாகியுள்ளார்.

1600 ஆண்டுகளுக்கு முன்னர் தமிழ் நாட்டிலிருந்து சைனாவுக்கு சென்ற போதி தர்மரால் சைனாவில் லட்ச கணக்கான மக்கள் சாக காரணமாக இருந்த மர்ம நோயை போதி தர்மர் குணப்படுத்துவோதொடு அந்த மக்களுக்கும் அதை சொல்லி கொடுக்கிறார் . அதே போல் மனிதர்களால் வந்த ஆபத்தை தன்னுடைய தற்காப்பு கலை மூலம் தடுத்து இன்று சைனாவில் மிகவும் பிரபலம் வாய்ந்த குங்க்பு கலையை சைனர்களுக்கு கற்று கொடுக்கிறார் போதி தர்மர் .

இதில் முக்கியமாக சொல்லப்பட்டது போதி தர்மர் ஒரு தமிழர். போதி தர்மர் மீண்டும் தமிழகத்திற்கே திரும்ப முயற்சித்த போது அவருக்கு உணவில் விஷம் கலந்து கொடுக்கிறார்கள் . விஷம் கலந்திருக்கிறது என்றும் தெரிந்தும் அந்த மக்களின் விருப்பத்திற்கிணங்க தன் உடல் அந்த மண்ணில் அடக்கம் செய்யட்டும் என விசத்தை உண்டு மாண்டு போகிறார் . அந்த போதி தர்மரை சீனர்கள் கடவுளாக வழிபட்டு வருகின்றனர்.

கல்லூரி மாணவியாகிய சுருதி போதி தர்மரை பற்றியும் தமிழனின் பெருமைகள் பற்றியும் ஆய்வு நடத்துகிறார் . போதி தருமரின் மரபணு கொண்டவர் தான் சூர்யா . சூர்யாவுக்கே தெரியாமல் சூர்யாவை தன் ஆய்வுக்கு பயன் படுத்துகிறார் சுருதி . இந்த நிலையில் சைனா இந்தியாவை தன் வசப்படுத்த ஆறாம் நூற்றாண்டில் சைனாவில் அழிவை ஏற்படுத்திய விச கிருமியை தமிழ் நாட்டில் பரப்ப முனைகிறது . அதே நேரம் போதி தர்மரை ஆய்வின் மூலம் தட்டி எழுப்பி விட கூடாது என நினைத்து ஆய்வு செய்த சுருதியையும், போதி தருமரின் வம்சா வழியான சூர்யாவையும் கொல்லவும் விசா கிருமியை பரப்பவும் எல்லா கலைகளையும் தெரிந்த ஒருவரை இந்தியாவுக்கு சைனா அனுப்பி வைக்கிறது .

எல்லா படத்திலும் வருவது போல் துரோகியாக இங்கேயும் ஒருவர் இருக்கிறார். இந்த நிலையில் சூர்யா எப்படி போதி தர்மராக மாறுகிறார் எப்படி அந்த விச கிருமிகளிடம் இருந்து மக்களை மீட்கிறார் என்பது தான் இந்த படத்தின் கதை .

படத்தின் நாகயன் சூர்யாவை விட தமிழர்கள் அனைவருக்கும் நாயகனாக இயக்குனர் முருகதாஸ் தெரிகிறார் . தன் மனதின் ஆழத்தில் இருந்த வேதனையை வசனங்கள் மூலம் வெளிபடுத்தியிருக்கிறார்.

"இலங்கையில் தமிழர்களை அழித்து விட்டு இங்கேயும் வந்திருக்கிறான்'

வீரம் வீரம் என்று சொல்லியே பக்கத்து நாட்டில் மக்கள் சாகடிக்க பட்டார்களே என்று சுருதி சொல்லும் போது . அது வீரம் அல்ல "9 நாடுகள் சேர்ந்து செய்த துரோகத்தால் தமிழன் கொல்லப்பட்டான்" என்று சூர்யா சொல்லும் போது ஒவ்வெருவருடைய உணர்வுகளும் தட்டி எழுப்பியது போல் இருந்தது . இந்த வசனத்திற்காகவே ஆயிரம் முறை பார்க்கலாம் .

"கலைக்காக மக்கள் இல்லை மக்களுக்காக தான் கலை " என்று தாமரை பேசியது தான் நினைவுக்கு வந்தது . தமிழன் என்று பெருமை பட்டு கொள்ளும் வகையில் வசனங்கள் எடுக்க பட்டுள்ளது .

கல் தோன்றா மண் தோன்றா காலத்தே முன் தோன்றிய மூத்த குடியான தமிழ் குடி மக்கள் வெறுமனே 800 ஆண்டுகளில் வந்த ஆங்கிலம் பேசுவதை பெருமையாகவும் இருபதாயிரம் ஆண்டுகளுக்கு முன்னர் வந்த தமிழை பேச வெட்க படுபவர்களுக்கு சரியான சவுக்கடி வசனம் இடம் பெற்றது வரவேற்க தக்கது .

மசாலா படமாக எடுத்தது தமிழ் உணர்வை ஊட்ட முடியும் என்று சாதித்து காட்டிய முருகதாஸ் வழியில் மற்ற கலைஞர்களும் துணிந்து தமிழ் உணர்வை வெளிப்படுத்துவார்கள் என்ற நம்பிக்கை இருக்கிறது.

"இன்னும் என்ன தோழா எத்தனை நாளா

நம்மை நாமே தொலைத்தோமே

நம்ப முடியாதா நம்ப முடியாதா

நாளை வெல்லும் நாளை செய்வோமே"

- என்ற பாடல் வரிகள் தமிழர்களின் நம்பிக்கையை கூட்டுகிறது.

இந்த பாடலை நக்கீரன் இணையதளம் ஈழ போராட்ட காட்சிகளோடு வெளியிட்டிருக்கிறது

மொத்தத்தில் குடுத்த காசுக்கு நம்பி பார்க்கலாம் .

7 ஆம் அறிவை காட்டியதோ இல்லையோ தமிழர்களின் ஆறாம் அறிவை தட்டி எழுப்பும் என்பதில் ஐயமில்லை ............

மாற்று அரசியலுக்கான துவக்கம்

2011-10-11T23:33:00.000+05:00

மாற்று அரசியலின் துவக்கம் குறித்தும் உள்ளாட்சி தேர்தல் குறித்தும் தமிழருவி மணியன் அவர்களின் சிறப்பு காணொளி .

இன்றைய அரசியல் சூழலில் என் கண் முன்னால் நெறி சார்ந்த ஒரு நேர்மையாளராக லட்சிய பிடிப்பு மிக்க கொள்கை வீரராக தன்னலமுற்று தமிழ் சமுதாயத்திற்கு இனப்பற்றும், மொழிப்பற்றும், கொண்டு போராடும் போராளியாக, இருப்பவர் வைகோ என் மிக மிக ஆழமாகவும் அழுத்தமாகவும் நம்புகிறேன் .எனவே வைகோ.

அவர்கள் இன்றைக்கு களத்தில் தனியாக நிற்கிறார் . அவர் தனியாக நிற்கிறார் என்று நாம் நினைக்காமல் தமிழர்கள் தம் துணையோடு நிற்கிறார் என்று நாம் புரிந்து கொள்ள வேண்டும் .இனப்பற்று உடைய மக்கள், மொழிப்பற்று உடைய மக்கள், தமிழகத்தின் உரிமைகளை போராடி பெற வேண்டும் என தாகத்தோடு தவிக்க கூடிய மக்கள் யாராக இருந்தாலும் அவர்கள் கண் முன்னால் இயற்கையாக வந்து நிற்க கூடிய மனிதனாக தான் இன்றைக்கு வைகோவை என்னால் பார்க்க முடிகிறது.

எனவே ஒவ்வெரு இடத்திலும் மதிமுக நிறுத்தியிருக்கிற வேட்பாளரை அவரின் தகுதியறிந்து அந்த வேட்பாளரை நிறுத்தியிருக்க கூடிய தலைவர் வைகோ அவர்களுடைய வாழ்வின் திறன் அறிந்து நீங்கள் வாக்களிக்கக் வேண்டும். இன்றைக்கு ஆட்சி மாற்றம் நிகழ்ந்திருக்கிறது ஆட்சி மாற்றம் என்பது வெறும் காட்சி மாற்றமாக முடிந்து விடல் ஆகாது.

அடுத்தது நாம் அரசியல் மாற்றம் நோக்கி நகர்ந்தாக வேண்டும் . அரசியல் மாற்றம் நோக்கி நகர வேண்டும் என்றால் லட்சியம் சார்ந்த ஒரு தலைவர் வேண்டும் அதற்கு ஒரு கூட்டு சூழல் வேண்டும் என்பது தான் இன்றைக்கு முக்கியம் . இன்று இடது சாரி இயக்கங்கள் வெவ்வேறு திசையில் பிரிந்து கிடந்தாலும் கூட இன்னும் வரும் ஐந்து ஆண்டுகளில் மிக பெரிய அரசியல் மாற்றத்தை உருவாக்க கூடிய மிக பெரிய அணி உருவாக கூடும் என நான் நம்புகிறேன் . அந்த அணியில் மிக முக்கியமான இடத்தை மதிமுகவும் அதன் தலைமை பொறுப்பில் இருக்கும் வைகோ அவர்களும் பெறுவார்கள் என்று நான் நம்புகிறேன்.

எனவே நல்ல அரசியல் மாற்றம் நிகழ வேண்டும் என்பதற்காகவே சமூக பணியில் தன்னை ஈடுபடுத்தி கொண்டிருக்கும் காந்திய இயக்கம் அரசியல் மாற்றம் நிகழும் என்றும் நம்புகிறது . இன்றைக்கு திமுகழகம் அண்ணா திமுகழகம் இரண்டுக்கும் மாற்றாக இருக்க கூடிய வேட்பாளர்களை மனதில் நிறுத்துங்கள் மாற்று அரசியலை உருவாகக் முயலுங்கள் . அப்படி மாற்று அரசியலை உருவாக்க முனைகிற போது மதிமுகவில் நிற்க கூடியவர்களுக்கு வைகோவை நெஞ்சில் நிறுத்தி முன்னுரிமை வழங்குங்கள் என்று என்னுடைய காந்திய மக்கள் இயக்கத்தின் சார்பில் கேட்டு கொள்கிறேன் .

-- தமிழருவி மணியன்

காணொளி பார்க்க இங்கே சொடுக்கவும்

நன்றி இமயம் தொலைக்காட்சி

மங்காத்தா - திரை விமர்ச்சனம்

2011-08-31T15:01:00.000+05:00

தவறு செய்கிறவர்கள் மீது நடவடிக்கை எடுக்க வேண்டிய அதிகாரிகள் தவறு செய்பவர்களின் மீது நடவடிக்கை எடுத்து அரசுக்கு சேர வேண்டிய பணத்தை தாங்களே சுருட்டி கொள்வது தான் மங்காத்தா கதை.

அஜித்தின் 50 வது படமான மங்காத்தா இன்று திரைக்கு வந்துள்ளது . அஜித் ரசிகர்களின் மிகுந்த எதிர்பார்ப்போடு திரைக்கு வந்திருக்கிறது. வெங்கட் பிரபு படத்தை இயக்கியுள்ளார். முக.அழகிரியின் மகன் தயாநிதி அழகிரி தயாரிப்பில் கலாநிதி மாறனின் சன் பிக்சர்ஸ் நிறுவனத்தின் மூலமாக தமிழ் நாடு முழுவதும் இந்த படம் வெளியிடப்பட்டுள்ளது.

போலிஸ் வேடத்தில் என்ட்ரி கொடுக்கும் அஜித் பின்னர் படம் முழுக்க வில்லன் போலவே வந்து முடிவில் ஹீரோவாக மாறுகிறார். மற்றொரு நடிகரான அர்ஜுன் படம் முழுக்க போலிஸ் அதிகாரியாக வந்து கடைசியில் காவல் துறையையை எமாற்றுபவராக மாறி விடுகிறார். நாயகியாகிய திரிஷா இரண்டாம் பாதியில் காணாமல் போய் விடுகிறார்.

திரைகதை கிரிக்கெட் சூதாட்டத்தை வைத்து துவங்கி அதன் மூலம் வரும் பணத்தை யார் கைப்பற்றுவது என்பதாக கதை நகருகிறது. நகைச்சுவையாகவும் மசாலா படமாக இருக்கிறது. கதை என்று சொல்லும் அளவிற்கு எந்த கதையும் இல்லை படம் முழுக்க பணம் (Money) பணம் (Money) பணம் (Money) என்றே இருக்கிறது. இன்னொரு நடிகையான லெட்சுமி ராய் துவக்கத்திலும் கடைசியிலும் வருகிறார்.

அஜித்திடம் உங்கள் வயது என்ன என்று கேட்ட போது சளைக்காமல் உண்மையான வயதை சொன்னது அஜித்தை வித்தியாசபடுத்தி காட்டியது. விளையாடு மங்காத்தா பாடல் ரசிகர்களை உற்சாக படவைக்கும். யுவன் சங்கர் ராஜாவின் இசையில் பாடல்கள் அனைத்தும் கேட்டு கொண்டே இருக்கலாம்.

மங்காத்தா "மச்சி ஓபன் தி பாட்டல்"

ஐயோ இன்னும் ஒன்னு சொல்ல மறந்துட்டேன் ........ தயாநிதி அழகிரி தயாரிப்பில் கலாநிதி மாறன் வெளியீட்டில் வந்ததாலோ என்னவோ தவறு செய்கிறவர்கள் மீது நடவடிக்கை எடுக்க வேண்டியவர்களே பணத்தை அமுக்கி கொள்வது போல் படம் அமையுது. வெங்கட் பிரபு 2Gயை நினத்து தான் ..............எடுத்தாரோ ?

உரிமைக்காக மதுரை நிரம்பி வருகிறது - நேரடி ரிப்போர்ட்

2011-08-17T11:23:00.001+05:00

மதுரை காளவாசல் இதுதான் இன்றைய மதுரை மக்களின் பேச்சாக இருக்கிறது . ஆம் உரிமைக்காக மதுரை மக்களால் நிரம்பி வருகிறது . முல்லை பெரியாறு அணையை உடைக்க நினைக்கும் கேரளா அரசை கண்டித்தும் தமிழகத்திற்கு துரோகம் செய்யும் மத்திய அரசை கண்டித்தும் , முல்லை பெரியாறில் உரிமை காக்க தமிழக அரசு விரைந்து செயல்பட வலியுறுத்தியும் வைகோ தலைமையில் மதுரை காளவாசல் பகுதியில் பிரமாண்டமான உண்ணாவிரத போராட்டம் நடந்து வருகிறது .

இங்கிலாந்து பொறியாளர் பென்னிகுயக் அவர்களால் தமிழர்களுக்காக தமிழர்களின் வியர்வையும் ரத்தமும் சிந்தி கட்ட பட்டது. 999 ஆண்டுகளுக்கு உரிமை பட்ட அணையை கேரள அரசு சதி செய்து உடைக்க முற்படுகிறது . கடந்த திமுக ஆட்சி தமிழர்களுக்கு எதிராக செயல் பட்ட காரணத்தால் தமிழர்களுக்கு சாதகமாக இருந்த நிலை இன்று கேரளாவிற்கு சாதகமாக ஆகி இருக்கிறது .

கேரளா அரசு இந்திய இறையாண்மைக்கு எதிராக போட்ட தீர்மானத்தை ஆதரித்து மத்திய அரசும் அதே போல் ஒரு தீர்மானத்தை போட முற்படுகிறது . இந்த நிலையில் இதுவரை காலமும் முல்லை பெரியாறில் தமிழர் உரிமைக்காக போராடி வருகிற வைகோ இன்று மீண்டும் உண்ணாவிரதம் இருக்கிறார் . முன்னர் நடந்த போராட்டங்கள் போல் அல்லாமல் இன்று மிக பெரிய எழுச்சி மக்கள் மத்தியில் ஏற்பட்டிருக்கிறது .

மக்கள் வெள்ளம போல் திரண்டு உண்ணாவிரத போராட்டத்தில் பங்கேற்று வருகிறார்கள் . இதுவரை நேரம் வரை பதினையாயிரம் பேர் இந்த உண்ணாவிரத போராட்டத்தில் பங்கேற்று உள்ளனர் . பேரணி போன்று கட்சி கொடிகளை ஏந்தி வந்து கொண்டிருக்கிறார்கள் . இந்த போராட்டத்தை கொளத்தூர் மணி துவங்கி வைத்தார் . கத்தோலிக்க அமைப்புகள் இந்திய கம்முனிஸ்ட் கட்சி தலைவர்கள் விவசாய அமைப்புகள் வைகோவிற்கு வாழ்த்து தெரிவித்து வருகின்றனர். அப்பாஸ் அவர்கள் முன்னிலை வகித்து வருகிறார்கள் .

ஏன் மாற்றம் வேண்டும் அரசியல் தொடர் -பகுதி 1

2011-08-07T16:07:00.000+05:00

தமிழக அரசியலில் மாற்றம் வேண்டும் என்ற குரல் ஓங்கி ஒலிக்க துவங்கியிருக்கிறது. ஆட்சி செய்தவர்களால் ஏமாற்ற பட்ட தமிழர்களும் ஆட்சி செய்பவர்களால் ஏமாற்ற பட்டு கொண்டிருக்கும் தமிழர்களால் இன்று மாற்றம் வேண்டும் என்ற குரல் ஓங்கி ஒலிக்க துவங்கியிருக்கிறது.

மாணவர்கள் , இளைஞர்கள் , கல்வியாளர்கள் , பாமரர்கள் என்று எங்கும் குறைவில்லாதவாறு சிந்திக்கும் மக்கள் மத்தியில் ஒரு வித விரக்தி தெரிகிறது. ஒவ்வெரு ஐந்து ஆண்டுகளுக்கும் கடமையை செய்யும் விதமாக ஒரு சடங்காக தேர்தல் வந்து முடிகிறது. வாக்களித்து வாக்குகள் எண்ணி முடிந்து தாங்கள் வாக்களித்த வேட்பாளர் வெற்றி பெற்றாலும் ஒரு வித ஏமாற்றம் ஏற்பட்டு கொண்டு தான் இருக்கிறது . இந்த நிலை கடந்த மூன்று நான்கு தேர்தல்களில் தொடர்கிறது.

இரண்டு தாசாப்தங்களாக ஜெயலலிதா , கருணாநிதி இருவரும் தான் மாறி மாறி ஆட்சி செய்கின்றான, இதனால் தமிழகத்தில் ஏற்பட்ட ஆக்கபூர்வ வளர்ச்சிகள் தான் என்ன ? இவர்களை தவிர்த்து வேறு யாரும் ஆட்சிக்கு வர முடியாதா ? ஒரு தமிழக முதல்வரால் தமிழகத்திற்கான தொலைநோக்கு திட்டங்களை தீட்ட முடியாதா ? என்று பல கேள்விகள் எழுகின்றன. இந்த கேள்விகளுக்கு விடை கிடைக்கும் வகையில் என் அறிவுக்கும் என சிந்தனைக்கும் எட்டிய அளவில் இந்த தொடர் கட்டுரையை எழுதலாம் என நினைக்கிறேன்.

தமிழகத்தில் நடுநிலையான ஊடகங்கள் இல்லாதது கூட மக்களின் சிந்தனைகளை தூண்டாததற்கு ஒரு காரணமாக இருக்கலாம் . ஒவ்வெரு ஊடகங்களும் இந்த இரண்டு கட்சிகளுக்கும் சாதகமாகவும் , பாதகமாகவும் நடந்து கொள்கின்றன . மக்கள் தெரிந்து கொள்ள வேண்டிய செய்திகளை மறைத்தும், மக்களுக்கு தேவையற்ற செய்திகளை எழுதியும், தங்கள் ஆதரவு கட்சிகளின் கருத்துக்களை திணித்தும் வருகின்றன .

இதுவரை நடந்த இரண்டு கட்சிகளின் ஆட்சிகளும் மக்களின் நன்மதிப்பை பெற்றதில்லை. ஒவ்வெரு முறை தேர்தலின் போதும் ஆட்சி செய்யும் கட்சிகள் செய்யும் தவறுகளால் இன்னொரு கட்சி தேர்ந்தெடுக்கப் படுகிறது. கடந்த 20 ஆண்டுகளாக இதே நிலைமை தான் நீடித்து வருகிறது.

இந்த இருவரில் யாருமே இதுவரை தோல்வியிலிருந்து பாடம் கற்பித்ததாக தெரியவில்லை . எதற்காக கடந்த முறை தோற்கடிக்கப் பட்டார்களோ அதே தவறை மீண்டும் ஆட்சிக்கு வந்த பின்னர் செய்கின்றனர். குற்றம் செய்யும் ஒருவருக்கு கொடுக்கிற தண்டனை காலம் என்பது "திருந்தி வாழ்வதற்காகவே அன்றி தவறு செய்வதற்கான இடைவெளி அல்ல".

தமிழக அரசியலில் நாகரிகம் என்பது இல்லமால் போய் விட்டது . ஆக்கபூர்வ அரசியல் மலையேறி பல காலம் ஆகி விட்டது. "அரசியல்" என்பது மக்களுக்கு சேவை செய்யும் வகையில் புனிதமாக கருத வேண்டிய வார்த்தை. ஆனால் இன்று அரசியல் என்றாலே அலறி அடித்து ஓடும அளவிற்கு தரம் கேட்டு காணப்படுகிறது. அரசியலின் புனித தன்மையையும் தரத்தையும் மீட்க இளைய சமுதாயத்தால் மட்டுமே முடியும்.

அரசியல் பற்றி ஆழ்ந்த சிந்தனை இளைய சமுதாயத்தில் உருவாக வேண்டும். அரசியலை ஆக்க பூர்வமாக மாற்ற வேண்டிய காலம் நெருங்கி விட்டது. இக்காலகட்டம் என்பது மாற்றம் உருவாக வேண்டிய காலகட்டம். மனதில் மாற்றம் வேண்டும் என்ற சிந்தனை இப்போதே உருவாகி செயல் படுத்த வேண்டிய கால கட்டத்தில் நாம் இருக்கிறோம் .

அடுத்து வரும் நாட்களில் "ஏன் மாற்றம் வேண்டும்" என்பதை மேலும் பல செய்திகளோடு தொடருகிறேன் மாற்றம் குறித்த உங்கள் கருத்துக்கள் வரவேற்க படுகிறது.

நீங்கள் தான் தமிழீழத்தின் இந்திய அம்பாசிடர்

2011-08-06T15:55:00.002+05:00

நீண்ட இடைவெளிக்குப் பிறகு நாடாளுமன்றக் கட்டடத்துக்குள், பிரதமர் மன்மோகன் சிங்கை சந்திப்பதற்காகவே வந்தார் வைகோ .

நாடாளுமன்றக் கட்டடத்துக்குள் வந்த வைகோவைப் பார்த்த மத்திய அமைச்சர் சரத் பவார், 'எப்ப நீங்க உள்ளே வரப்போறீங்க?' என்று அரவணைத்தார். இதே மாதிரி , மத்திய அமைச்சர்கள் பலரும் தங்கள் பாசத்தைத் தெரிவிக்க ... பூரித்த மனோநிலையில் பிரதமரது அலுவலகத்துக்குள் நுழைந்தார் வைகோ!

"நான் உங்களைக் குற்றம்சாட்டிக் கடிதங்கள் கொடுப்பதற்காகவே உங்களை சந்திக்கிறேன். நீங்களும் நான் நேரம் கேட்டதும், உடனடியாக நேரம் ஒதுக்குகிறீர்கள். அதற்காக எனது நன்றிகள்!" என்று வைகோ சொல்ல ... "உங்கள் உயர்ந்த கொள்கைக்காகவே நீங்கள் என்னை சந்திக்கிறீர்கள். அதை நான் மதிப்பதால், உங்களை சந்திக்கிறேன்! என்று பதில் சொன்னாராம் பிரதமர்.

மூன்று கோரிக்கை மனுக்களை பிரதமரிடம் வைகோ கொடுத்தார். "முல்லை பெரியாறு அணையை உடைத்துவிட்டு புதிய அணை ஒன்றைக் கட்ட கேரள அரசு முயற்சித்து வருவது, தமிழக மக்களுக்கு எதிரானது. தமிழர்களுக்குத் தண்ணீர் கொடுக்கக் கூடாது என்பதற்காகவே, அந்த அணை பலவீனமாக இருக்கிறது என்று கேரள அரசு பொய் சொல்கிறது!" என்று வைகோ சொன்ன போது, அந்த அணை கட்டி ௧௦௦ ஆண்டுகள் ஆகி விட்டதே. அது பலவீனம் அடைந்து இருக்காதா?" என்று பிரதமர் கேட்டாராம்.

"௧௦௦௦ ஆண்டுகள் ஆனாலும் அந்த அணை வலுவாகத்தான் இருக்கும். அந்த அளவிற்கு அணையை வலுப்படுத்துவதற்கான பணிகளை உச்ச நீதிமன்றத்தின் உத்தரவுப்படி, தமிழகம் செய்து வருகிறது. மத்திய அரசின் நீர் வள ஆணையம் நியமித்த வல்லுநர் குழுவும், முல்லை பெரியாறு அணை வலுவாக இருப்பதாகவே சொல்கிறது. உச்ச நீதிமன்றத் தீர்ப்பை வலு இழக்கச் செய்வதற்காகவே கேரள அரசு ஒரு சட்டத்தை இயற்றி உள்ளது. சட்டத் திருத்தவும் கொண்டுவந்து உங்களுக்கு அனுப்பி உள்ளது. இப்படி ஒவ்வெரு மாநிலமும், 'அணைகள் எல்லாம் தங்களுக்குத்தான் சொந்தம்' என்று சொன்னால் என்ன ஆகும்? எங்கள் மாநில முதலமைச்சர் உங்களுக்கு இதுபற்றி விரிவாக ஒரு கடிதம் அனுப்பி இருக்கிறாரே.." என்று ஜெயலலிதாவின் கடிதத்தையும் வைகோ ஞாபகபடுத்தினாராம். "இவை அனைத்துமே எனக்கு தெரியும். நான் இதில் கவனம் செலுத்துகிறேன்!" என்றாராம் பிரதமர்.

இரண்டாவதாக வைகோ சொன்ன பிரச்சனை, ராஜீவ் கொலை வழக்கில் கைதாகி தூக்குத் தண்டனை பெற்ற பேரறிவாளனைப் பற்றியது. "கொலை சதியைப்பற்றி பேரறிவாளனுக்கு எதுவுமே தெரியாது. அவர் எந்தக் குற்றத்தையும் செய்யவில்லை என்று உச்சநீதிமன்ற முன்னாள் நீதிபதி வி.ஆர்.கிரிஷ்னையரே சொல்லி இருக்கிறார். பேரறிவாளனைக் கடுமையாக துன்பபடுத்தித் தான் வாக்குமூலம் வாங்கி இருக்கிறார்கள். இளம் வயதில் கைதான அவர், ௨௦ ஆண்டுகள் சிறையில் இருந்துவிட்டார். அவரது வாழ்க்கையே அழிந்துவிட்டது. ஏற்கனவே நளினிக்கு மரண தண்டனையை ரத்து செய்துவிட்டீர்கள். அதுபோல, பேரறிவாளனுக்கு விதிக்கப்பட்ட மரண தண்டனையையும் ரத்து செய்ய வேண்டும்." என்று வைகோ சொன்னது அனைத்தையும் உற்றுக் கவனித்த பிரதமர், "உங்கள் கோரிக்கையை உள்துறை அமைச்சகத்துக்கு அனுப்பி வைக்கிறேன்!" என்றாராம் " நானே இதுபற்றி அமைச்சர் ப.சிதம்பரத்தைச் சந்திக்க இருக்கிறேன்.." என்று சொல்லி விட்டு மூன்றாவதாக ஈழப் பிரச்சினைபற்றி பேசி இருக்கிறார்.

"தொடர்ந்து உங்களுக்கு நான் எழுதிய கடிதங்கள் அனைத்திலும் 'இலங்கைப் படுகொலைக்கு பொறுப்பாளியாகி பதில் சொல்ல வேண்டிய கட்டாயத்துக்கு இந்தியா தள்ளப்படும்' என்று சொல்லி இருந்தேன். ஆனால், அதைத்தான் இந்தியா தொடர்ந்து செய்தது. வெந்த புண்ணில் வேல் பாய்ச்சுவது போல, ஜெனீவா மனித உரிமை ஆணையக் கூட்டத்தில் இலங்கையை ஆதரித்து கியூபா கொண்டு வந்த தீர்மானத்தை, இந்தியா ஆதரித்துள்ளது. உலகமே இலங்கை மீது பொருளாதாரத் தடை விதிக்க வேண்டும் என்று சொல்லும் சூழலில் இந்தியா மட்டும் இப்படி நடப்பது சரியா? இந்தியா இனியாவது இலங்கைக்குத் தரும் உதவிகளை நிறுத்தி, தனது கறையை கழுவ வேண்டும். அனைத்துப் பொருளாதார, நிதி உடன்படிக்கைகளையும் ரத்து செய்ய வேண்டும்..." என்று வைகோ சொன்னபோது, "இலங்கைக்கு நாம் உதவி செய்யவில்லை என்றால், சீனா இலங்கைக்குள் வந்துவிடும்!" என்றாராம் பிரதமர். "சீனா வந்துவிட்டது இலங்கைக் கடற்படை படகுளில் வந்து தமிழக மீனவர்களைத் தாக்குவது சீனக் கப்பற்படை வீரர்கள் தான். இந்தியா எத்தகைய உதவிகளைச் செய்தாலும் இலங்கை நாடு, சீனாவுக்குத்தான் நண்பனாக இருக்கும். சீனாவையும் பாகிஸ்தானையும்தான் நட்பு நாடாக அவர்கள் நினைப்பார்கள். நம்மை சேர்க்க மாட்டார்கள்!" என்று வைகோ சொன்ன போது சீரியஸாகக் கேட்டார் பிரதமர். இந்த சந்திப்புக்குப் பிறகு உள்துறை அமைச்சர் ப.சிதம்பரத்தை சந்தித்து பேரறிவாளன் விடுதலை குறித்து வைகோ பேசினாராம்.

ஈழத்தமிழர் படுகொலை குறித்து, தமிழில் தான் வெளியுட்டுள்ள சி.டி-களின் ஆங்கிலப் பிரதியை டெல்லி பத்திரிக்கையாளர்களுக்குப் பிரத்தியோகமாகப் போட்டுக் காண்பித்தார் வைகோ. அந்த உருக்கமான சி.டி-யை பார்த்த பல பத்திரிக்கையாளர்கள், "கொழும்புவில் இவ்வளவு கொடுமைகள் நடந்துள்ளது எங்களுக்கே தெரியாது!" என்று பகிரங்கமாகப் பேசிக்கொண்டனர். வைகோவை சந்தித்த டெல்லி வாழ் தமிழ் மாணவர்கள், "நீங்கள் தான் தமிழீழத்தின் இந்திய அம்பாசிடர்! என்று சொன்னதை நெகிழ்வுடன் கேட்டார் வைகோ!

-சரோஜ் கண்பத்

இந்த வார ஜூனியர் விகடனில் வெளிவந்தது. நன்றி ஜூனியர் விகடன்.

தமிழகத்திலேயே ஏழ்மையான குடும்பம் கருணாநிதி குடும்பம் மட்டும் தான் !

2011-08-06T11:29:00.001+05:00

கருணாநிதியின் குடும்பத்துக்கு இருக்கும் சொத்துப் பட்டியலை வெளியிட்டு இருக்கிறது, டெல்லியில் இருந்து வெளிவரும் 'த அதர் சைடு’ என்ற ஆங்கில மாத இதழ். இது ஏதோ, கருணாநிதிக்கு வேண்டாத அரசியல் எதிரிகள் நடத்தும் பத்திரிகை இல்லை. 'எனது நண்பர்... எமர்ஜென்ஸி கொடுமைகளை ஒன்றாகச் சேர்ந்தே எதிர்த்தோம்!’ என்று கருணாநிதியால் வாஞ்சையாகப் புகழப்படும் ஜார்ஜ் ஃபெர்னாண்டஸை ஆசிரியர் குழுத் தலைவராகக்கொண்டு இயங்கும் பத்திரிகை. இதன் ஆசிரியர் ஃபெர்னாண்டஸின் தோழி ஜெயா ஜெட்லி. ஜூலை இதழில் மூன்று பக்கங்களுக்கு கருணாநிதி குடும்பத்தின் சொத்துப் பட்டியல் வெளியாகி, டெல்லிப் பிரபலங்களைக் கலக்கி உள்ளது!

'த அதர் சைடு’ பத்திரிகை வெளியிட்ட சொத்துப் பட்டியலைப் பார்த்து அதிர்ந்த பிரதமர் மன்மோகன் சிங், ''ஓ மை காட். கலைஞர்ஜி இந்த அளவுக்கு சொத்து சேர்த்துவைத்து இருக்கிறார் என்ற விவரம் எனக்கே அதிர்ச்சியாக இருக்கிறதே!’ என்று, அந்தப் பட்டியலைப்பற்றி விசாரிக்குமாறு மத்திய உளவுத் துறைக்கு உத்தரவிட்டாராம்.

அந்தக் கட்டுரையின் துவக்கத்தில், 'கருணாநிதிக்கும் அவரது குடும்ப உறுப்பினர்களுக்கும், தமிழகத்திலும் தென் இந்தியாவிலும் இருக்கக்கூடிய முக்கியமான சொத்துகளின் பட்டியல் விவரம். இது முழுமையான பட்டியல் இல்லை. கருணாநிதியின் குடும்பத்தாரால் வெளிநாடுகளில் மறைத்துவைக்கப்பட்டு இருக்கும் சொத்து பற்றிய விவரங்கள் இந்தப் பட்டியலில் இல்லை. வறுமைக் கோட்டுக்குக் கீழே உழன்ற கருணாநிதி மற்றும் அவரது குடும்ப உறுப்பினர்கள் (தங்களது அயராத உழைப்பால்!) கடந்த 60 ஆண்டுகளில் ஈட்டியவை இவை. தமிழகத்தில் வாழும் ஏழை எளியவர்களுக்காகக் காலம் எல்லாம் பாடுபட்ட மஞ்சள் சால்வைக்காரர், இன்று தேர்தல் முடிவுகள் தந்த கட்டாய ஓய்வில் நிலை குத்தி நிற்கிறார்!’ என்று எழுதி இருக்கிறது.

அந்த பத்திரிகை வெளியிட்டு உள்ள பட்டியலை அப்படியே தருகிறோம்!

1. 6,124 சதுர அடிகள் பரப்பளவுகொண்ட கருணாநிதியின் கோபாலபுரத்து வீடு - மதிப்பு 5 கோடி.

2. முரசொலி மாறனின் கோபாலபுரத்து வீடு - மதிப்பு 5 கோடி.

3. 1,200 சதுர அடிகள் பரப்பளவுகொண்ட முரசொலி செல்வத்தின் கோபாலபுரத்து வீடு - மதிப்பு 2 கோடி.

4. கோபாலபுரத்தில் சொர்ணத்தின் வீடு - மதிப்பு 4 கோடி.

5. கோபாலபுரத்தில் மு.க.முத்துவின் வீடு - மதிப்பு 2 கோடி.

6. கோபாலபுரம் அமிர்தத்தின் வீடு - மதிப்பு 5 கோடி.

7. மகள் செல்வி, எழிலரசியின் கோபாலபுரம் வீடு - மதிப்பு 2 கோடி.

8. சி.ஐ.டி காலனியில் 9,494 சதுர அடிகள் பரப்பளவுகொண்ட இடத்தில் 3,500 சதுர அடிகளுக்கு கட்டப்பட்டு இருக்கும் கருணாநிதியின் துணைவியார் ராஜாத்தி அம்மாளின் வீட்டு மதிப்பு - 12 கோடி.

9. மண்ணிவாக்கம் கிராமத்தில் ராஜாத்தி அம்மாளுக்கும், கனிமொழிக்கும் இருக்கும் 300 ஏக்கரின் மதிப்பு 4.5 கோடி.

10. ராயல் ஃபர்னிச்சர் என்ற பெயரில் இருக்கும் ராஜாத்தி அம்மாளின் ஷாப்பிங் நிறுவனத்தின் மதிப்பு - 10 கோடி.

11. 2,687 சதுர அடிகள்கொண்ட நிலப்பரப்பில் 2,917 சதுர அடியில் கட்டப்பட்டு இருக்கும் மு.க.ஸ்டாலின் வேளச்சேரி வீட்டு மதிப்பு - 2 கோடி.

12. நுங்கம்பாக்கத்தில் இருக்கும் உதயநிதி ஸ்டாலினின் ஸ்னோ ஃபவுலிங் சென்டரின் சொத்து மதிப்பு - 2 கோடி.

13. சென்னை போட் கிளப்பில் இருக்கும் கலாநிதி மாறனின் 16 கிரவுண்ட் மாளிகையின் நில மதிப்பு மட்டும் - 100 கோடி.

14. கொட்டிவாக்கத்தில் இருக்கும் மாறன் சகோதரர்களின் பண்ணை வீட்டின் மதிப்பு - 10 கோடி.

15. போரூர் ராமச்சந்திரா மருத்துவமனைக்கு அருகில் இருக்கும் எம்.எம் இண்டஸ்ட்ரீஸின் மதிப்பு - 2 கோடி.

16. 6 கிரவுண்ட் பட்டா நிலத்திலும், 1,472 சதுர அடி புறம்போக்கு நிலத்திலும் அமைந்து இருக்கும் கோடம்பாக்கம் 'முரசொலி’ அலுவலகக் கட்டடத்தின் மதிப்பு - 20 கோடி.

17. மகாலிங்கபுரத்தில் 2 கிரவுண்ட் நிலத்தில், சன் கேபிள் விஷன் சொத்து மற்றும் தொலைக்காட்சி உபகரணங்களின் மதிப்பு - 5 கோடி.

18. சன் டி.வி-க்கு எம்.ஆர்.சி. நகரில் இருக்கும் 32 கிரவுண்டின் மதிப்பு - 100 கோடி.

19. கோரமண்டல் சிமென்ட் கம்பெனியில் இருக்கும் 11 சதவிகித பங்குகளின் மதிப்பு - 50 கோடி.

20. பெங்களூருவில் இருக்கும் செல்வத்தின் அடுக்குமாடிக் குடியிருப்பின் மதிப்பு - 4 கோடி.

21. பெங்களூரு - மைசூர் நெடுஞ்சாலையில் அமைந்திருக்கும் செல்வியின் ஒரு ஏக்கர் பண்ணை வீட்டின் மதிப்பு - 80 கோடி.

22. மாறன் சகோதரர்களின் 1.84 ஏக்கர் பண்ணை வீட்டின் மதிப்பு - 120 கோடி.

23. பெங்களூருவில் 10 கிரவுண்டில் அமைந்திருக்கும் உதயா டி.வி. சேனலின் நில மதிப்பு - 108 கோடி.

24. பீட்டர்ஸ் ரோட்டில் இருக்கும் மு.க.தமிழரசுவின் 'ரெயின்போ இண்டஸ்ட்ரீஸின்’ மதிப்பு - 48 கோடி.

25. அந்தியூரில் இருக்கும் மு.க.தமிழரசுவின் 13 கிரவுண்ட் பண்ணை வீட்டின் மதிப்பு 30 லட்சம்.

26. புது டெல்லியில் இருக்கும் சன் டி.வி. அலுவலகத்தின் மதிப்பு - 50 கோடி.

27. எக்ஸ்பிரஸ் எஸ்டேட்டில் இருக்கும் பங்குகளின் மதிப்பு - தெரியவில்லை.

28. தினகரன் பப்ளிகேஷன்ஸ் - மதிப்பு தெரியவில்லை.

29. சுமங்கலி பப்ளிகேஷன்ஸ் - மதிப்பு தெரியவில்லை

30. முரசொலி அறக்கட்டளை - மதிப்பு தெரியவில்லை

31. ஒரு ஷேர் 48 என்ற கணக்கில் ஸ்பைஸ் ஜெட் ஏர்வேஸில் 37 சதவிகிதப் பங்குகளை கன்ஸாகரா நிறுவனத்திடம் இருந்து அமெரிக்காவின் 'வில்பர் ராஸ் அண்ட் ராயல் ஹோல்டிங்குஸ் சர்வீஸர்’ மூலமாக வாங்கப்பட்டது. இதை வாங்கிய சமயத்தில் 13,384 கோடிக்கு வாங்கியதாக கலாநிதி மாறனே பிரகடனம் செய்திருந்தார்.

32. மதுரை, மாடக்குளம் கிராமத்தில் தயாளு அம்மாள் அறக்கட்டளைக்கு இருக்கும் நிலத்தின் மதிப்பு - தெரியவில்லை.

33. தஞ்சாவூர் மாவட்டம் அகரத்திருநல்லூர் கிராமத்தில் கருணாநிதிக்கு இருக்கும் 21.30 ஏக்கரின் மதிப்பு - தெரியவில்லை.

34. திருவள்ளூர் மாவட்டத்தில் தயாளு அம்மாளுக்கு இருக்கும் 3.84 ஏக்கரின் மதிப்பு - 1 கோடி.

35. துர்கா ஸ்டாலினுக்கு திருவள்ளூர் மாவட்டத்தில் இருக்கும் 3,680 சதுர அடி நிலத்தின் மதிப்பு - 60 லட்சம்

36. மதுரை வடக்கு தாலுக்கா - உத்தன்குடி கிராமத்தில் இருக்கும் அழகிரியின் 2.56 ஏக்கர் நிலத்தின் மதிப்பு 2 கோடி.

37. மதுரை வடக்கு தாலுக்கா காலாத்திரி கிராமத்தில் அழகிரிக்கு இருக்கும் 7.53 ஏக்கரின் மதிப்பு - 2 கோடி.

38. மதுரை தல்லாகுளத்தில் அழகிரிக்கு இருக்கும் 1.5 ஏக்கரின் மதிப்பு - 5 கோடி.

39. மதுரை வடக்கு தாலுக்காவில் சின்னப்பட்டி கிராமத்தில் அழகிரிக்கு இருக்கும் 1.54 ஏக்கரின் மதிப்பு - 40 லட்சம்.

40. மதுரை திருப்பரங்குன்றத்தில் அழகிரிக்கு இருக்கும் 12 சென்ட் நிலத்தின் மதிப்பு - 50 லட்சம்.

41. மதுரை தெற்கு தாலுக்காவில் மாடக்குளம் கிராமத்தில் அழகிரிக்கு இருக்கும் 36 சென்ட் நிலத்தின் மதிப்பு - 1 கோடி.

42. மதுரை தெற்கு பொன்மேனி கிராமத்தில் அழகிரிக்கு இருக்கும் 18,535 சதுர அடி நிலத்தின் மதிப்பு - 2 கோடி.

43. மதுரை சத்திய சாய் நகரில் 21 சென்டில் உள்ள அழகிரி வீட்டின் மதிப்பு - 2 கோடி.

44. மதுரை மாவட்டம் வாடிப்பட்டி தாலுக்காவில் தொகரை கிராமத்தில் காந்தி அழகிரிக்கு இருக்கும் 21.6 சென்ட் நிலத்தின் மதிப்பு - 60 லட்சம்.

45. மதுரை மாவட்டம் (நாகமலைப் புதுக்கோட்டை) உலியம்குளம் கிராமத்தில் காந்தி அழகிரிக்கு இருக்கும் 5.32 ஏக்கர் நிலத்தின் மதிப்பு - 20 லட்சம்.

46. மதுரை மாவட்டம் மேலமாத்தூர் கிராமத்தில் தயாநிதி அழகிரிக்கு இருக்கும் 12.01 ஏக்கர் நிலத்தின் மதிப்பு - 50 லட்சம்.

47. மதுரை, திருமங்கலம் டி.புதுப்பட்டி கிராமத்தில் காந்தி அழகிரிக்கு இருக்கும் 21.32 ஏக்கர் நிலத்தின் மதிப்பு - 50 லட்சம்.

48. கொடைக்கானல் மலையில் 82.3 சென்ட் சூழ இருக்கும் காந்தி அழகிரியின் பண்ணை வீட்டு மதிப்பு - 5 கோடி.

49. மாடக்குளம் கிராமத்தில் தயாநிதி அழகிரிக்கு இருக்கும் 18.5 சென்ட் நிலத்தின் மதிப்பு - 50 லட்சம்.

50. சென்னைக்கு அருகில் சோழிங்கநல்லூரில் தயாநிதி அழகிரிக்கு இருக்கும் 4,200 சதுர அடியின் மதிப்பு - 2.5 கோடி.

51. சென்னை திருவான்மியூரில் தயாநிதி அழகிரிக்கு சொந்தமான 3,912 சதுர அடி நிலத்தின் மதிப்பு -

3 கோடி.

52. மதுரை சத்ய சாய்நகரில் தயாநிதி அழகிரிக்கு சொந்தமான 4,378 சதுர அடிகொண்ட கல்யாண மண்டபத்தின் மதிப்பு - 3 கோடி.

53. சென்னை, மாதவரம் பால் பண்ணைக்கு அருகில் உள்ள ஆர்.சி.மேத்தா நகரில் இருக்கும் தயாநிதி அழகிரியின் அடுக்குமாடிக் குடியிருப்பின் மதிப்பு - 1 கோடி.

54. சென்னை, ஈஞ்சம்பாக்கத்தில் இருக்கும் தயாநிதி அழகிரிக்கு சொந்தமான 50 சென்ட் நிலத்தின் மதிப்பு - 2 கோடி.

55. மதுரை சிவரக்கோட்டையில் இருக்கும் அழகிரிக்கு சொந்தமான தயா இன்ஜினீயரிங் காலேஜ் மதிப்பு - தெரியவில்லை.

56. மதுரையில் 5 கிரவுண்டில் இருக்கும் தயாநிதி அழகிரியின் 8 மாடிகள்கொண்ட 'தயா சைபர் பார்க்’ மதிப்பு - தெரியவில்லை.

57. மதுரை பேருந்து நிலையத்துக்கு அருகில் இருக்கும் 'தயா டெக்னாலஜிஸ்’ என்ற நகர்ப்புற சொத்தின் மதிப்பு - 1 கோடி.

58. சென்னை அண்ணா சாலையில் இருக்கும் வணிக வளாகம் (கதவு இலக்க எண்: 271-ஏ) மதிப்பு - 5 கோடி. இது கனிமொழிக்குச் சொந்தமானது.

59. 'வெஸ்ட் கேட் லாஜிஸ்ட்டிக்ஸ்’ என்ற கம்பெனியில் கனிமொழிக்கு இருக்கும் பங்கின் மதிப்பு - 20 கோடி.

60. கலைஞர் டி.வி-யில் கனிமொழிக்கு இருக்கும் பங்குகளின் மதிப்பு - 30 கோடி.

61. ஊட்டியில், வின்ட்ஸர் எஸ்டேட்டில் இருக்கும் 525 ஏக்கர் தேயிலை தோட்டத்தின் மதிப்பு - 50 கோடி. இது கலைஞர் குடும்பத்துக்கு சொந்தமானது.

62. கலைஞர் டி.வி-யில் தயாளு அம்மாளுக்கு இருக்கும் பங்குகளின் மதிப்பு - 90 கோடி.

63. அந்தமான் தீவுகளில் இருக்கும் 400 ஏக்கர் கலைஞர் குடும்பத்துக்கு சொந்தமானது - மதிப்பு தெரியவில்லை

64. கூர்க் (குடகு மலை) காபி தோட்டம், கலைஞர் குடும்பத்துக்குச் சொந்தமானது - மதிப்பு தெரியவில்லை.

65. தமிழ்நாட்டில் இருக்கும் ஒவ்வொரு பெரிய நகரத்திலும் மல்டிப்ளெக்ஸ் கட்ட கலைஞர் குடும்பத்துக்குத் திட்டம் உள்ளது.

66. எஸ்.டி. கூரியர் என்ற கம்பெனிக்கு சொந்தமான இரண்டு விமானங்கள் மாறன் சகோதரர்களுடையதே.

67. தமிழ்நாடு ஹாஸ்பிடல்ஸுக்குப் பின்னால் இருக்கும் 'சன் மெடிக்கல் காலேஜ் மற்றும் மருத்துவமனை’ - மாறனின் மகள் அன்புக்கரசிக்கு சொந்தமானது.

68. சாய்பாபாவுக்கும் கருணாநிதியின் குடும்பத்துக்கும் ஏற்பட்ட ஒரு வர்த்தக ஒப்பந்தத்தை அடுத்து, ஆபட்ஸ்பரி வளாகத்தில் கட்டப்பட்டு வரும் வணிக வளாகத்தை மாறன் சகோதரர்கள் கட்ட இருக்கும் மருத்துவமனைக்காக ஒப்படைக்க உள்ளார்கள்.

69. கோவை (புரூக் பாண்ட் சாலையில் இருக்கும் புரூக் ஃபில்ட்ஸ் வளாகத்தின் ஒரு பகுதியை) ஆர்.எம்.கே.வி. கடை அமைந்திருக்கும் ஒரு சொத்து கனிமொழிக்கு சொந்தமானது என்று பொதுமக்கள் நம்புகிறார்கள்.

- இவ்வாறு அந்தப் பத்திரிகை பட்டியல் இட்டுள்ளது. இதைப் பார்த்துத்தான் பிரதமர் பேஸ்தடித்துவிட்டார் என்கிறார்கள்.

''கோபாலபுரம் வீடும் திருவாரூர் மாவட்டம் காட்டூர் கிராமத்தில் உள்ள இடமும் மட்டும்தான் தலைவர் பெயரில் உள்ளது. இதை தலைவரே பகிரங்கமாகச் சொல்லி இருக்கிறார். அவரது குடும்ப உறுப்பினர்கள் மற்றும் சொந்தங்கள் பல்வேறு தொழில்களை பல ஆண்டுகளாகச் செய்து வருகிறார்கள். அவை எதையும் கணக்கில் கொள்ளாமல் அரசியல் மூலம்தான் இவை வந்தது என்று பொத்தாம் பொதுவாக கணக்கிடுவது தவறானது. பொதுவாக சொத்துகள் வாங்கும் போது விலை குறைவாக இருந்திருக்கும். காலப்போக்கில் ஏறிய விலையின் மதிப்பை வைத்து தற்போது சம்பாதித்ததாகச் சொல்வது பூதாகாரமாக்கப் பயன்படுமே தவிர உண்மை அல்ல!'' என்று தி.மு.க-வினர் இதற்கு விளக்கம் சொல்கிறார்கள்.

- வேல்ஸ்

-ஜூனியர் விகடன்

தலை சுத்துதா ..........................?

இலங்கை உள்ளாட்சி தேர்தலும் தமிழக மார்க்சிஸ்ட் கட்சியும்

2011-07-27T20:33:00.001+05:00

நடந்து முடிந்த உள்ளாட்சி தேர்தலில் தமிழ் ஈழ மக்கள் சிங்கள இனவெறியன் ராஜ பக்ஷேவுக்கும் , தமிழின துரோகிகள் டக்லஸ் , கருணா போன்றவர்களுக்கும் , சர்வதேச சமூகத்திற்கும் ஒரு செய்தியை சொல்லியிருக்கிறார்கள். தமிழகத்தை பொறுத்த வரையில் அந்த செய்தி தமிழக மார்க்சிஸ்ட்களுக்கும் தமிழ் ஈழ மக்களால் சொல்ல பட்ட செய்தி.

பொதுவுடைமை கட்சி என்று தங்களை அடையாளம் காட்டி கொள்வதும் , புரட்சி மூலம் தான் நல்லாட்சி கொடுக்க முடியும் போராட்டத்தின் மூலமாக தான் உரிமைகளை பெற முடியும் என்று சொல்லும் மார்க்சிஸ்ட் தோழர்கள் ஏனோ தெரியவில்லை தமிழ் ஈழ மக்கள் விசயத்தில் நேர் எதிராக இருக்கிறார்கள்.

சிறுபான்மையினருக்கு ஆதரவாக போராட வேண்டும் என்று இங்கே சொல்லும் மார்க்சிஸ்ட்கள் இலங்கையில் மட்டும் பெரும்பான்மையினரோடு ஒத்து போங்கள் என்று சொல்லுகிறார்கள். கியூபா, ரசியா , சைனா போன்ற நாடுகளில் ஏற்பட்ட ஆயுத புரட்சியை ஆதரிப்பார்கள். அதே போல் பாலஸ்தீனத்தில் நடைபெறுகிற ஆயுத புரட்சியை ஆதரித்து இங்கே போராட்டம் செய்வார்கள். ஆனால் தொப்பிள் கோடி உறவு கொண்ட தமிழ் ஈழ மக்கள் போராடினால் மட்டும் கொச்சை படுத்துவார்கள்.

மிக தீவிரமாக ஈழ போர் நடைபெற்ற நேரத்தில் போரை நிறுத்த வேண்டும் என்று தமிழகத்தில் குரல் ஓங்கி ஒலித்த பொது மார்க்சிஸ்ட் கட்சியின் பொலிட் பீரோ உறுப்பினர் பிருந்தா காரத் சொல்வார் மக்கள் வேறு புலிகள் வேறு என்று . நாம் கேட்டதோ போரை நிறுத்த வேண்டும் என்று அதை தானே அவர்களும் வலியுறுத்தி இருக்க வேண்டும். ஆனால் அதற்கு மாறாக எரிகிற தீயில் எண்ணையை ஊற்றுவதையே வாடிக்கையாக கொண்டிருந்தார்கள். துருக்கியில் இருவர் கொல்ல பட்டால் இந்தியா முழுவதும் போராட்டம் நடத்தும் இவர்கள் தமிழ் ஈழத்தில் ஒரு லட்சத்தி நாற்பதாயிரம் மக்கள் கொல்ல பட்ட போது பெயருக்காவது போராட்டம் நடத்தினார்களா ?

ஐக்கிய நாடுகள் மூவர் குழு அறிக்கை வந்தவுடன் தீர்மானம் நிறைவேற்றினார்கள். இலங்கையில் நடைபெற்ற ஆயுத மோதலில் போர்குற்றம் விளைவைத்தவர்களை குற்றவாளி கூண்டில் ஏற்ற வேண்டும் என்பதாக. அவர்களின் தீர்மானத்தில் இனபடுகொலை என்றோ சுதந்திரத்திற்காக ஆயுதமேந்தி போராடுபவர்கள் என்றோ குறிப்பிடவில்லை. அதே விட ஓன்று பட்ட இலங்கை என்று ராஜ பக்ஷே போட வேண்டிய தீர்மானத்தை இவர்கள் போட்டார்கள்.

ஓன்று பட்ட இலங்கையா இல்லையா என்பதை அங்கு வாழும் தமிழ் மக்கள் முடிவு செய்வார்கள் அதை முடிவு செய்ய இவர்கள் யார் ? இது தான் நமது கேள்வி .....

தமிழக சட்டமன்றத்தில் இலங்கை மீது பொருளாதார தடை விதிக்க வேண்டும் என்ற தீர்மானத்தில் போசும் போது கூட அங்கு வாழும் தமிழ் மக்கள் பாதிக்க படுவார்கள் என்று பேசிய மார்க்சிஸ்ட் கட்சிக்கு தமிழ் ஈழ மக்கள் சாட்டையடி கொடுத்திருக்கிறார்கள். மாக்சிஸ்ட் கட்சியினரோ தமிழர்கள் சிங்களர்களோடு கையேந்தி வாழ வேண்டும் என்று சொல்லுகிறார்கள் . வர்க்க போராட்டம் கூட ஒரு உரிமைக்கான போராட்டம் தான் அந்த போராட்டங்களை நடத்தும் மார்க்சிஸ்ட்களுக்கு ஏனோ தமிழர்களின் உரிமை போராட்டம் கசக்கிறது.

நடைபெற்ற உள்ளாட்சி தேர்தல் தமிழர்களின் உரிமை முக்கியமா இல்லை தமிழர்களின் பொறாதார முன்னேற்றம் முக்கியமா என்ற நிலையில் தான் தேர்தல் நடைபெற்றது. விடுதலை புலிகளால் ஒன்றிணைக்க பட்ட பல்வேறு கட்சிகளை கொண்ட தமிழ் தேசிய கூட்டமைப்பு தமிழர்களின் உரிமைக்கான குரலாகவும், மகிந்தா அணியோ தமிழின துரோகிகளின் ஆதரவோடு பல ஆசைகளை காட்டி தேர்தல் வாக்குறுதிகளை கொடுத்து போட்டியிட்டது. ஆனால் தமிழ் மக்களோ தங்களுக்கு உரிமை சுதந்திரம் தான் முக்கியம் என்று தமிழ் தேசிய கூட்டமைப்பை வெற்றி பெற செய்துள்ளனர்.

இந்த தேர்தல் முடிவில் நாம் ஒன்றை முக்கியமாக பார்க்க வேண்டும் . சிங்களர்கள் பகுதியில் மகிந்தா ராஜ பக்ஷேவின் கட்சி அதிக இடங்களை பிடித்துள்ளது ஏன் ? சிங்களர்கள் தமிழர்கள் அடிமையாவதை விரும்புகிறார்கள் அடிமை படுத்த வேண்டும் என்று துடிக்கிறார்கள். ........ இது ஒன்றே போதும் தமிழர்களும் சிங்களர்களும் சேர்ந்து வாழ முடியாது என்று.

கடைசியாக ஓன்று பட்ட இலங்கை என்று சொல்லும் அனைவருக்கும் ஒன்றை சொல்லி கொள்கிறேன் தமிழ் ஈழ மக்களுக்கு தேவை சுதந்திரம். அது கிடைத்தால் அவர்களின் அடிப்படை தேவைகளை அவர்கள் பூர்த்தி செய்து விடுவார்கள். இனியாவது மார்சிஸ்ட்கள் திருந்துவார்களா?

புலிகள் வேறு மக்கள் வேறு அல்ல தமிழர்கள் அனைவரும் புலிகள் தான் , எங்களுக்கு தேவை சுதந்திரம் என்று உலகிற்கு காட்டிய தமிழ் ஈழ மக்களுக்கு சிரம் தாழ்ந்த வணக்கங்கள் ......

நாம் விரும்பியோ விரும்பாமலோ அரசியல் நம் மீது திணிக்க பட்டு விட்டது

2011-07-25T21:22:00.000+05:00

ஒவ்வெரு நாளும் புது புது வரலாறுகளை காலம் உருவாக்கி கொண்டிருக்கிறது. ஆனால் சிலவற்றை தான் முக்கியத்துவம் வாய்ந்ததாக கருகிறோம். வரலாறுகளை நாம் உருவாக்குவதில்லை வரலாறு நம்மை உருவாக்குகிறது. தமிழகத்தில் காங்கிரஸ் கட்சிக்கு ஏற்பட்ட தோல்வி இன்றுவரை வரலாற்று முக்கியத்துவம் வாய்ந்ததாக இருக்கிறது.

தமிழகத்தில் சமீப காலமாக மக்களால் விரும்பி ஏற்று கொள்ள முடியாத அளவிற்கு அரசியல் மாற்றங்கள் வேறு வழியின்றி மக்களால் தீர்மானிக்க படுகிறது. மக்கள் மத்தியில் புதிய சிந்தனைகள் உருவாகாததின் விளைவு தான் மக்களாலேயே நல்ல அரசை அமைக்க முடியவில்லை. மக்கள் மத்தியில் சிந்திக்கும் தன்மையை உருவாக்க வேண்டும் என்றால் மக்கள் அரசியல் பற்றி தெரிந்து கொள்ள வேண்டும். தமிழகத்தை பற்றியோ இந்தியாவை பற்றியோ கட்சிகளை பற்றியோ பேசினாலே சிலர் அரசியல் எனக்கு பிடிக்காது எனவே அரசியலை பற்றி நாம் பேச வேண்டாம் என்று ஒதுங்கி விடுவர்.

விரல் விட்டு எண்ண கூடிய அளவில் தான் அரசியல் குறித்த ஆர்வம் மக்களிடம் இருக்கிறது. அரசியல் பற்றி பேச வேண்டாம் என்று நினைப்பவர்கள் மத்தியில் அரசியல் குறித்து தவறான எண்ணங்கள் இருக்கிறது. அரசியல் என்றாலே அடி பிடி என்றும் , அரசியல் என்றாலே ஏமாற்று என்றும் , அரசியல் என்றாலே கட்சிக்குள்ளே போட்டி பொறாமைகள் என்ற ஊரு எண்ணமும் இருக்கிறது .

பொதுவாக என்னை போன்ற இளைஞர்களிடம் பேசும் போது கூட அவர்கள் இப்படி பேசுகிறார்கள். சமூக தளங்களில் அரசியல் குறித்து பதிவு செய்யாதீர்கள் என என்னிடமே சிலர் தனிப்பட்ட முறையில் சொல்லியிருக்கிறார்கள். ஆனால் அவர்களின் பதிவுகளை பதிவுகளை பார்த்தால் எந்த ஒரு நோக்கமோ லட்சியமோ அவர்களிடம் தெரியவில்லை. ஏதோ பொழுதை போக்க நண்பர்களோடு அரட்டை அடிக்க தான் இணையம் பயன் படுத்துவதாக தெரிகிறது.

இணையம் என்பது இன்றைய சூழ்நிலையில் மிக முக்கியமான வர பிரசாதம் என்றே சொல்லலாம். பொழுது போக்கிற்கும் அரட்டைக்கும் பயன் படுத்தலாம் தவறில்லை. ஆனால் சிறிதளவேனும் சமூக சிந்தனைகள் நமக்கு இருக்க வேண்டும் சமூகத்தின் வளர்ச்சி எந்த திசையில் சென்று கொண்டிருக்கிறது என்பதை கணக்கிடுபவராகவும் நாம் இருக்க வேண்டும்.

மக்களாட்சி தத்துவத்தில் நாம் விரும்பினாலும் விரும்பாவிட்டாலும் அரசியல் நம் மீது திணிக்கபட்டுள்ளது.

ஒவ்வெரு நாள் நம் வாழ்க்கை முறை முதல் நாம் சாப்பிடும் உணவு வரை அரசியல் தான் தீர்மானிக்கிறது. அரசியலே பிடிக்காது, என்று ஒதுங்கி கொண்டாலும் ஏதோ ஒரு வகையில் நாம் அரசியலுக்கு உள்ளாக்க படுகிறோம். அரசியல் பிடிக்காது என்று சொல்லுபவர்கள் பெரும்பாலும் சொல்லும் கருத்தாக அரசியல் நேர்மையாக இல்லை என்று தான். அரசியலில் நேர்மையை எதிர் பார்க்கும் நாம் அரசியலை விட்டு தூரத்தில் நிற்கும் போது அது எப்படி இருக்கும்.

ஒரு புறம் இணையத்தை பயன் படுத்துவோர் சரியாக பயன் படுத்த வில்லை என்றாலும் கடந்த நாட்களில் அரபு நாடுகளை புரட்டி போட்ட புரட்சிகள் எல்லாம் இணையம் வாயிலாக நடத்த பட்டன. அந்த நாடுகளின் இளைஞர்கள் சரியாக இணையத்தை பயன் படுத்தியதால் தான் புரட்சிக்கு பயன் பட்டது. எகிப்து , துனிசியா போன்ற நாடுகளில் நடைபெற்ற புரட்சிகள் முழுக்க முழுக்க இளைஞர்களால் நடத்த பட்டது. இளைஞர்கள் புரட்சிக்கு வித்திட்ட போது அடக்கி கொண்டிருந்த ஆதங்களை மக்கள் கொட்டி புதிய மாற்றத்தை உருவாக்கினர் . இது வரலாற்றில் முக்கிய துவம் பெற்றது.

சிங்கள கடற்படையால் கடலுக்கு செல்லும் தமிழக மீனவர்கள் கொல்ல படுவது வழக்கமாகி கொண்டிருந்தன. வட இந்தியாவில் பாட்டி கால் தவறி விழுந்தாலே பெரிய செய்தியாகும் வட இந்திய ஊடகங்கள் தமிழக மீனவர்களை கண்டு கொள்ள வில்லை. அதே நேரம் தமிழ் இணைய பயனர்கள் Twitter மூலம் இடைவிடாது தமிழக மீனவர்கள் இந்திய அளவில் பேசும் பொருளாக செய்தார்கள். இரவு பகலென்று பாராமல் தங்களுடைய ஒவ்வெரு tweet - டும் தமிழக மீனவர்கள் குறித்ததாக இருந்ததன் விளைவு ஓரளவிற்கு வட இந்திய ஊடகங்கள் செய்தி வெளியிட காரணமாக இருந்தது.

இணையம் மூலம் இன்று பல நன்மைகள் உருவாக்க முடியும். அரசியலில் நேர்மையை விரும்புவோர் கவனத்திற்கு என்ற பதிவின் மூலம் மதிமுக பொதுச்செயலாளர் வைகோவை இணைய தள நண்பர்கள் சந்திக்க இருப்பதையும் மேலும் விரும்புவோர் சந்திக்க வேண்டும் என்று அழைப்பு விடுத்திருந்தோம். Facebook மற்றும் Orkut போன்ற சமூக வலை தளங்கள் மூலமாக ஒருவருக்கொருவர் தொடர்பு கொண்டு இந்த கலந்துரையாடல் நிகழ்வினை ஏற்பாடு செய்தார்கள்.

தமிழக அரசியலை பொறுத்தவரையில் நேர்மையான அரசியல் வாதி யார் என்றால் வைகோ பக்கம் தான் அனைவரின் கைகளும் திரும்பும் என்பதில் யாருக்கும் மாற்று கருத்து இருக்க முடியாது. அந்த வகையில் கட்சி சார்பற்ற அரசியலை நேர் வழியில் கொண்டு செல்ல நினைக்கும் இளைஞர்கள் ஏராளமானோர் கலந்துரையாடலில் பங்கு பெற்றார்கள். எதிர் பார்த்ததை விட அதிகமாக இளைஞர்கள் கலந்து கொண்டிருக்கிறார்கள். தமிழகத்தின் ஒவ்வெரு பகுதியிலிருந்தும் இளைஞர்கள் கலந்து கொண்டிருக்கிறார்கள்.

தாங்கள் கலந்து கொண்டதை குறித்து சொல்லும் பொது ஒரு நல்ல தலைவரை என் வாழ்நாளில் சந்தித்திருக்கிறேன் என்று பெருமிதம் கொள்கிறார்கள். ஆரோக்கிய அரசியலை மதிமுகவால் மட்டும் தான் முன்னெடுக்க முடியும் . தொண்டர்கள் இருக்கிறார்கள் என்று தங்கள் சொந்த பிரச்சனைகளுக்காக தொண்டர்களை ஏவி விட்டு பொது சொத்துக்களை சேத படுத்தும் தலைவர்கள் மத்தியில் பதினெட்டு ஆண்டுகள் லட்சகணக்கான தொண்டர்களோடு கட்சி நடத்தி கொண்டிருக்கும் வைகோவின் மதிமுகவால் ஒரு குண்டூசி அளவில் கூட பொது சொத்திற்கு சேதம் விளைவித்ததில்லை.

அதே நேரம் மக்கள் பிரச்சனைகளுக்காக போராட்டம் நடத்த தயங்கியதும் இல்லை . இது தானே ஆரோக்கிய அரசியல். மக்களை ஏமாற்றினால் தான் பதவி கிடைக்கும் வெற்றி பெற முடியும் என்றால் அந்த பதவி கூட வேண்டாம் என்பது தானே ஆரோக்கிய நேர்மையான அரசியல். நேர்மையான் அரசியல் கட்சிக்கும் நேர்மையான அரசியல் தலைவருக்கும் இன்னொரு கட்சியையும் இன்னொரு தலைவரையும் அடையாளம் காட்ட முடியாது. அப்படிஎன்றால் நேர்மையான தலைவர் வைகோ தமிழகத்தின் ஆட்சி பொறுப்பில் வர வேண்டும். நேர்மையானவர்கள் அரசியலுக்கு வர வேண்டும். அதனடிப்படையில் ஜூலை 24 இளைஞர்கள் வைகோவை சந்தித்து கலந்துரையாடியிருக்கிரார்கள். இளைஞர்கள் மத்தியில் ஒரு புதிய உத்வேகத்தை கொடுத்துள்ளது.

கலந்து கொண்ட இளைஞர்கள் அடுத்த நிகழ்வில் மேலும் பல இளைஞர்கள் மத்தியில் இந்த செய்தியை கொண்டு சென்று இணையம் மூலம் தமிழகத்தை வளமாக்கும் ஒரு கட்டமைப்பை உருவாக்குவோம் என உறுதியளித்துள்ளனர். இது வரலாற்று மாற்றத்தை உருவாக்கும் புதிய வழிகோலாக அமைந்துள்ளது.

நாம் விரும்பியோ விரும்பாமலோ அரசியல் நம் மீது திணிக்க பட்டு விட்டது . அதை நாம் தான் சுத்த படுத்த வேண்டும். மாற்றம் நம் கையில்

அரசியலில் நேர்மையை விரும்புவோர் கவனத்திற்கு

2011-07-22T13:42:00.000+05:00

அரசியல் சாக்கடை என்றுஒதுங்கி கொள்வோர் ஏராளம். இதனால் தானே மேலும் மேலும் சாக்கடையாகி வருகிறது என்று சிந்திப்பவர்கள் ஒரு சிலரே. ஒவ்வேருவருக்கு ஒவ்வெரு பாதை இருக்கும், நேரமையான அரசியல் மூலம் வளமான தமிழகத்தை கட்டியமைக்க வேண்டும் என்று மாணவர்கள், இளைஞர்கள் ஏங்கி கொண்டிருக்கிறார்கள். சமீப காலமாக சமூக வலை தளங்கள் மூலமாக அவற்றை வெளி காட்டி வருகிறார்கள்.

அரசியல் பற்றிய தெளிவு பெற வேண்டுமெனில் ஆழ்ந்து படிக்க வேண்டும். எல்லோரையும் படிக்க வேண்டும். எல்லா கொள்கைகளையும் படிக்க வேண்டும். மாறி மாறி வரும் அரசுகளால் தமிழகத்தில் எந்த மாற்றமும் ஏற்பட்டதில்லை. யாருக்கு யாரும் சளைத்தவர்கள் அல்ல என்று இலவசங்களை ஒரு புறம் அள்ளி கொடுக்கும் அரசு தான் வரிகள் மூலம் மக்களை வாட்டி வதைக்கிறது.

தமிழர்களின் இன உணர்வுகள் மங்கி போகும் அளவிற்கு ஆட்சியாளர்கள் அதிகாரத்தின் மூலம் அடக்குகிரார்கள் இதில் இரண்டு ஆட்சிகளுக்கு வேறு பாடு இல்லை.

மக்கள் உணர்வுகளுக்கு மரியாதை கொடுப்பதிலும் சரி மக்கள் பிரச்சனைகளாக இருந்தாலும் சரி இரண்டு கட்சிகளுக்கும் பெரிய வித்தியாசங்கள் இல்லை. இந்த விசயங்களில் இவர்களே கூட்டணி அமைத்து கொள்கிறார்கள்.

பல ஆண்டுகளாக தமிழர்களின் உணர்வு பூர்வமான செயல்களில் அலட்சியம் காட்டிய அரசுகள் தான் இந்த அரசுகள். அதில் முக்கியமாக

ஈழ தமிழர் உரிமை மற்றும் இன படுகொலை ,

சிங்கள கடற்படையால் தமிழக மீனவர்கள் கொல்ல படுவது

இதுவரை தீர்வு கிடைக்காத காவிரி ஆறு

தென் மாவட்டங்களை பாலைவனமாக்க நினைக்கும் கேரளா அரசின் முல்லை பெரியாறு அணை விவகாரம்.

பக்கத்து மாநிலங்களுடனான நதி நீர் பிரச்சனைகள்

தொலை நோக்கு பார்வையற்ற ஆட்சி நிர்வாகம்

மாணவர்களின் கல்வியோடு விளையாடும் அரசுகள்

சாய பட்டறைகள் மூலம் எதிர்கால சந்ததிகள் பாதிக்க படுவதை குறித்து அலட்சியம் கொள்வது.

சாய பட்டறை ஆலை நிர்வாகிகளுக்கு ஆதரவாக அரசு செயல் படுவது,

காற்றில் நச்சு தன்மையை பரவ விட்டு அதன் மூலம் மக்களின் வாழ்க்கையை அழிக்க இருக்கும் தூத்துக்குடி நச்சு ஆலை (ஸ்டெர்லைட் )

மது கடைகளை மேலும் விரிவாக்கி இளையோர்களை தவறான பாதைக்கு அழைத்து செல்லுதல்

இன்னும் எண்ணற்ற விசயங்கள் தமிழகத்தின் எதிர்காலத்தை அழிக்க கூடியதாக இருக்கிறது. திமுக , அதிமுக இரண்டு கட்சிகளும் பெரிய அரசியல் விரோதியாக காட்டி கொண்டாலும் இருவருக்குமே எண்ணங்கள் ஒன்றக தான் இருக்கிறது. காமராஜர் , அண்ணாவிற்கு பிறகு தொலை நோக்கு பார்வை கொண்ட அரசுகள் அமையாதது கூட தமிழகம் பின் தங்கியிருப்பதற்கான ஒரு காரணம்.

கீழ் மட்டம் முதல் மேல் மட்டம் வரை லஞ்சமே பிரதானமாக காண படுகிறது.

இப்படி பல விசயங்களை எதிர் கொள்ள வேண்டிய நிலையில் தமிழகம் இருக்கிறது . புதிய சிந்தனைகள் மூலம் தான் இவற்றை மாற்றம் முடியும் . மாணவர்கள் இளைஞர்கள் நினைத்தால் மாற்றம் உருவாக்கலாம் . மக்கள் மத்தியில் விழிப்புணர்வை உருவாக்க வேண்டும் .

நல்ல தொலை நோக்கு பார்வை கொண்ட நிர்வாகம் தான் தேவையே ஒழிய இலவசங்களை கொடுத்து ஏமாற்றும் நிர்வாகம் தேவையில்லை என்று மக்கள் மத்தியில் எண்ணங்களை உருவாக்க கூடிய கட்டாயத்தில் நாம் இருக்கிறோம்.

ஆளுகிறவர்கள் நேர்மையாக இருந்தால் மட்டுமே மக்கள் நேர்மையாக இருப்பார்கள் என்பது முன்னோர்களின் வாக்கு. அப்படியென்றால் நேர்மையான்வர்களால் தமிழகம் ஆழ பட வேண்டும் . நேர்மையானவர்கள் அரசியலில் வர வேண்டும்.

ஆம் நேர்மையான் அரசியலை எதிர் நோக்கும் நடுநிலையாளர்கள் , இளைஞர்கள் , மாணவர்கள் , பல துறைகளை சார்ந்தவர்கள் அரசியலில் நேர்மையை கடை பிடித்து வரும் வைகோ அவர்களுடன் கலைந்துரையாடும் நிகழ்ச்சி நடைபெற இருக்கிறது.

நேர்மையை விரும்புவோர் ஆக்கபூர்வ அரசியலை விரும்புவோர் கலந்து கொள்ள்ளலாம் . விபரங்களுக்கு படத்தை பாருங்கள் .

இனியும் கேவல படாதீர்கள் அம்மா

2011-07-18T20:24:00.000+05:00

இன்று உயர்நீதி மன்றத்தால் கொடுக்க பட்ட சமச்சீர் கல்வி பற்றிய தீர்ப்பு வரலாற்றில் முக்கியமான தீர்ப்பாக மாறி விட்டது. மக்களாட்சி அமைப்பு என்றால் மக்கள் ஆட்சி செய்வது. அதனால் தான் மக்களே பிரதிநிதிகளை தேர்ந்தெடுத்து அவர்கள் கையில் நிர்வாகிக்கும் உரிமையை கொடுக்கிறார்கள். வாக்களித்து வெற்றி பெற்று விட்டால் அவர்களுக்கு உலகளாவிய அதிகாரம் இருப்பதாக சிலர் நினைத்து மக்களின் தீர்ப்பிற்கு மாறாக செயல் படுகிறார்கள்.

அதற்கான உதாரணம் தான் சமச்சீர் கல்வி. கடந்த ஆட்சியாளர்கள் நெறி தவறி அவர்கள் தான் எல்லாம் என்று நினைத்த விளைவு தான் இந்த ஆட்சி மாற்றம். ஆனால் அதிமுக தலைமை ஏதோ நம்மை ஆட்சியில் அமர்த்த வேண்டும் என மக்கள் நினைத்து வாக்களித்து விட்டதாக எண்ணி மனம் போன போக்கில் செயல் பட்டு வருகிறது .

சமச்சீர் கல்வி நிறுத்த சட்டம் போட்ட போதே உயர் நீதி மன்றம் தடை விதித்தது அதையும் மதிக்காமல் உச்ச நீதி மன்றத்தில் மேல் முறையீடு செய்து அதனடிப்படையில் குழு அமைத்த தமிழக அரசு தங்களுக்கு வேண்டியவர்களை பார்த்து குழு உறுப்பினராக நியமித்தது.( யார் சமச்சீர் கல்விக்கு எதிராக இருக்கிறார்களோ அவர்களை குழுவில் சேர்த்து கொண்டது) இந்த குழு எதிர் பார்த்ததை போல் அறிக்கை கொடுத்தது.

பாட புத்தகங்களை தரமுள்ளதாக்க பரிந்துரை செய்ய நியமிக்க பட்ட குழு சமச்சீர் கல்வியை தடை செய்ய வேண்டும் என்று தீர்ப்பை கூறி அறிக்கை தயாரித்தது.

இந்த வழக்கின் விசித்திரம் என்ன வென்றால் சமச்சீர் கல்வியை நிறுத்த வேண்டும் என அரசாலே நேரடியாக வாதாட முடியாத நிலை. அரசின் ( அம்மாவின் ) நோக்கம் எப்படியாவது சமச்சீர் கல்வியை தொடர கூடாது அதற்கு கிடைத்த வலுவற்ற வாதம் தான் பாட திட்டம் தரமானதாக இல்லை என்பது.

தரமானதாக இல்லை என்றால் தரமுள்ளதாக மாற்றுவது அரசின் கடமை. அதற்காக ஏற்கனவே அறிமுக படுத்திய புதிய பாட திட்டத்திலிருந்து மீண்டும் பழைய பாட திட்டத்திற்கு மாற்றுவது என்பது எவ்வளவு பெரிய அயோக்கிய தனம். இங்கே யாருமே தரமற்ற பாட திட்டத்தை மக்களுக்கு கொடுக்க விரும்ப வில்லை. உலகத்தில் எந்த நாட்டிலும் இல்லாத அளவிற்கு தரமான கல்வியை கொடுக்க வேண்டும் என்பது தான் எங்கள் விருப்பம். அது எல்லோருக்கும் சமமாக இருக்க வேண்டும்.

கடந்த ஆண்டு துவங்க பட்ட சமச்சீர் கல்வி என்பதை ஒரு முன்னோட்டமாக தான் எடுத்தது கொள்ள வேண்டும். படி படியாக தரமுள்ளதாக்கி கொள்ளலாம். இன்று உயர் நீதி மன்றம் வழங்கியுள்ள தீர்ப்பு என்பது தமிழகத்தின் பெரும்பான்மையான மக்களின் எண்ண ஓட்டங்கள் தான். இந்த தீர்ப்பை மதித்து சமச்சீர் கல்வியை காலம் தாழ்த்தாமல் நடை முறை படுத்த வேண்டும்.

ஏற்கனவே எந்த மீடியா உதவியும் இல்லாமல் அனைத்து மக்கள் மத்தியிலும் சூடான செய்தியாக மாறியிருக்கும் இந்த நிலையில் மக்கள் விருப்பத்திற்கு மாறாக நடந்தால் இனியும் நீங்கள் கேவல பட தான் செய்வீர்கள் என்பதில் மாற்று கருத்து இல்லை.

மக்கள் மிகவும் தெளிவாக இருக்கிறார்கள் என்பது இந்த தேர்தல் முடிவுகளின் மூலம் தெரிந்து கொண்டோம். மக்கள் முட்டாள்கள் என நினைத்தன் விளைவு தான் திமுகவிற்கு எதிர் கட்சி வரிசை கூட கிடைக்க வில்லை என்பதை மறந்து விடாதீர்கள். அன்றாட நிகழ்வுகளை மக்கள் கவனித்து கொண்டு தான் இருக்கிறார்கள்.

மாற்றம் வேண்டும் அதற்கு சரியான மாற்று இல்லாமல் அதிமுகவை தேர்ந்தடுக்க வேண்டிய சூழ்நிலைக்கு மக்கள் தள்ள பட்டத்தால் தான் இந்த நிலைமை என்பதை மறுப்பதற்கில்லை. சரியான மக்களாட்சி மக்களின் விருப்பத்திகு ஏற்ப நடைபெற வேண்டுமானால் மாற்று சக்தியை மக்கள் உருவாக்க வேண்டும்.

ஆட்சியாளர்கள் என்பவர்கள் மக்களுக்கு பணிவிடை செய்ய தான் இருக்கிறார்களே தவிர அதிகாரம் செலுத்த அல்ல .

சமச்சீர் கல்வி வழக்கு விசித்திரமானது தீர்ப்பு வரும் முன்பே தமிழக அரசு குற்றவாழியாக இருக்கிறது

கேடி பிரதர்ஸ் மற்றும் ரஞ்சிதா புகழ் நித்தியானந்தா

2011-07-13T20:36:00.000+05:00

கடந்த ஆண்டில் மிகவும் பரபரப்பாக பேச பட்ட ஒரு சில சம்பவங்களில் நித்தியானத்தா ரஞ்சிதா படுக்கையறை காட்சிகளும் அடங்கும். மீண்டும் அதே சம்பவம் பரபரப்பை உருவாக்கி கொண்டிருக்கின்றன. பிரமச்சாரத்தை குறித்தும் மனிதனின் காமத்தை குறைக்கும் வழிகள் குறித்து தன்னுடைய போதனை மூலம் பக்தர்களுக்கு வெளி படுத்தி வந்தார் நித்தியானந்தா.

சிறு வயதிலேயே தெய்வீக பணியை துவங்கியதாலும் அறிவாற்றலோடு போதனைகள் செய்ததாலும் நித்தியானந்தாவிடம் ஏதோ சக்தி இருக்கிறது என்று ஏமாந்து உலகம் முழுவதிலிருந்தும் நித்தியானந்தாவின் ஆசிரம பீடத்தில் பக்தர்கள் குவிய துவங்கினர். இதன் மூலம் கோடி கணக்கான வருவாய் வர துவங்கியது. மிகவும் பிரபலமான அதிக வருவாய் வர கூடிய சாமியார்களில் ஒருவராக இவரும் இருந்து வந்தார். கடவுளை தங்களுக்குள்ளே தேடுவதை விட்டு விட்டு ஏமாந்த மக்களும் இவருக்குள்ளே கடவுளை தேட துவங்கினர்.

இவ்வாறு ஏமாந்த பக்தர்களிடமிருந்து பணத்தை வசூலிப்பது ஒரு வகையிலும் சீடர்கள் என்ற முறையில் பெண்களை துணைக்கு வைத்து கொள்வதும் இவரை போன்ற சாமியார்கள் வழக்கமாக கொண்டுள்ளனர். இந்த நிலையில் தான் நடிகை ரஞ்சிதாவும் நித்தியானந்தாவும் படுக்கையறையில் ஒன்றாக இருந்த ஆபாச படத்தை வீடியோவாக கேடி பிரதர்ஸின் சன் டிவி வெளியிட்டது. வயதுக்கு வந்தவர்கள் மட்டும் பார்க்க கூடியதாக இருந்த அந்த காட்சியை சின்ன திரையில் ஒளிபரப்பி அதன் மூலம் கோடி கணக்கான பணத்தை சம்பாதித்தது சன் டிவி நிர்வாகம். குடும்பத்தோடு பார்க்க கூடாத காட்சிகளை எல்லாம் வீட்டு திரையில் கொண்டு வந்து குடும்பத்தினரை சங்கடத்திற்கு உள்ளாக்கியது.

அதன் மூலம் நித்தியானந்தாவின் போலி முகம் வெளி பட்டு நித்தியானந்தாவிற்கு எதிராக மக்கள் போராட்டங்களை நடத்தினர். கர்நாடக காவல் துறையும் வழக்கு பதிவு செய்து நித்தியானந்தாவை கைது செய்து சிறையில் அடைத்தது. இந்த காட்சியின் மூலம் நித்தியானந்தாவின் இரட்டை முகம் வெளி பட்டு பக்தர்களே அவருக்கு எதிராக மாறினார்கள்.

ஆட்சி மாறியதும் காட்சிகள் மாறுவது போல் உண்மையாக வீடியோ என்று நிரூபிக்க பட்ட காட்சியை போலியானது என்று புகார் கொடுத்திருக்கிறார்கள் சாமியார் தரப்பு. இதுவரை மறைந்திருந்த ரஞ்சிதா வெளியில் வந்து கேடி சகோதர்கள் மீது புகார் கொடுத்திருக்கிறார். அந்த ஆபாச காட்சியை வைத்து கேடி சகோதரர்கள் மிரட்டி இருக்கிறார்கள் என்று. கேடி சகோதரர்கள் செய்திருக்க மாட்டார்கள் என்று சொல்ல முடியாது. பணம் ஒன்றை குறிக்கோளாக கொண்ட இந்த மாறன் கும்பல் இதையும் செய்திருக்கலாம். இதே புகாரை நக்கீரன் பத்திரிகை ஆசிரியர் மீதும் சொல்லியிருக்கிறார்கள். நக்கீரன் பத்திரிக்கையின் நடுநிலை 2G ஊழலின் போதே தெரிந்து விட்டது.

நித்தியானந்தா, ரஞ்சிதா இவர்களால் கொடுக்க பட்ட புகார்கள் மீதான நடவடிக்கை என்ன என்பது இன்னும் சில நாட்களில் தெரிய வாய்ப்பு இருக்கிறது.

மாறன் கும்பல் கேடிகள் என்பது உலகம் அறிந்தது தான். அதே நேரம் மாறன் கும்பல் மீது குற்றம் சுமத்துவதால் நீங்கள் சுத்தமானவர்கள் அல்ல என்பதை நித்தியானந்தாவும் ரஞ்சிதாவும் புரிந்து கொள்ள வேண்டும். உங்களை மிரட்டியவர்கள் மீது நடவடிக்கை எடுக்க வேண்டும் மாற்று கருத்து இல்லை அதே நேரம் நீங்களும் குற்றத்தை ஓப்பு கொண்டு மக்களிடம் மன்னிப்பு கேட்டு இனி மேலும் சாமியார் என்று மக்களை ஏமாற்றும் வேலைகளை செய்ய கூடாது.

சூழ்ச்சியை மக்கள் எழுச்சியால் முறியடிப்போம்

2011-07-09T20:58:00.000+05:00

கோடை விடுமுறைக்கு பின்னர் பள்ளிகள் திறந்து ஒரு மாதமாகியும் இன்னும் மாணவர்களுக்கு பாட புத்தகங்கள் வரவில்லை. ஏழை மற்றும் நடுத்தர மாணவர்களின் கல்வியோடு விளையாட ஜெயலலிதா தலைமையிலான அரசு முடிவெடுத்திருக்கிறது. நீதிமன்றங்கள் நியாயத்தின் பக்கங்கள் நின்றும் சட்டத்தின் கீறல்களை பயன் படுத்தி மக்கள் விருப்பத்திற்கு மாறாக மாணவர்களின் எதிர் காலத்தை முடக்க இந்த அரசு விரும்புகிறது.

கல்வி நிறுவனங்களை தனியார் நடத்த அனுமதி கொடுக்க பட்ட நாளிலிருந்து வசதி படைத்தவர்களை கவர்ந்து கல்வி நிறுவன அதிபதிகள் பணம் சம்பாதிக்க உருவாக்க பட்டது தான் மெட்ரிக் பாட திட்டம். தமிழக அரசு பாடதிட்டத்தோடு இது உய்ரவானதாக இருந்தது. மத்திய அரசின் ஹிந்தி திணிப்பை எதிர்த்து போராட்டம் நடத்திய மாணவர் சமுதாயத்திலேயே மெட்ரிக் பாட திட்டம் மூலம் தமிழகத்தில் ஹிந்தி நுழைந்தது.

மெட்ரிக் பள்ளிகளில் படித்தவர்களுக்கும் அரசு பள்ளியில் படித்தவர்களுக்குள்ளும் ஏற்ற தாழ்வுகள் ஏற்பட்டது. பிள்ளையை மெட்ரிக் பள்ளிகளில் படைக்க வைப்பது நடுத்தர மக்களிடத்தில் பெருமையாக சித்தரிக்க பட்டது . இதன் விளைவாக கடன் வாங்கியாவது பிள்ளைய மெட்ரிக் பள்ளியில் படிக்க வைக்க வேண்டும் என்று வாழ்க்கையை சீரழித்த பெற்றோர்கள் ஏராளம்.

பள்ளி கல்லூரிகளில் சீருடைகள் அமுல் படுத்த பட்டதே ஏழை பணக்காரன் என்ற வேறுபாடு இருக்க கூடாது என்பதற்காக தான். ஆனால் தமிழகத்தில் கல்வியிலோ ஏற்ற தாழ்வுகள் உருவாகின. கல்வியில் இருக்கும் ஏற்ற தாழ்வுகள் குறைக்க பட வேண்டும். அனைத்து குடிமகன்களுக்கும் ஒரே கல்வி வழங்க வேண்டும் இது தான் ஒரு நல்ல அரசின் கடமை. பல ஆண்டு காலமாக மக்கள் போராட்டத்தின் விளைவாக கடந்த ஆட்சியில் சமச்சீர் கல்வி கொண்டு வரப்பட்டது. அப்போதே மெட்ரிக் பள்ளி முதலாளிகளின் சார்பாக நீதி மன்றம் சென்றும் அவர்களுக்கு தோல்வியே கிடைத்தது.

இந்நிலையில் ஆட்சி மாற்றம் ஏற்பட்ட பின் அரசியல் காள்புனர்ச்சியாலும் ஆதிக்க சக்திகளின் தூண்டுதலாலும் மெட்ரிக் பள்ளி முதலாளிகளின் நலனுக்காகவும் சமச்சீர் கல்வியை இடை நிறுத்த சட்ட சபையில் தீர்மானம் போட்டது அதிமுக அரசு. உயர் நீதி மன்றம் , உச்ச நீதி மன்றம் சமச்சீர் கல்வியை தொடர்ந்து நடை முறை படுத்த உத்தரவிட்ட போதும் இதுவரை 1 ஆம் வகுப்பு 6 ஆம் வகுப்பிற்கும் செயல் படுத்தாமல் இருக்கிறது தமிழக அரசு. மேலும் மற்ற வகுப்புகளின் பாட திட்டங்கள் குறித்து 9 பேர் கொண்ட ஆய்வு குழு தமிழக அரசு அமைக்க வேண்டும் அதன் அறிக்கையை உயர் நீதி மனற்றத்தில் தாக்கல் செய்ய வேண்டும் என உத்தரவிட்டது.

உச்ச நீதி மன்றம் செய்த மிக பெரிய தவறே இது தான். புதிய தமிழக அரசு தான் சமச்சீர் கல்வியை எப்படியாவது நிறுத்த வேண்டும் என்று துடிக்கிறது . அப்படி பட்ட அரசிடம் நீங்களே ஆய்வு குழுக்கள் அமையுங்கள் என்றால் அவர்கள் என்ன செய்வார்களோ அதை தான் அதிமுக அரசு செய்தது. அவர்களின் கொள்கைக்கு ஏற்ற வகையில் மெட்ரிக் பள்ளி முதலாளிகள் அதுவும் யார் பெரிதாக சமச்சீர் கல்வியை எதிர்க்கிரார்களோ அவர்களை குழு உறுப்பினர்களாக அமைத்தார்கள். எல்லொரும் எதிர் பார்த்தது போல் அவர்களின் அறிக்கையும் அமைந்தது.

சமச்சீர் கல்வி பாடங்கள் தரமற்றது எனவே இதை நடத்த முடியாது என அறிக்கை கொடுத்து விட்டார்கள். தரமற்றதாகவே இருந்தால் கூட 200 கோடி ருபாய் செலவு செய்து அச்சிட பட்ட புத்தகங்கள் மூலம் இந்த ஆண்டு இதே பாட திட்டத்தில் கல்வியை நடத்தி விட்டு அடுத்த ஆண்டிலிருந்து மேலும் தரமானதாக மாற்ற முயல வேண்டும் அது தானே நியாயமான அறிக்கையாக இருக்க வேண்டும். அதை விட்டு விட்டு சமச்சீர் கல்வியை ரத்து செய்ய வேண்டும் என்று சொல்ல இவர்கள் யார்?

சமச்சீர் கல்வி என்பது இன்றைய சூழ்நிலைக்கு தேவையானது அது தரமானதா இல்லையா என்பதை ஆய்வு செய்து மேலும் தரமானதாக மாற்ற முயல வேண்டும் அது தான் ஒரு நல்ல மக்களுக்கான அரசின் கடமை. சமச்சீர் கல்வி ரத்து செய்ய வேண்டும் என சட்ட சபையில் தீர்மானம் நிறைவேற்றிய போது தினமணியில் வந்த தலையங்கம் அவர்களின் நோக்கத்தை காட்டுகிறது. இந்த பாட புத்தகங்களில் திராவிட இனத்தின் வரலாறு திராவிட இயக்க தலைவர்கள் பற்றி இருக்கிறதாம் அதனால் இதை மாற்ற வேண்டும் என எழுத பட்டது. ஒரு இனம் சொந்த இன வரலாறை பற்றி தெரிந்து கொள்ளாமல் வட இந்திய வரலாறையும் உலக வரலாறையும் படிப்பது நியாயமா? முதலில் தன் இனத்தின் வரலாறு அதோடு உலக வரலாறுகளையும் படிக்க வேண்டும். இது தான் நியாயம்.

சட்டத்தில் ஏற்பட்ட கீறல்கள் மூலம் சூழ்ச்சி செய்து தமிழக மக்களிடையே ஒரு ஏற்ற தாழ்வுகளை புகுத்த இந்த அரசு நினைக்கிறது. 25 சதவீத மெட்ரிக் பள்ளி மாணவர்களுக்கும் 75 சதவீத அரசு மற்றும் அரசு உதவி பெறும் பள்ளி மாணவர்களுக்கும் ஒரு இடை வெளியை உருவாக்கி அதன் மூலம் மாணவர்களின் எதிர் காலத்தை சீரழிக்க நினைக்கும் இந்த அரசின் சூழ்ச்சியை மக்கள் எழுச்சியால் தான் முறியடிக்க வேண்டும். நீதி மன்ற தீர்ப்பு எப்படி வந்தாலும் இந்த அரசு சமச்சீர் கல்வியை முடக்கவே முயற்சி எடுக்கும். இப்போதே போராட்டத்தை துவக்கிய மக்களுக்கும் வாழ்த்துக்களை தெரிவித்து கொண்டு நாமும் இந்த போராட்டத்தில் இணைந்து சூழ்ச்சியை முறியடிப்போம் .

அரசுக்காக மக்கள் இல்லை! மக்களுக்காக தான் அரசு !

சரி சிதம்பரம் பதவிய எப்ப பறிப்பீங்க?

2011-07-07T21:03:00.000+05:00

பொதுவா யாரையாவது கைது செய்தா இரண்டு பேராவது அனுதாப படுவாங்க. ஆனால் திமுக கொள்கை பரப்பு செயலாளர் ராஜா திமுக தலைவர் கருணாநிதியின் துணைவியார் பிள்ளை கனிமொழி ஆகியோரை கைது செய்து சிறையில் அடைத்த பின்னர் கருணாநிதியை தவிர யாருமே அனுதாப படவில்லை. ராஜாவை கைது செய்ய போகிறார்கள் என்றவுடன் தலித் அரசியலை முன்னெடுத்தார். இதற்கு எடுபிடியாக வீரமணியும் சேர்த்து கொண்டார் கலைஞர். பின்னர் தனது துணைவியாரின் மகள் கனிமொழிக்கு கம்பி எண்ண வேண்டிய நிலைமை வரும் என்றவுடனே எல்லா தவறும் ராஜா மீது தான் என்று வாதம் வைக்க பட்டது. இதன் மூலம் ஏற்கனவே தலித் என்று சொன்னது அவர்களாலே உடைந்து போனது.

கனிமொழி உள்ளே இருக்கும் போது தயாநிதி எப்படி வெளியே சுற்றலாம் என்று நினைத்து கொண்டிருந்த கருணாநிதிக்கு அல்வா சாப்பிட்டது போல் தயாநிதியும் ஊழல் செய்திருக்கிறார் என்று சிபிஐ நீதிமன்றத்தில் தெரிவித்ததை அடுத்து இன்று தயாநிதியின் அமைச்சர் பதவி பறிக்க பட்டது. தயாநிதி ஊழல் செய்திருக்கிறார் என்பது ஏற்கனவே பலரால் சொல்ல பட்டது தான். ஐந்து ஆண்டுகளுக்கு முன்னர் செய்த ஊழலுக்கு இப்போது தான் பதவி நீக்க பட்டிருக்கிறார் என்பது எவ்வளவு பிந்தைய நடவடிக்கை என்று தான் நினைக்க தோன்றுகிறது.

என்னமா சிரிக்கிறாரு இப்போ இவர பார்த்து மக்கள் சிரிக்கிறாங்க

தயாநிதி மாறன் பிரபல தொழிலதிபர்கள் டாட்டா ஏர்செல் சிவசங்கரன் அவர்களை தன் பதவியை வைத்து மிரட்டினார் என்று ஐந்து ஆண்டுகளுக்கு முன்னரே வைகோ ஆதாரபூர்வமாக தெரிவித்தார். அதே போல் கடந்த ஐந்து ஆண்டுகளாக நாஞ்சில் சம்பத் அவர்களின் பேச்சை கேட்போருக்கு இந்த விசயங்கள் அத்து படி . மிகவும் அருமையாக எல்லோரும் புரியும் படியாக நகைச்சுவையாக ஏர்செல் நிறுவனத்தை கைப்பற்ற தொலை தொடர்பு துறை மூலம் அந்த நிறுவனத்திற்கு தயாநிதி மாறனால் கொடுக்க பட்ட நெருக்கடிகளை விளக்குவார். அது இன்றும் என்னை விட்டு அகலாமல் இருக்கிறது. ஏர்செல் சிம் வைத்திருப்பவர் அருகில் நின்றாலும் , நெட்வொர்க் நல்ல நிலையில் இருந்தாலும் தொடர்பு எல்லைக்கு வெளியில் இருக்கிறார் என்றே வரும். அந்த அளவிற்கு குறைவான திறன் கொண்ட அலை தான் கொடுக்க பட்டிருந்தது. அந்த நேரங்களில் பலர் ஏர்செல் வாடிக்கையாளர் சேவை மையத்திற்கே தொடர்பு கொண்டு உங்கள் நிறுவனத்தை சன்டிவி வாங்க போகிறார்களாம் என்று கிண்டலாக கேட்டவர்கள் கூட உண்டு .

இப்படி தயாநிதி மாறன் தன் பதவியை தவறாக பயன்படுத்துகிறார் என்று தெரிந்த பின்னரும் நடவடிக்கை எடுக்க இத்தனை காலம் ஆகியிருக்கிறது என்றால் இந்திய சட்டத்தில் தான் பிரச்சனை என்று நினைப்பதா இல்லை தங்களை சுத்தமானவர்கள் என்று காட்டி கொள்பவர்கள் தான் சட்டத்தை தங்களுக்கு ஏற்ற வகையில் பயன் படுத்துகிறார்கள் என்று நினைப்பதா? ... ஒரு வழியாக தயாநிதியின் பதவி பறிக்க பட்ட பின்னால் இனி எந்த இடையூறும் இல்லாமல் சட்டம் தனது கடமையை செய்து மிக விரைவில் தீகாருக்கு தயாநிதி செல்வார் அதில் பொதுமக்களாகிய நமக்கு மகிழ்ச்சி தான். இந்த நிலையில் தயாநிதி மாறனை வாழ்த்தி அனுப்ப வேண்டியது நமது கடமை. அங்கு சென்றாவது திருந்துவாரா என்று பார்ப்போம் .

தயாநிதிக்கு, ராஜாவுக்கு, கனிமொழிக்கு 2G ஊழலில் எவ்வளவு பங்கு இருக்கிறதோ அதே அளவு பங்கு நிதி துறை அமைச்சராக இருந்த சிதம்பரத்திற்கும் உண்டு. திமுகவினர் மட்டும் தான் ஊழல் செய்தனர் என்று சொல்வது ஏற்க முடியாது. இந்த ஊழல் ஒரு தனி மனிதனால் செய்ய முடியாது. இது ஒரு கூட்டு கொள்ளை இதில் காங்கிரஸ் கட்சியினருக்கும் பங்கு உண்டு. பங்கு பெற வில்லை என்றால் கூட நாட்டிற்கு இவ்வளவு இழப்புகள் ஏற்பட பிரதமரும் நிதி அமைச்சரும் காரணமாக இருந்துள்ளார்கள். இவர்கள் பெறும் தண்டனைகளை அவர்களும் பெற்று ஆக வேண்டும்.

நாடாளுமன்ற தேர்தலில் தோல்வி அடைந்த சிதம்பரத்தை வெற்றி பெற வைக்க 100 கோடி ருபாய் வரை கைமாறியதாக செய்திகள் வந்தன. அதே போல் இந்தியாவில் நடைபெறுகிற பெரும்பாலான ஆன்லைன் வர்த்தகத்தில் சிதம்பரத்தின் மகனுக்கு அதிக பங்குகள் இருப்பதாகவும் செய்திகள் தெரிவிக்கின்றன. இதே போல் சிதம்பரம் நிதி அமைச்சராக இருந்த போது வருமான வரிதுறை மூலம் நடவடிக்கை எடுக்க பட்ட தொழிலதிபர்களுக்கு ஆதரவாக நிதி அமைச்சரின் மனைவி நளினி சிதம்பரம் வாதாடி இருக்கிறார். அப்படியென்றால் நளினி மூலம் சிதம்பரம் லஞ்சம் பெற்றார் என்று தானே நினைக்க தோன்றும்.

நீங்க எப்ப சார் .......?

இந்த செய்திகள் எல்லோருக்கும் தெரிந்த செய்திகள் தான். ஆனால் சிபிஐ க்கு தெரிய இன்னும் எவ்வளவு நாட்கள் தேவை படுமோ? என்றாவது ஒரு நாள் தெரியாமல் போகாது அது மட்டும் நிச்சயம். தாயாநிதியின் பதவி பறிக்க பட்டது போல் சிதம்பரத்தின் பதவியும் பறிக்க பட வேண்டும். சிதம்பரத்தையும் நீதி மன்றம் முன் சிபிஐ நிறுத்த வேண்டும்... அந்த நாளை எதிர் நோக்கி மக்கள் ..

இனபடுகொலை

2011-07-06T15:42:00.002+05:00

MDMK chief VAIKO at Pachchaiyappa college for issue the Tamil genocide video CD to students. MDMK chief VAIKO at Pachchaiyappa college for issue the Tamil genocide video CD to students.

தாயகம் நோக்கி இணைய இளைஞர் படை ..

2011-07-02T20:50:00.001+05:00

இன்று இணையம் என்பது இன்றியமையாததும் தவிர்க்க முடியாத ஒன்றாக அமைந்து விட்டது. அரபு நாடுகளில் நடைபெற்ற புரட்சிகளில் இணையத்தின் பங்கு மிக முக்கியமானது. Facebook, Twitter, Orkut போன்ற சமூக தளங்கள் மூலம் இளைஞர்கள் புரட்சி கருத்துக்களை பரப்பியும் புரட்சியை ஒழுங்கமைத்தும் கொண்டனர். அதன் மூலமாக அரபு நாடுகளில் சர்வாதிகாரம் ஒழிந்து மக்களாட்சி மலர்ந்து வருகிறது.

தமிழகத்தில் மாற்றம் உருவாக்க இணைய இளைஞர் படையினர் மதிமுக பொதுச்செயலார் வைகோவை சந்தித்து கலந்துரையாட இருக்கிறார்கள். இந்த மாதம் 24 ஆம் தேதி இரண்டாம் கட்டமாக வைகோ இணைய இளைஞர்களுடன் கலந்துரையாட நேரம் ஒதுக்கியுள்ளார். கடந்த மாதம் பள்ளி மாணவர்கள் முதல் கல்லூரி மாணவர்கள் சமீபத்தில் கல்லூரி கற்று முடித்த மாணவர்கள் என நானூறு பேர் தமிழகத்தின் பல்வேறு மாவட்டங்களில் கலந்து கொண்டார்கள். வரலாற்றில் இது ஒரு புதிய மாற்றத்தை உருவாக்கும்.

இரண்டாம் கட்டமாக இணையம் பயன்படுத்தும் இளைஞர்கள் மாணவர்கள் என ஆயிரம் பேர் வரை இந்த கலந்துரையாடல் நிகழ்ச்சியில் கலந்து கொள்ள இருக்கிறார்கள். இணையத்தில் ஆங்காங்கே பிரிந்து கிடந்த உணர்வாளர்களை Facebook - சமூக தளத்தில் "வாழும் வரை வைகோ " குழுமம் வாயிலாகவும் "வைகோவின் தம்பிகள்" குழுமம் வாயிலாகவும் ஒன்றிணைத்து வருகிறார்கள். அதே போல் Orkut, Twitter போன்ற தளங்களிலும் அதற்கான செயல் பாடுகள் நடைபெற்று வருகின்றன.

இணையத்தில் மாணவர்கள் முதல் புதிய புதிய இளைஞர்களை பார்க்கும் பொது மதிமுக பெரும் எழுச்சி பெற்றதாகவே இருக்கிறது. இந்த தேர்தலில் வைகோ எடுத்த வரலாற்று சிறப்பு மிகக் முடிவால் சுயமரியாதைக்கு எடுத்து காட்டாக விளங்கிய மதிமுகவின் பெயர் மக்கள் மத்தியிலும் இளைஞர் மத்தியிலும் பெரிய தாக்கத்தை உருவாக்கியிருக்கிறது என்றால் மிகையாகாது. அதன் வெளிப்பாடாகவே தான் இதை பார்க்க முடிகிறது. மேலும் இது பற்றிய விபரம் தெரிந்து கொள்ள இங்கே செல்லுங்கள்.

மதிமுக அலுவலகமான தாயகம் நோக்கி பயணிக்கும் இளைஞர் படையே லட்சியம் என்றுமே தோற்காது. மாற்றம் உருவாக்குவோம் தமிழகத்தில் தமிழினத்திற்கு விடியல் ஏற்படுத்துவோம்.

உங்கள் பயணம் வெற்றி பெற வாழ்த்துக்கள் ...

உங்கள் மேல் எதற்கு இத்தனை கரிசனை என்கிறீர்களா?

2011-06-25T22:12:00.002+05:00

உங்கள் மேல் எதற்கு இத்தனை கரிசனை என்கிறீர்களா? ஒரு நல்ல தலைவர் வெற்றி பெற வேண்டும் என்பது முக்கியம். அதைவிட ஒரு நல்ல தலைவர் தோற்றுப் போய் அதன்மூலம் நல்லதும் தோற்றுவிடக் கூடாதென்ற ஆதங்கம்தான் - தமிழக மக்களுக்கும் .................

>>>>>>>>>>

இலட்சியத்தில் உறுதி
பொதுவாழ்வில் தூய்மை
அரசியலில் நேர்மை

இவைதான் மறுமலர்ச்சி திராவிட முன்னேற்றக் கழகத்தின் அறிவிக்கப்பட்ட கொள்கைகள். அரசியல் கட்சிகளுக்கு கொள்கை என்பது கொடிபோன்ற ஒரு அடையாளம்தான். இதற்கு மேல் கட்சியின் நடவடிக்கைகளுக்கும், ஏன் கட்சித் தலைவரின் நடவடிக்கைக்கும் சம்பந்தம் இருக்கது என்பது இன்றைய நியதி.

ஆனால், வைகோவைப் பொறுத்தவைர இந்தக் கொள்கைகளை கட்சியிலும் சரி, தனது தனிமனித வாழ்விலும் சரி கடைபிடித்து வருகிறார். அதெல்லாம் சரி. இத்தனை இருந்தும் 'இப்ப வெளுத்தியா?; என்று கேட்கலாம். தமிழ்நாட்டு அரசியலில் புதிரான பல விசயங்களில் வைகோ போன்ற உறுதியும் நேர்மையும் கொண்ட தலைவர் ஏன் பெரிதாக ஜெயிக்க முடியவில்லை என்பதும் ஒன்று. இதற்குப் பதில் சற்று கொச்சையாக இருந்தாலும் நிர்வாண ஊரில் கோவணம் கட்டியவன் பித்தன் என்பதாகத்தான் இருக்க முடியும்.

தமிழகத்தில் அண்ணாதுரைக்குப் பிறகு ஆட்சியமைத்த தலைவர்கள் அத்தனை பேருமே சினிமா தொடர்புடையவர்கள்தான். கலைஞர், எம்ஜிஆர், ஜெயலலிதா என்ற பட்டியலோடு, மக்கள் மத்தியில் கணிசமான செல்வாக்கு பெற்ற தலைவர்களில் பெரும்பாலானோரும் சினிமாக்காரர்கள் - விஜயகாந்த, சரத்குமார் உட்பட. சினிமா தொடர்பில்லாத தலைவர்கள் என்றால் அநேகமாக சாதிகட்சித் தலைவர்களாகத்தான் இருக்க முடியும். இந்த இரண்டு வகையிலும் சேராத ஒரே இயக்கத் தலைவர் வைகோதான். அவரது பிளஸ் பாயிண்ட் இதுவென்று சொன்னாலும், அதுவே மைனஸ் பாயிண்டோ என்று சந்தேகப்பட வைக்கிறது. சுதந்திர இந்தியாவில் பாரம்பரியமாக இருந்துவரும் கம்யூனிஸ்டுகள் நீங்கலாக, சினிமா-சாதி சாராத முதல் முறை அரசியவாதி வேறு எவரும் இவரளவிற்கு மக்களிடையே, குறிப்பாக இளைஞர்களிடையே ஒரு தாக்கத்தை உண்டு பண்ணவில்லை.

1993இல் திமுகவிலிருந்து பிரிந்தபோது அங்கே இவர் இரண்டாம் நிலைத் தலைவர். உள்ளபடியே இவர்தான் திமுகவின் ஒரிஜினல் தளபதி. வாரிசு அரசியலை விமர்சனம் செய்யப்போய் விலகவேண்டிய கட்டாயத்திற்குத் தள்ளப்பட்டார். கருணாநிதியைப் பொறுத்தவரை அண்ணாவின் மறைவிற்குப் பிறகு, இரண்டாம் நிலையில் இருந்த நெடுஞ்செழியனை எம்ஜிஆர் உதவியுடன் புறம்தள்ளி சிம்மாசனம் ஏறியவர். ஏறிய பின்னால் எம்ஜிஆரையும் அவர் கணக்கு கேட்டு பிணக்கு செய்தபோது, லாவகமாக கழட்டிவிடத் தெரிந்தவர். தானாடுவதைவிட சதை அதிகமாக ஆடுமே - கட்சியில் ஸ்டாலின் வளர்ச்சிக்கு வைகோ முட்டுக்கட்டையாகி விடுவாரோ என்ற கவலையில் வைகோவை உதறத் துணிந்தார் கலைஞர். அதிலிருந்து 18 ஆண்டுகள் படாதபாடுபட்டுக் கட்சியை நடத்தி வரும் வைகோவிற்கும் 18 என்ற எண்ணுக்கும் சிறப்புத் தொடர்புண்டு. 18 ஆண்டுகள் தொடர்ந்து ராஜ்ய சபா உறுப்பினராக இருந்தவர். 18 மாதங்கள் விடுதலைப் புலிகள் ஆதரவிற்காக பொடாவில் சிறைவாசம் அனுபவித்தவர். பாரபட்சமில்லாமல் வெவ்வேறு காலகட்டத்தில் அதிமுக, திமுக இரண்டு கட்சிகளுடனும் கூட்டணியில் இருந்திருக்கிறார். இரண்டு கட்சிகளின் ஆட்சியிலும் ஈழத்திற்காக சிறையிலிருந்திருக்கிறார்.

நாடாளுமன்றத்தில் tiger of parliament என்று பெயர் வாங்கியதுடன் இரா. செழியனுக்குப் பிறகு best parliamentarian என்று தேசிய அளவில் கட்சி வித்தியாசமின்றி பாராட்டப்பட்டவர். ஆங்கிலத்திலும் தமிழிலும் சிறந்த பேச்சாளர் - இலக்கியவாதி. இதுவரை எந்த ஊழல் குற்றச்சாட்டுக்கும் ஆளாகதவர். இலங்கைத் தமிழர்களுக்காக தமிழகத்து கட்சிகள் தங்கள் சுயநலத்திற்காக அவ்வப்போது தங்கள் நிலைப்பாட்டை சட்டை கழற்றுவதப்போல் மாற்றிக் கொண்டாலும் அன்றிலிருந்து இன்றுவரை ஈழத் தமிழனுக்குத் தமிழ்நாட்டில் தொடர்ந்து தைரியமாக ஒலிக்கும் உறுதியான குரல் வைகோவினுடையது. இவருடைய அரசியல் முடிவுகளை விமர்சிப்பவர்கள்கூட இவரை- இந்தத் தனிமனிதரைப் பெரிதாக விமர்சிப்பது கடினம்.

மத்தியில் ஆளும் எந்தக் கட்சியுடனும் கண்ணியமான rapport வைத்திருந்ததுடன், மத்திய அமைச்சரவையில் பங்கேற்கும் வாய்ப்பைத் தன் பிரதிநிகளுக்கு கொடுத்தவர்.

வாரிசு அரசியலை விமர்சனம் செய்த பிற கட்சித் தலைவர்கள் பலர் தங்கள் வாரிசுகளை தங்கள் கட்சியில் கொண்டு வந்திருக்கிறார்கள். ஆனால் இவரது குடும்பத்தினர் யாரையும் இவர் பெரிதாக அரசியலுக்குள் நுழைக்கவில்லை. பின் எங்குதான் தவறுசெய்தார் வைகோ? இவருடைய குறைபாடுகளாக மூன்று விசயங்களைச் சொல்லலாம்.

ஒன்று இவருக்குச் சரியான இரண்டாம் கட்டத் தலைவர்கள் அமையவில்லை. அப்படியே அமைந்தவர்களையும் இவர் சரியாக அனுசரித்து அவர்களைத் தக்க வைத்துக் கொள்ளத் தவறிவிட்டார் என்றே சொல்லவேண்டும். தவறு எந்தப் பக்கம் என்பதல்ல முக்கியம். அதை ஒரு தலைவர் எப்படிக் கையாண்டு சமாளிக்கிறார் என்பதுதான் சாமார்த்தியம். தமிழகம் முழுக்க அரசியல் கட்சித் தலைவர்களைப் பொறுத்தவரை, கட்சித் தலைவருக்கும் அடுத்த நிலைத் தலைவருக்கும் அதிகார இடைவெளி சற்று அதிகமிருப்பதுதான் தலைமைக்குப் பாதுகாப்பு (!) என்பது பாரம்பரியம். இவரைவிட அரசியலிலும் வயதிலும் மூத்தவர்களை இரண்டாமிடத்தில் வைத்த முடிவு எதிர்மறை விளைவுகளை உண்டாக்கியிருக்கலாம்.

இரண்டாவது இவர் மேல் பெரும் நம்பிக்கை கொண்டிருந்த தமிழக இளைஞர் பட்டாளத்தைச் சரியாகக் கையாளத் தவறிவிட்டார் என்றே தோன்றுகிறது

மூன்றாவது குறை - இவர் ஏளிதில் உணர்ச்சி வசப்படக்கூடியவர் என்று விமர்சிக்கும் அளவு இவரது அரசியல் முடிவுகளை அவரது உணர்ச்சிகள் பாதித்திருக்கின்றன. நமக்கெதிரே அநியாயம் இழைக்கப்படுக்போது பொங்கி எழுவது இயல்புதான். அதே சமயம் எங்கே பொங்க வேண்டும், எங்கே பதுங்க வேண்டும் என்கிற உபாயத்தை வைகோ தன் முன்னாள் தலைவரிடம் கற்றுக்கொண்டால் நல்லது. சுருக்கமாகச் சொன்னால் அவர் இன்னும் மகாத்மா காந்தி பாணியில் பாதயாத்திரை சென்று பல விசயங்களைச் சாதிக்க நினைக்கும் ட்ரெண்டிலிருந்து விலகி இன்றைய அரசியல் சூழ்நிலைக்கு ஏற்றவாறு தன் ஸ்டைலை மாற்றிக்கொள்ள வேண்டும்.

நேர்மையும், உறுதியும் கொண்ட ஒருவரை இப்படி மாறச் சொல்வது நியாயமா என்று கேட்கலாம். என்ன செய்வது மினி-மிடி நாகரிகம் வந்த பிறகு மடிசார் புடவை கட்டுபவர்கள் நிலைதான் வைகோவுக்கும். நல்ல கொள்கைகளை விடச் சொல்லவில்லை. நடையை மாற்றுங்கள் அவ்வளவுதான். இந்தத் தேர்தலில் எத்தனையோ தொகுதிகளில் நின்று தோற்றுப்போன கட்சிகளைவிட தேர்தலில் நிற்காமலே இருந்துவிட்டது பெரிய தோல்வி அல்ல.

ஏமாற்றமும், விரக்தியும் இயல்பாக இருக்கும்தான். ஆனால் உங்களுக்குள் ஒரு மாற்றம் கண்டால், உங்களால் மீண்டு வரமுடியும். சட்டமன்றத்தில் எதிர்க்கட்சியாக இல்லாவிட்டால் என்ன? மக்கள் மன்றத்தில் எதிர்க்கட்சியாகச் செயல்படுங்கள். உங்களைச் சுற்றியிருக்கும் இளைஞர்களை இரண்டாம் தலைவர்களாக்கி தோள் கொடுக்கச் செய்யுங்கள். அரசியல் வானில் எப்பொழுது வேண்டுமானாலும் காட்சிகள் மாறும்

உங்கள் மேல் எதற்கு இத்தனை கரிசனை என்கிறீர்களா? ஒரு நல்ல தலைவர் வெற்றி பெற வேண்டும் என்பது முக்கியம். அதைவிட ஒரு நல்ல தலைவர் தோற்றுப் போய் அதன்மூலம் நல்லதும் தோற்றுவிடக் கூடாதென்ற ஆதங்கம்தான் - தமிழக மக்களுக்கும்

- தமிழக அரசியல், ஜூன் 19-22, 2011

நன்றி : கார்கோடன்

கனிமொழி சாரு காதலர்களா?

2011-06-21T20:45:00.001+05:00

எழுத்தாளர் சாரு நிவேதிதாவும் கனிமொழியும் காதலர்களாம். சாரு தான்னுடைய வாசகியாக இணைந்து 21 நிரம்பிய பெண்ணிடம் காம உணர்வுகளோடு தவறாக பேசியிருக்கிறார். சாரு அந்த பெண்ணிடம் சாட்டில் பேசிய வசனங்கள் இப்போது காணொளியாக வெளியிடப்பட்டுள்ளது.

அந்த வாசகியிடம் பேசும் போது கனிமொழி! கனிமொழி நாங்க இருவரும் காலதலர்களாக இருந்தாம். கனிமொழி அரசியலுக்கு வரும் வரை" என்றும் கனிமொழி அரசியலுக்கு வருவதற்கு நான் நிறைய உதவிகள் செய்ததாகவும் சொல்லியிருக்கிறார்.

" I never kissed a women except kani" கனியை தவிர வேறு யாரையும் சாரு முத்தமிட்டது கிடையாதாம். இது ஒரு பகுதியாக இருந்தாலும் ஒரு இளம் வாசகியிடம் இப்படியா பேசுவார் ஒரு எழுத்தாளர் என முகம் சுளிக்கும் அளவிற்கு வர்ணிப்புகள் படு காம உணர்வோடு இருக்கிறது.

இந்த சாருவின் நடவடிக்கையால் பல இளம் பெண்கள் இணையத்தை ஒரு வித பயத்தோடு பயன்படுத்த வேண்டிய நிலை உருவாகும். இந்த நேரத்தில் இந்த செயலை துணிச்சலோடு எதிர்கொண்ட அந்த பெண் பதிவருக்கு பாராட்டுக்கள். யாரும் யோக்கியர்கள் இல்லை என்பதை புரிந்து கொண்டு பெண்கள் தங்கள் நோக்கம் நல்ல கருத்துக்களை யாருக்கும் பயப்படாமல் பதிவு செய்ய வேண்டும்.

துணிச்சலோடு சாருவின் இன்னொரு முகத்தை வெளியுலகிற்கு காட்டிய பெரியார் கருத்துக்களை பரப்பும் தமிழச்சிக்கும் பாராட்டுக்களை தெரிவித்து கொள்வோம். இது சம்மந்தமான தமிழச்சியின் பதிவு சாரு ஆன்லைன் பெண்கள் ஜாக்கிரதை .

இந்த பதிவின் முழு உண்மை தன்மையை சாரு வெளிபடுத்தியாக வேண்டும். ஏனெனில் கனிமொழி ஜெயிலில் இருப்பதால் அவரால் உடனடியாக இதற்கு விளக்கம் கொடுக்க முடியாது.

திராவிட இயக்கத்தை காக்க வைகோ பின்னால் அணி திரள வேண்டும்

2011-06-20T21:44:00.001+05:00

திராவிட இயக்கம் என்பது ஆதிக்க சக்திகளுக்கு எதிராக உருவாக்க பட்ட இயக்கம். அடிமை தனம் ஒழியவும் சுயமரியாதையை காக்கவும் உருவான இயக்கம். இன்று மீண்டும் ஆதிக்க சக்திகளுக்கு இரையாகி விடுமோ என்ற அச்சம் ஏற்பட துவங்கியிருக்கிறது. பெரியார் பகுத்தறிவு சிந்தனைகளை வளர்ப்பதிலும் மூடநம்பிக்கைகளை ஒழிப்பதிலும் மக்கள் மத்தியில் மிக பெரிய விழிப்புணர்வை ஏற்படுத்தினார். சாதி ஒழிப்பின் மூலம் மேல் சாதி கீழ் சாதி என்ற வேறுபாடுகள் இல்லாமல் அனைவரும் ஒரே சாதி என்ற நிலையை உருவாக்கவும் மேல் சாதியினரால் அடிமையாக்க படும் கீழ் சாதி மக்களின் விடுதலைக்காவும் திராவிட இயக்கம் வாயிலாக போராடினார்.

அடிமை தனமும் ஆதிக்க சக்திகளும் காங்கிரஸ் கட்சியின் மூலதனமே காங்கிரஸ் கட்சி தான் என்பதால் காங்கிரஸ் கட்சியை தீவிரமாக எதிர்த்தார் பெரியார். காங்கிரஸ் கட்சியை தமிழகத் திலிருந்தே ஒழிக்க வேண்டும். திராவிடர்கள் கையில் ஆட்சி அதிகாரம் வர வேண்டும் என்று திராவிட முன்னேற்ற கழகம் துவங்கினார் அண்ணா. இடையறாத பிரச்சாரம் விழிப்புணர்வு மூலம் காங்கிரஸ் கட்சியை வீழ்த்தி திமுக தமிழகத்தில் ஆட்சி பொறுப்பை ஏற்றது அண்ணா முதல்வரானார். இந்திய வரலாற்றிலேயே ஒரு மாநில கட்சி ஆட்சியை பிடித்தது முதலில் தமிழகத்தில் தான். இந்த வரலாற்று பெருமைக்கு காரணம் தமிழக மக்கள் மத்தியில் உருவாகியிருந்த திராவிட இயக்க உணர்வுகள். திராவிட இயக்கத்தின் விடுதலை வேட்கை பல காலமாக அடங்கியிருந்த உணர்வுகள் வெளிப்பட்டது. இந்தி மொழியை கட்டாய படுத்தி தமிழ் நாட்டில் திணிக்க நினைத்த போது மாணவர்கள் கிளர்ந்தெழுந்தது இந்திய வரலாற்றிலேயே மிக பெரிய கிளர்ச்சியாக அமைந்தது.

இப்படி பலரின் தியாகத்தோடு வளர்ந்த திராவிட இயக்கம் காலத்தின் கோலத்தால் மிக விரைவிலேயே இயற்கை அண்ணாவை எடுத்து விட்டதால் திராவிட இயக்க தலைவர்கள் வரிசையில் 17 வது இடத்தில் இருந்த கருணாநிதி கட்சியை சூழ்ச்சியின் மூலம் கைப்பற்றினார். ஆட்சியை கைப்பற்றிய அன்றிலிருந்தே தமிழகத்தை பற்றியோ திராவிட இயக்கத்தை பற்றியோ சிந்திக்காத கருணாநிதி தன் குடும்பம் பற்றியே சிந்தித்தார். தன் குடும்ப வளர்ச்சிக்காக திராவிட இயக்கத்தையும் தமிழியை பயன் படுத்த துவங்கினார். அதன் விளைவாக தன் மகனுக்கு போட்டியாக எம்ஜிஆர் வந்து விடுவார் என கருதி எம்ஜிஆரை கட்சியை விட்டு நீக்கினார். முதல் முறையாக ஆட்சி பொறுப்பை ஏற்ற போதே ஊழல் செய்து சர்க்காரிய கமிசனால் விஞ்ஞான கள்ளன் என்று அழைக்க பட்டார்.

எம்ஜிஆர் உயிரோடு இருக்கும் வரை எம்ஜிஆரின் அண்ணா திராவிட முன்னேற்ற கழகம் ஆட்சியை தக்கவைத்து கொண்டது. எந்த காங்கிரஸ் கட்சியை ஒழிக்க வேண்டும் என அண்ணா கருதி திமுகவை தோற்றுவித்தாரோ அந்த நோக்கத்தை அடியோடு குப்பையில் போட்டு விட்டு பதவி ஆசைக்காக இரு கழகங்களும் மாறி மாறி காங்கிரஸ் கட்சியுடன் கூட்டணி வைத்தன.

எம்ஜிஆர் மறைவுக்கு பின்னர் அதிமுகவின் பொதுச்செயலாளர் ஜெயலலிதாவால் திராவிட யக்கம் திராவிட கொள்கைகள் அடிபட்டு போயின. எந்த ஆதிக்க சக்தியை எதிர்த்து திராவிட இயக்கம் செயல் பட்டதோ அதே திராவிட இயக்கத்தின் வழியாக ஆதிக்க சக்திகள் புகுந்தன. அன்று முதல் இன்றுவரை தமிழக அரசியலை ஆதிக்க சக்திகள் ஆட்டி படைக்கின்றன. தமிழ் திராவிடம் என்று எந்நேரமும் சொல்லும் கருணாநிதி மீண்டும் குடும்ப கட்டுபாட்டுக்குள் கட்சியை கொண்டு வர வைகோவை இல்லாத ஒரு பழியை சொல்லி கட்சியை விட்டு நீக்கினார்.

அந்த தேர்தலில் ஆட்சியை பிடிக்க ஆதிக்க சக்திகளின் உதவியை நாடியும் காங்கிரஸ் கட்சி தலைவர் மூப்பனாரால் துவங்க பட்ட தமிழ் மாநில காங்கிரஸ் கட்சியுடன் கூட்டு சேர்ந்து ஆட்சியை பிடித்தார். ஒவ்வெரு தேர்தலிலும் காங்கிரஸ் கட்சியுடன் கூட்டணி வைத்து காங்கிரஸ் கட்சியை வளர்த்து விட்டும் தானும் பலனடைந்து கொண்டன இரண்டு கழகங்களும். கருனாநிதியாலோ ஜெயலளிதாவாலோ திராவிட இயக்க கொள்கைகளை தூக்கி பிடிக்க முடியவில்லை . அண்ணா துவங்கிய திமுகவை இந்திய அளவில் கெட்ட பெயரை உருவாக்கும் விதமாக தன் பிள்ளைகள் மூலம் ஊழல் செய்தார். திமுகவின் ஐம்பெரும் தலைவர்களாக கருணாநிதி , கருணாநிதியின் பிள்ளைகள் , பேரன் ஆகியோர் விஸ்வரூபம் எடுத்தனர். அதன் விளைவாக இன்று இரண்டு லட்சம் கோடி ஊழல் ஊழலுக்கு பரியாகரமாக ஈழ தமிழர்களை கொல்ல காங்கிரஸ் கட்சிக்கு செய்த உதவிகள் ஏராளம். ஆனால் இன்று தமிழகத்தில் யாருமே அனுதாப பட முடியாத அளவிற்கு கனிமொழி ஜெயிலில் இருக்கிறார்.

இந்த நிலையில் கருணாநிதி மற்றும் குடும்ப உறுப்பினர்களால் லட்சோப லட்சம் உறுதி மிக்க தொண்டர்கள் கொண்ட திராவிட இயக்கத்தையும் திமுகவையும் காக்க வேண்டியது காலத்தின் கட்டாயம். இன்றும் திமுக என்ற பெயருக்காக உறுதிமிக்க தொண்டர்கள் திமுகவில் தொடர்ந்து வருகிறார்கள். அவர்களின் ஒரே கவலை திமுக அழிந்து விடுமோ என்பது தான். இந்த நிலையில் திராவிட இயக்கத்தில் மாற்றம் உருவாக்க வேண்டியது காலத்தின் கட்டாயம். பெரியாரின் பகுத்தறிவு கொள்கையில் அண்ணாவின் வழியில் இன்றுவரை பயணித்து வரும் வைகோ பின்னால் ஒவ்வெருவரும் அணி திரள வேண்டிய கட்டாயம் வந்திருக்கிறது. திமுகவின் தற்போதைய தலைவரால் தன் மகளை எப்படி வெளியே எடுப்பது என்ற கவலை தானே தவிர தமிழகம் பற்றியோ திராவிட இயக்கம் பற்றா எந்த கவலையும் இல்லை. இந்த நிலையில் அதிமுகவிற்கு மாற்று சக்தியாக செயல்படும் தகுதியை திமுக இழந்ததால் அந்த பணியை வைகோ தலைமையில் மதிமுக செய்யும். சுயரியாதையை இழந்து கருணாநிதி இருக்கும் வேளையில் சுயமரியாதை தான் முக்கியம் என்று தேர்தலையை துணிந்து புறக்கணித்த தலைவன் வைகோ தலைமையில் கீழ் திராவிட இயக்கத்தை காக்கவும் தமிழினத்தை காக்கவும் திராவிட இயக்கம் பயணிக்க வேண்டும்! செயல் படுவோம்.

காவி மயமாகும் கல்வியா?

2011-06-18T20:50:00.000+05:00

இன்று தமிழக அரசு பதவியேற்றவுடன் மாணவர்களுக்கு சிரமத்தை ஏற்படுத்தும் வகையில் கல்வியில் கை வைத்திருக்கிறது. ஒவ்வெரு ஆட்சியையும் மாறும் போது பாட புத்தங்களை அரசியல் ஆக்கி கொண்டிருக்கிறார்கள். ஒவ்வெரு ஆட்சி வரும் போதும் அவர்களுக்கு தேவையானதை பாட புத்தகங்களில் புகுத்தும் வேலையை செய்து வருகிறார்கள்.

கடந்த ஆட்சியில் கல்வியாளர்கள், மாணவர் நலனில் அக்கறை கொண்டார்கள், இயக்கங்கள் போன்றவற்றின் வலியுறுத்தலாலும் வேறு வழியின்றி கடந்த திமுக ஆட்சி சமச்சீர் கல்வியை அறிமுக படுத்தியது. திமுக ஆட்சி சமச்சீர் கல்வியை அறிமுக படுத்தியதாலும் மெட்ரிக் பள்ளிகளின் முதலாளிகள் பயன் பெற வேண்டும் என்பதாலும் ராம கோபாலன் , சோ ராமசாமி போன்ற பாபனர்களின் தூண்டுதலாலும் தான் ஒரு பார்ப்பன் என்பதை நிருபிக்க சமச்சீர் கல்வியை தேவையில்லாத காரணத்தை சொல்லி நிறுத்தி வைக்க சட்ட மன்றத்தில் தீர்மானம் கொண்டு வந்தார் ஜெயலலிதா.

கல்வியாளர்கள் உயர் நீதிமன்றத்தில் பொது நல வழக்கு தொடர்ந்ததின் விளைவாக உயர் நீதிமன்றம் சமச்சீர் கல்வியை நிறுத்த கொண்டு வந்த சட்டத்திற்கு இடைக்கால தடை விதித்தது. இந்நிலையில் தமிழக அரசின் சார்பாக உச்ச நீதிமன்றத்தில் தொடர்ந்த வழக்கில் ஒன்றாம் வகுப்பிற்கும் ஆறாம் வகுப்பிற்கும் இந்த ஆண்டே சமச்சீர் கல்வியை தொடர வேண்டும் என உத்தரவிட்டதோடு மற்ற வகுப்புகளுக்கு தொடர்வதை பற்றியும் பாட திட்டம் தயாரிப்பது பற்றியும் ஒரு குழு அமைத்து உயர் நீதிமன்றத்தில் அதன் அறிக்கை தாக்கல் செய்ய வேண்டும் என ஆணை பிறப்பித்தது.

இந்த நிலையில் தமிழக அரசால் நியமிக்க பட்ட குழு உறுப்பினர்களை பார்க்கும் பொது கல்வி காவி மயமாகிறதோ என்ற அச்சம் ஏற்படுகிறது. அந்த குழுவில் இருக்கும் உறுப்பினர்கள் மெட்ரிக் பள்ளி முதலாளிகளும் பார்ப்பனர்களுமே. சமச்சீர் கல்வியில் திராவிட வரலாறு பற்றியும் திமுக தலைவர் கருணாநிதியின் கவிதையும் இருப்பதாக சொல்லி மாற்றம் செய்ய வேண்டும் என சொல்லுகிறார்கள். அதில் திமுக தலைவர் கருணாநிதியின் கவிதை இடம் பெற கூடாது என்பதில் ஒட்டு மொத்த தமிழகமும் ஒரே நிலைப்பாடை கொண்டிருக்கலாம். தமிழக்ரளுக்கு துரோகம் செய்த கருணாநிதியின் கவிதையை தமிழக மாணவர்கள் படிப்பது அவர்களின் அறிவுக்கு பங்கமாக முடியும் இதில் மாற்று கருத்து இருக்க முடியாது.

ஆனால் அதே நேரம் திராவிடம் பற்றியும் தமிழக வரலாறு பற்றியும் இருக்கும் பகுதிகளை மாற்ற வேண்டும் என மத வெறியர்கள் கூக்குரலிட்டு கொண்டிருக்கிறார்கள். தந்தை பெரியாரின் கொள்கைகள் தான் இன்று சமூகத்தில் மிக பெரிய மாற்றத்தை உருவாக்கி மக்களுக்கு பகுத்தறிவை புகட்டியிருக்கு. மூடநம்பிக்கையில் மூழ்கி கிடந்த மக்களை மனிதனாக்கிய பெரியாரையும் பெரியாரின் கொள்கையையும் மதவாதிகள் எதிர்ப்பதில் ஆச்சரியம் ஏதுமில்லை.

கடந்த பிஜேபி ஆட்சியில் மத்திய பள்ளிகள் காவிமயமானது போல் தமிழக கல்வியும் காவிமயமாக வேண்டும் என மதவாதிகள் கூச்சலிட்டு கொண்டிருக்கும் வேளையில் தமிழக அரசின் உறுப்பினர் நியமனம் மேலும் சந்தேகத்தை எழுப்புகிறது. அடித்தட்டு மக்கள் நல்ல கல்வி கற்று விட கூடாது என்பதில் சிலர் குறியாக இருக்கிறார்கள். மீண்டும் ஒரு அடிமை சாஸ்திரமும் மனு தர்மத்தையும் மக்கள் மத்தியில் புகுத்த சிலர் முயற்ச்சிக்கிறார்கள்.

தமிழர்களுக்கு எதிராகவும் சமூக நல்லிணக்கத்திற்கு எதிராகவும் அமையும் இந்த பாட திட்டங்கள் வருமானால் அது தமிழினத்திற்கே மிக பெரிய வீழ்ச்சியை உருவாக்கும். இந்த நேரத்தில் மேலும் நாம் விழிப்புணர்வோடு செயலாற்றி கல்வியை காப்போம். யார் ஆட்சிக்கு வந்தாலும் தங்கள் சுய சிந்தனைகளை கல்வியில் புகுத்தாமல் பொதுவான கல்வி திட்டம் உருவாக்க வேண்டும் அது மாணவர்களின் அறிவு திறனையும் ஆராய்ச்சியையும் வளர்க்கும் விதமாக அமைய வேண்டும். அரசியல் கலப்பில்லாத ஒரு குழு அமைத்து அந்த குழுவின் மூலம் பாட திட்டங்களை செயல் படுத்த வழிவகை செய்ய வேண்டும்.

தமிழ்நாடு விஜயகாந்த் போல் ஒரு விசித்திரமான அரசியல்வாதியை கண்டதில்லை

2011-06-17T22:01:00.000+05:00

இந்த நீதிமன்றம் எத்தனையோ விசித்திரமான வழக்குகளைச் சந்தித்திருக்கிறது'' என்கிற இச்சொற்றோடர் அறுபது ஆண்டுகளுக்கு முன்னால் எழுதப்பட்ட பழைய திரைப்பட வசனம் ஆகும். ஆனால், இப்போதைய அரசியல் சூழ்நிலைக்கு ஏற்றாற்போல் வசனம் எழுத வேண்டுமானால் பின்வருமாறுதான் எழுதவேண்டும்.

“தமிழ்நாடு எத்தனையோ விசித்திரமான அரசியல்வாதிகளைச் சந்தித்திருக்கிறது. ஆனால் விஜயகாந்த் போல் ஒரு விசித்திரமான அரசியல்வாதியை கண்டதில்லை''. இதுவரை நம் நாட்டில் மற்ற அரசியல்வாதிகள் செய்யாத எந்தத் தவறை அவர் புதிதாகச் செய்துவிட்டார்? அவருக்கும் ஒரு வாய்ப்புக் கொடுத்துப் பார்க்கலாமே என்று நமது தமிழக வாக்காளர்கள் சிலர் கருதுகின்றனர். பகுத்தறிந்து கேட்க வேண்டி எத்தனையோ கேள்விகளைக் கேட்கவேண்டிய தருணங்களில் நமது மக்கள் கேட்டிருந்தால் நமக்கு விஜயகாந்தைப் பற்றியெல்லாம் எழுதுகின்ற அவலநிலை வந்திருக்காது.

சாதி ஒழிப்பு, தமிழ்த்தேசியம், பெண்ணியம் மற்றும் ஏகாதிபத்திய எதிர்ப்பு அரசியல் எனப் பரந்துபட்டு விவாதித்து வந்த நாம் விஜயகாந்த்துக்காக இருபக்கங்களை ஒதுக்கும் கேடான அரசியல் சூழலுக்குத் தள்ளப்பட்டுள்ளோம். நமது முற்போக்குச் சிந்தனை கொண்ட இதழ்களில் எதிர்மறையாக விமர்சிக்கக்கூட தகுதியில்லாத நூற்றுக்கும் மேற்பட்ட திரைப்படங்களில் நடித்தவர்தான் விஜயகாந்த். அந்த திரைப்படங்களின் மூலம் தனக்குக் கிடைத்த விளம்பரத்தைத் தமிழ்நாட்டு மக்களிடம் அரசியலாக்க முயற்சிக்கிறார் இந்தப் புரட்சிக் கலைஞர்(!)

யார் இந்த விஜயகாந்த்? முப்பது வருடங்களுக்கு முன் மதுரை வீதிகளில் ரஜினிகாந்தைப் போல் தானும் ஒரு பெரிய நடிகனாக வேண்டும் என்று இலட்சிய வெறியோடு கனவு கண்டவர்தான் விஜயராஜுலு என்று அழைக்கப்பட்ட இந்த விஜயகாந்த், எப்பேர்ப்பட்ட உயர்ந்த லட்சியம்(!) பார்த்தீர்களா தோழர்களே. (ரஜினிகாந்த் எப்பேர்பட்ட பகுத்தறிவு சிந்தனையாளர்(?) என்று நான் சொல்ல வேண்டிய அவசியம் இருக்காது என்று நினைக்கிறேன்). ரஜினிகாந்த் மீது தான் கொண்ட மோகத்தின் காரணமாகத்தான் விஜயராஜுலு என்கிற தன்னுடைய பெயரை விஜயகாந்த் என்று மாற்றி வைத்துக் கொண்டார். எம்.ஜி.ஆர். மற்றும் கலைஞரைப் போல் பெயர் மாற வேண்டும் என்பதற்காக “புரட்சித் தலைவர்'' பட்டத்திலிருந்து புரட்சியையும், கலைஞர் என்ற பட்டத்தையும் சேர்த்து “புரட்சிக் கலைஞர்'' என்று தனக்குத் தானே பட்டம் சூட்டிக் கொண்டார். தன்னுடைய பெயரிலிருந்து, அடைமொழி வரை சுயமாகச் சிந்திக்க எதுவும் இல்லாத ஒரு தனித்தன்மை மிக்க நபர்தான் விஜயகாந்த்.

மதுரையில் அவரது நெருங்கிய நண்பர்களாக இருந்த லியாகத் அலிகான், இப்ராகிம் ராவுத்தர் ஆகிய இருவரும் இவரது சினிமா வாழ்க்கைக்கு உறுதுணையாக இருந்தவர்கள். லியாகத் அலிகானுடைய அரசியல் அனல் பறக்கும் வசனங்களைப் பேசி மக்களிடம் கைத்தட்டு வாங்கினார். பின்னர் அந்த இரு இசுலாமிய நண்பர்களுடன் மோதல் ஏற்பட்டு விஜயகாந்த் தனித்து விடப்பட்டார்.

அதற்குப் பிறகு அவர் நடித்த (வல்லரசு, நரசிம்மா, வாஞ்சிநாதன்) பல படங்களில் இசுலாமியர் எதிர்ப்பு அரசியலை முன் வைத்தார். இந்தியாவில் பல மசூதிகள் இருக்கு. ஆனால், பாகிஸ்தானில் ஒரு இந்துக் கோயில் இருக்காடா? என்று “நரசிம்மா'' படத்தில் வெளிப்படையாகவே “இந்துத்துவ'' ஆதரவு வசனங்களைப் பேசியிருப்பார். தொழுகை செய்யும் இசுலாமியர்களை வில்லன்களாக அறிமுகப்படுத்தும் அருவடைய பல படங்கள் “தேசப்பற்று'' மிக்க படங்களாக அடையாளப்படுத்தப்பட்டன.

80களில் எஸ்.ஏ. சந்திரசேகர் இயக்கத்தில் தொடர்ச்சியாக பல படங்களில் நடித்தார் விஜயகாந்த், பெண்கள் மீதான பாலியல் வன்புணர்ச்சிக் காட்சிகளை அதிக நேரம் காண்பித்தவர்கள் என்கிற பட்டம் கொடுப்பதாக இருந்தால் விஜயகாந்த்க்கும் இயக்குநர் எஸ்.ஏ. சந்திரசேகருக்கும் கண்டிப்பாக கொடுக்கலாம். சிவப்பு மல்லி, சட்டம் ஒரு இருட்டறை தொடங்கி பல படங்களை நாம் இதற்கு உதாரணமாகச் சொல்லலாம். கதாநாயகனின் தங்கை மற்றும் மனைவியைப் பாலியல் வன்புணர்ச்சி கொள்ளும் காட்சிகளின் மூலம் ஆண்களின் வக்கிர உணர்ச்சிகளைக் காசாக்கிப் பார்த்தார்கள் இருவரும். தொடர்ச்சியாக இது போன்ற படங்களில் நடித்ததன் மூலம் அடித்தட்டு மக்களின் நாயகனாக, வர்க்கப் போராளியாக இவர் அடையாளம் காட்டப்பட்டார்.

சிவப்புச் சிந்தனையாளராகவும், தி.மு.க. அனுதாபியாகவும், சில காலம் காலத்தை ஓட்டினார் விஜயகாந்த். ரஜினிகாந்த் இனிமேல் அரசியலுக்கு வரமாட்டார் என்று திட்டவட்டமாக தெரிந்துகொண்ட பிறகு, அந்த இடத்தை நிரப்புவதற்கு, அரசியல் கட்சியைத் தொடங்கினார். ஊழல் கட்சிகள் என்று இவர் விமர்சித்த இருகட்சிகளில் உரிய அங்கீகாரம் கிடைக்காத பல பேர் இவர் கட்சியில் இணைந்தனர்.

இந்த லட்சியத் தொண்டர்களை வைத்துக்கொண்டும், தனது கறுப்புப் பணத்தை வைத்துக் கொண்டும் “ஊழலை ஒழிப்போம்" என்று நகைச்சுவையாகப் பேசிவருகிறார் விஜயகாந்த். திராவிட இயக்க அரசியல், தமிழ்தேசிய அரசியல், இந்துத்துவ அரசியல் என்று தனக்கென்று எந்தக் கருத்தியலும் இல்லாதவர், இன்னும் சொல்லப்போனால் இது குறித்த எந்தப் புரிதலும் இல்லாதர் படங்களின் மூலம் தனக்குக் கிடைத்த அறிமுகமே தனது அரசியல் வாழ்விற்கான மாபெரும் தகுதியாக நினைத்துக் கொள்பவர்,

வெற்றிடத்தைக் காற்று நிரப்பும் என்பது பௌதீக விதி. விஜயகாந்திடம் வெற்றிடமாக இருக்கும் அரசியல் அறிவை “இந்துத்துவ சக்திகள்'' (சோ, சுப்பிரமணியசுவாமி, சங்கரமடம்) நிரப்பிக் கொள்ளும் கட்சி ஆரம்பிக்கும் போதே கொலைக்குற்றம் சுமத்தப்பட்ட சங்கரமடாதிபதி வாழ்த்து தெரிவித்தார் என்றால் அதன் உள் அர்த்தத்தை நாம் புரிந்து கொள்ள வேண்டும் “தேசியம்'', "முற்போக்கு'', “திராவிடர்'', “கழகம்'' இந்த நான்கு வார்த்தைகளில் ஒரு வார்த்தைக்குக் கூட அர்த்தம் சொல்லத் தெரியாத விஜயகாந்த் தேசிய முற்போக்கு திராவிட கழகத்தின் நிறுவனரும் தலைவரும் ஆவார். இந்துத்துவ அமைப்புகள், ரஜினி ரசிகர் மன்றம், அஜித் ரசிகர் மன்றம் மற்றும் பிற்போக்கு அமைப்புகளையும் தாங்கிப்பிடித்துக் கொண்டிருக்கும் நமது தாழ்த்தப்பட்ட தோழர்கள் இந்த அரசியல் காமெடியர் விஜயகாந்த்தையும் தாங்கி கொண்டிருக்கின்றனர்.

வடமாவட்டங்களில் வன்னியர் வகுப்பைச் சார்ந்தவர்களும், “பறையர்'' என்று அடையாளப்படுத்துகின்ற தாழ்த்தப்பட்ட வகுப்பைச் சேர்ந்தவர்களும் விஜயகாந்த்தின் வெற்றியைத் தீர்மானிக்கும் சக்திகளாக உள்ளனர். மேலும் தமிழ்நாடு முழுவதும் “அருந்ததியர்கள்'' என அழைக்கப்படுபவர்களும் விஜயகாந்தின் வெற்றிக்கு முக்கிய காரணிகளாக உள்ளனர். சாதி ஒழிப்பு, இடஒதுக்கீடு என்ற எந்தச் சமூகநீதி அரசியலிலும் தன்னை ஈடுபடுத்திக்கொள்ளாத இந்த அரைவேக்காட்டுத் தலைவன் பின்னால் தாழ்த்தப்பட்ட மக்கள் அணி வகுத்து நிற்பது முற்போக்குச் சிந்தனையாளர்களை வேதனையடையச் செய்கிறது. விஜயகாந்த் பொதுமேடையில் தனது வேட்பாளரை அடிப்பதைக் கூட, அக்கட்சி தொண்டர்கள் நியாயப்படுத்தவே செய்கின்றனர். ஏனெனில் ஒரு முதலாளிக்கு தனது தொழிலாளியை அடிக்கும் உரிமை இருக்கிறது என்ற நிலவுடைமைச் சமூக மனப்பான்மையே விஜயகாந்த் தொண்டர்களிடம் காணப்படுகிறது.

விஜயகாந்த்தின் வெற்றி என்பது நிலவுடைமைச் சமூக மனநிலைக்குக் கிடைக்கும் வெற்றியாகும். விஜயகாந்த்தின் அரசியல் இருத்தல் என்பது, சமூகம் வளர்ச்சி நிலையில் பின்னோக்கிப் பயணிக்கிறது என்பதைப் பட்டவர்த்தமாகக் காட்டுகிறது.

பெரியாரியம், அம்பேத்கரியம், பெண்ணியம், பின்நவீனத்துவம், மற்றும் மார்க்சியம் எனப் பல்வேறு பரிமாணங்களில் பயணித்துக் கொண்டிருக்கும் இக்காலக்கட்டத்தில், விஜயகாந்த் போன்ற கோமாளி ஆளுமையின் பின்னால் பிற்படுத்தப்பட்ட மற்றும் தாழ்த்தப்பட்ட மக்கள் இருப்பது வருத்தப்பட வைக்கிறது. நம்முடைய அரசியல் எதிரி என்று அடையாளப்படுத்தும் அளவிற்குக் கூட தகுதியில்லாத விஜயகாந்த் பற்றி இக்கட்டுரைக்கு என்ன பெயர் சூட்டலாம்? என்பதில் எனக்கு குழப்பம் இருப்பதால், இக்கட்டுரைக்கு பெயர் வைக்கும் வேலையை நான் உங்களிடமே விட்டுவிடுகிறேன்.

விஜயகாந்த் என்றொரு.....?
தமிழகத்திலிருந்து இன்போ தமிழுக்காய் ஜீவசகாப்தன்

நன்றி :இன்போ தமிழ் இணையம்

தமிழினத் துரோகி ராஜபட்ச அல்ல...

2011-04-28T14:16:00.000+05:00

இலங்கை அரசு திட்டமிட்டு இனப்படுகொலை நடத்தி வருகிறது என்று 2009-ல் எல்லோரும் கூறியதைத்தான் இப்போது ஐக்கிய நாடுகள் குழு அறிக்கை உறுதிப்படுத்தி இருக்கிறது. அப்போது, இந்தியா எப்படி, இந்த இனப்படுகொலை குறித்து எல்லோரும் குரல் எழுப்பியபோதும் அமைதி காத்ததோ, அதே அமைதியை இப்போதும் கையாள்கிறது.

இலங்கை அதிபர் ராஜபட்ச ஒரு போர்க் குற்றவாளி என்று தண்டிக்கப்படுவதற்கான அனைத்துக் காரணிகளும் இந்த அறிக்கையில் முன்வைக்கப்பட்டுள்ளன. ஆனால் இலங்கை அரசு இதுபற்றித் துளியும் கவலை கொள்ளவில்லை. மாறாக, முழு அறிக்கையை வெளியிட்டால் இலங்கையில் நடைபெற்றுவரும் தமிழர்களின் இணக்கமான வாழ்க்கைக்கான அரசின் முயற்சிகள் பாதிக்கப்படும் என்று எதிர்ப்புத் தெரிவிக்கிறது.

நம் ஒற்றுமையைக் காட்டும் விதமாக மே முதல் தேதி ஐ.நா. அறிக்கைக்கு எதிரான விளக்கம் தருவதாக மே தின ஊர்வலம் அமையட்டும் என்று அறைகூவல் விடுகிறார் அதிபர் ராஜபட்ச. இந்த அளவுக்கு இலங்கை எனும் சிறிய நாட்டுக்குத் தைரியம் இருக்கிறது என்றால் அதற்குக் காரணம் இந்தியா தரும் துணிவும், ஆதரவும்தான் என்றால் மிகையில்லை. துணையோடு அல்லது நெடுவழி போகேல் என்கிறது நீதிநூல். ராஜபட்சவின் வழித்துணை இந்தியா.

இலங்கைக்கு எதிராக ஐ.நா. சபையில் ஜெனீவா மாநாட்டில் தீர்மானம் கொண்டுவந்தால் அதை எதிர்ப்பதும், சர்வதேச நிதியத்தில் நிதிபெற்றுத் தருவதும் என எப்போதும் அன்பு காட்டி ஆதரவு தந்துகொண்டிருப்பது இந்தியாதான்.

இலங்கை நடத்திய தாக்குதல், போர்ப்பயிற்சி, ஆயுத சப்ளை, கண்ணிவெடி அகற்றம் என எல்லாவற்றிலும் இந்திய அரசின் நேரடியான - மறைமுகமான உதவிகள் இருந்துள்ளது என்கிற குற்றச்சாட்டுகள் மறுக்கப்படவே இல்லை.

இந்த ஆதரவு தரும் மனவலிமையால், இப்போதும் எங்களை ஐ.நா. ஒரு போர்க் குற்றவாளியாகச் சித்திரிக்குமானால், இந்தியா தடுத்துக் காப்பாற்றும் என்று வெளிப்படையாக அந்நாட்டு உயர் அதிகாரிகள் தெரிவிக்கிறார்கள் என்றால், இந்தியா குறித்து அவர்களது மதிப்பீடு என்னவாக இருக்கிறது என்பது வெளிப்படை.

ஐ.நா. பாதுகாப்பு சபையில் தாற்காலிக உறுப்பு நாடாக இந்தியா இடம்பெற்றிருக்கிறது. உறுப்பு நாடுகள் கேட்டுக்கொண்டால்தான், இலங்கையில் நடந்த மனிதஉரிமை மீறல் மற்றும் பல்லாயிரம் பேர் கொல்லப்பட்டது தொடர்பாக ராஜபட்ச மீது சர்வதேச விசாரணை நடத்தப்படும் என்கிறார் ஐ.நா. சபை பொதுச் செயலர் பான் கீ மூன். இந்தியாவோ மெüனம் காக்கிறது. இந்திய அரசின் சார்பில் ஐ.நா. குழுவின் அறிக்கை பற்றி அதிகாரப்பூர்வமான கருத்து எதுவும் தெரிவிக்கப்படவில்லை.

தமிழ்நாட்டிலிருந்து எதிர்க்கட்சியான அ.தி.மு.க. பொதுச் செயலர் ஜெயலலிதா, இலங்கை அதிபர் ராஜபட்சவை சர்வதேச நீதிமன்றம் விசாரிக்க வேண்டும் என்கிறார். தேமுதிக, பாமக, மதிமுக, விடுதலைச் சிறுத்தைகள் என்று காங்கிரஸ் தவிர, ஏனைய கட்சிகள் அனைத்துமே ஐ.நா. குழுவின் அறிக்கையின்மீது நடவடிக்கை எடுக்கப்பட வேண்டும் என்று குரலெழுப்பி இருக்கின்றன.

ஆனால், மத்திய அரசில், ஐக்கிய முற்போக்குக் கூட்டணியில் முக்கிய அங்கமாக இருக்கும் தி.மு.க.வின் உயர்நிலைக் குழு கூடியது. விவாதித்தது. தமிழினத்தின்மீது தொடுக்கப்பட்ட மிகப்பெரிய இனப்படுகொலையை எதிர்த்துச் சிலிர்த்தெழ வேண்டிய இயக்கம், தயக்கத்துடன் ஒரு தீர்மானத்தை நிறைவேற்றித் தனது கடமையை முடித்துக் கொண்டுவிட்டது.

""(ஐ.நா. குழு) விசாரணை இன்னும் அதிகாரப்பூர்வமாக, முழுமையாக வெளியிடப்படவில்லை. நமது இந்திய அரசு இந்த அறிக்கை மீது எப்படிப்பட்ட நடவடிக்கை எடுக்கப்போகிறது என்ற விவரமும் வரவில்லை'' என்று அதற்குக் காரணம் கூறியிருக்கிறார் முதல்வர் கருணாநிதி.

இலங்கைத் தமிழருக்காக இவர் நடத்திய 2 மணி நேர உண்ணாவிரதத்தை ஜெயலலிதா கபடநாடகம் என்று சொன்னதைத் தமிழருக்கு நினைவூட்டத் தவறாத முதல்வர், இந்தியப் பிரதமர் மன்மோகன் சிங்குக்கு ""இப்போதாகிலும் செயல்படுங்கள்'' என்று நினைவூட்டினாரா என்றால் இல்லை. பிரதமரிடமும் சோனியாவிடம் நினைவூட்டுவதற்குத் தமிழினத்தைப் பாதிக்கும், தமிழனுக்கு இழைக்கப்பட்ட அநீதியைச் சுட்டிக்காட்டும் ஐ.நா. குழு விசாரணையைவிடத் தனது குடும்பத்தினரைப் பாதிக்கக்கூடிய முக்கியமான விசாரணைகள் நடைபெற்று வருவதுகூட அதற்குக் காரணமாக இருக்கலாம்.

இந்திய அரசும், தன்னைத் தமிழினத் தலைவர் என்று அழைத்துப் பெருமை தட்டிக்கொள்ளும் முதல்வர் கருணாநிதி கூறுவதைப்போல, இன்னும் அறிக்கை முழுமையாக அதிகாரப்பூர்வமாக வெளியாகவில்லை என்று சொல்லக்கூடும். அதைவிட ஒருபடி மேலேபோய், போர்க் குற்றங்களில் விடுதலைப் புலிகளும் ஈடுபட்டனர், மக்களைக் கேடயமாகப் பயன்படுத்தினர் என்று ஐ.நா. அறிக்கையில் குறிப்பிட்டிருப்பதைச் சுட்டிக்காட்டி, நடுநிலை வகிப்பதற்குக் காரணம் தேடக்கூடும்.

இந்த வாதங்களை இந்திய அரசு முன்வைக்கும்போது அதை மறுக்கவோ எதிர்க்கவோ துணிவில்லாத கூட்டணிக் கட்சியாக, தமிழகம் இந்தியாவின் ஒரு பகுதிதான் என்றும், தமிழர்களும் இந்தியர்கள்தான் என்றும் தமிழர் நலனைப் பாதுகாப்பதன் மூலம் மட்டுமே இந்தியாவின் ஒற்றுமையைப் பாதுகாக்க முடியும் என்றும் மத்திய அரசுக்கு உணர்த்தும் கட்சியாக இன்றைய தி.மு.க. தலைமை இல்லை என்பதுதான் தமிழினத்துக்கு ஏற்பட்டிருக்கும் மிகப்பெரிய பின்னடைவு.

தமிழர் குரல் தில்லியில் ஒலியிழந்து போனதற்குக் காரணம் தமிழினத்துக்காகக் குரல் கொடுக்க வேண்டியவர்கள் தங்கள் சுயநலத்துக்காகக் கைகட்டி, வாய்பொத்தி, தலைகுனிந்து நிற்பதால்தானே? இலங்கை அதிபர் ராஜபட்ச மீது சர்வதேச விசாரணை வேண்டும் என்று களத்தில் இறங்கிப் போராட வேண்டிய நேரத்தில், இவர்கள் சம்பந்தப்பட்ட வேறு விசாரணை நடந்து கொண்டிருக்கிறதே, இவர்கள் அதைப்பற்றித்தானே கவலைப்படுவார்கள்.

இவர்களே குற்றவாளிகளாக இருக்கிறபோது யாரைப் போர்க் குற்றவாளியாக்குவதற்காகப் போராடுவது?

தமிழினத் துரோகி ராஜபட்ச அல்ல...

நன்றி :தினமணி

அம்மையாரை அய்யர்கள் சந்தித்து வாழ்த்து

2011-04-14T13:36:00.000+05:00

நேற்றும் இன்றும் போயஸ் தோட்டத்தில் ஜெயலலிதாவை அய்யர்கள் சந்தித்து வாழ்த்து தெரிவித்து வருகின்றனர். நடந்து முடிந்த சட்ட மன்ற தேர்தல் முடிவுகள் வெளிவர இன்னும் ஒரு மாதம் இருக்கிறது. இந்த ஒரு மாதத்தில் என்ன மாற்றங்கள் நடைபெற போகிறதோ?

இன்னும் ஓரிரு நாளில் கட்சி மாறும் காட்சிகள் கூட நடைபெறலாம். யாருக்கு வெற்றி வாய்ப்பு இருக்கும் என சரியாக கணிக்க முடிந்தவர்கள் வெற்றி பெறும் கட்சிக்கு மாறி முன்னுரிமை பெற வாய்ப்பிருக்கிறது.

நடந்து முடிந்த சட்ட மன்ற தேர்தலில் 77 .4 % வாக்குகள் பதிவாகியிருப்பதாக தேர்தல் கமிசன் அதிகார பூர்வமாக அறிவித்துள்ளது. இதுவரை இல்லாத அளவிற்கு அதிக வாக்குகள் பதிவான தேர்தலாக இந்த தேர்தல் அமைந்திருக்கிறது. அதே போல் ஒரு மாதம் காத்திருந்து தேர்தல் முடிவுகளை அறிவது என்பதும் புதிதாக தான் இருக்கிறது.

இந்நிலையில் அய்யர்கள் ஜெயலிதாவை சந்தித்து பூஜை செய்தும் வாழ்த்தும் தெரிவித்திருக்கிறார்கள். மேலும் பல பூசாரிகள் அதிமுகவில் இணைத்திருக்கிறார்கள். பூசாரிகள் மூலம் யாகம் எதாவது நடத்தி விழுந்த வாக்குகளை மாற்ற போகிறாரா ? இல்லை தமிழ் நாட்டில் இருக்கும் அனைத்து பாப்பனர்களும் சேர்ந்து வாக்குகளை மாற்றி அதிமுகவை வெற்றி பெற செய்து ஜெயலலிதாவை முதல்வராக்க பார்கிறார்களா ? ........

இடைத்தேர்தல்கள் தான் நினைவுக்கு வருகிறது ........

ஏன் அதிமுகவினர் சோர்வடைகிறார்கள் ?

2011-04-11T15:55:00.001+05:00

கடந்த இரண்டு நாட்களாக வெற்றிக்கான கடைசி கட்ட பிரச்சாரத்தை முன்னெடுக்க வேண்டிய ஜெயலலிதா தொண்டர்கள் சோர்வடைய கூடாது என சொல்லவேண்டிய நிலைக்கு தள்ள பட்டதன் காரணம் என்ன? உண்மையில் தொண்டர்கள் சோர்வடைந்து விட்டார்களா? ஏன் சோர்வடைந்தார்கள் ?

எங்கேயோ சென்ற தேர்தல் இப்போது எங்கேயோ வந்து நிற்கிறது. சோர்வடைய வேண்டிய திமுகவினர் சுறுசுறுப்பாகவும் சுறுசுறுப்பாக இருக்க வேண்டிய அதிமுகவினர் சோர்வடைந்தும் காணப்படுகின்றனர்.

கடந்த முறை அதிமுக ஒரு தொகுதியிலும் வெற்றி பெறாது என இருந்த நிலையில் கடைசி நேரத்தில் மதிமுகவோடு கூட்டணி வைத்து கொண்டதால் தமிழக வரலாற்றிலேயே ஒரு மைனாரிட்டி திமுக ஆட்சியையும் அதிக சட்ட மன்ற உறுப்பினர்களையும் கொண்ட எதிர் கட்சியும் அமைந்தது. மதிமுகவோடு கூட்டணி வைத்த காரணத்தால் இன்றுவரை அதிமுக நிலைத்து நிற்க காரணமானது. அந்த தேர்தல் முடிந்து திமுக அதிக இடங்களில் வெற்றி பெற்றவுடன் தன தொண்டர்களை தக்க வைக்க வேண்டி பேசிய ஜெயலலிதா " நாம் இன்று அறுபதுக்கு மேற்பட்ட சட்ட மன்ற உறுப்பினர்களை பெற்றிருக்கிறோம் எனவே பயப்பட வேண்டியது நாம் அல்ல திமுக தான் " என்றார்.

அந்த ஜெயலலிதா இப்போது எங்கே ? தேர்தல் பிரச்சாரம் துவங்கிய போது இதே தெம்போடு பேசிய ஜெயா இப்போது சோர்வடைந்து விடாதீர்கள் என செல்லும் இடம் எல்லாம் பேச வேண்டிய நிலைக்கு மாற காரணம் என்ன ? கடந்த ஐந்து ஆண்டுகளாக வெற்றி கனியை ஈட்டலாம் என காத்திருந்த அதிமுகவினர் ஏன் சோர்வடைந்தார்கள்?

தேர்தல் அறிவிப்பு வெளியான போது அதிமுக தான் வெற்றி பெறும். அதிமுக தலைமையில் ஆட்சி அமையும் என்ற சூழ்நிலை தான் இருந்தது. திமுக ஆட்சிக்கு எதிரான அலை தமிழகமெங்கும் இருந்தது. திமுகவிற்கு எதிரான அலையை வாக்குகளாக ஜெயலலிதா மாற்றுகிறார் என தான் நினைத்தார்கள் விஜயகாந்தை கூட்டணியில் சேர்த்த போது. ராஜ தந்திரத்தில் ஜெயலலிதாவே முன்னிலையில் இருந்தததாக தான் நினைத்தார்கள். ஆனால் அடுத்தடுத்து ஜெயலலிதாவின் ஆணவத்தால் ஏற்பட்ட மாற்றங்கள் தான் இன்று அதிமுகவினர் சோர்வுக்கு காரணம்.

கடந்த ஐந்து ஆண்டுகளாக அதிமுகவோடு மதிமுக கூட்டணி அமைத்து ஒரு கூட்டணி கட்சி எப்படி இருக்க வேண்டும் என்ற இலக்கணத்தோடு இருந்தது. ஆனால் யார் இல்லைஎன்றாலும் வெற்றி பெற்று விடுவோம் என்ற மிதப்பில் இருந்த ஜெயலலிதாவால் வைகோவும் மதிமுகவும் அலட்சிய படுத்த பட்டது தமிழக மக்கள் மத்தியில் மிக பெரிய தாக்கத்தை ஏற்படுத்தியது.

1 .5 சதவீத வாக்குகளே உள்ள கம்யூனிஸ்ட் கட்சிகளுக்கு 22 தொகுதிகளும் 6 சதவீத வாக்குகள் பெற்ற மதிமுகவிற்கு 6 தொகுதிகளிலிருந்து தொகுதி பங்கீடு பேச்சு வார்த்தை துவங்க காரணம் என்ன? ஆனால் இத்தனை தூரம் அவமான படுத்த பட்டரும் வைகோ மவுனமாகவே இருந்து எல்லோர் மனதையும் வென்று விட்டார். அவர்களாகவே கூட்டணியை விட்டு வெளியேற்றியது ஜெயலலிதா இன்னும் திருந்த வில்லை என்பதை தமிழகத்திற்கு எடுத்து காட்டியது. அப்போதே அதிமுகவின் தோல்வி குறிக்க பட்டுள்ளது. அதுவரை அதிமுக கூட்டணி வெற்றி பெறும் என தெரிவித்த கருத்து கணிப்புகள் எல்லாம் தலை கீழாகி விட்டது.

மேலும் அதிமுகவோடு கூட்டணியில் இருந்த போதும் எந்தவிதமான சமரசமும் செய்யாமல் தன் பணியில் தொடர்ந்து, நச்சு ஆலையான ஸ்டெர்லைட் ஆலையை மூட வேண்டும் என்பதில் முழு மூச்சோடு போராடி வந்த வைகோவை வெளியேற்ற ஆயிரம் கோடி வரை கைமாற பட்டுள்ளது ஸ்டெர்லைட் ஆலை அதிபரிடமிருந்து. அடுத்து விடுதலை புலிகள் மீதாணை தடையை நீக்க வேண்டும் என நீதி மன்றம் வரை சென்று போராடி வருகிறார் வைகோ. விடுதலை புலிகள் மீதான தடையை நீக்க கூடாது என்பது ராஜ பக்ஷேவின் ஆசை அதுவும் வைகோ கூட்டணியிலிருந்து வெளியேற்ற காரணமாகி விட்டது.

எந்த காரணங்களுக்காக மக்கள் திமுகவிற்கு மாற்றாக அதிமுகவிற்கு வாக்களிக்க வேண்டும் என நினைத்தார்களோ அத்தனை காரணங்களும் மதிமுக வெளியேற்ற பட்ட நாளே உடைத்து விட்டார் ஜெயலலிதா. இப்படி திருந்தாத ஜெயலிதா மீண்டும் ஆட்சிக்கு வந்தால் தமிழகம் தவறான பாதையில் செல்லும் என்பதை மக்கள் புரிந்து கொண்டதால் திமுக வெற்றி பெற வேண்டிய சூழல் உருவாக்கி வருகிறது. மக்கள் மத்தியில் ஜெயலலிதா நம்பிக்கை இழந்த காரணத்தால் தான் அதிமுக தொண்டர்கள் சோர்வடைந்து காணப்படுகின்றனர் . இந்நிலையில் தான் சோர்வடைந்து விடாதீர்கள் என்று செல்லுமிடமெல்லாம் ஜெயலலிதா சொல்லி வருகிறார்.

யார் வெற்றி பெற்றாலும் தமிழகம் மீண்டும் இருண்ட காலத்திற்கு தான் செல்லும் என்பது மட்டும் தெரிகிறது.

கடைசி கட்ட கருத்து கணிப்பு

2011-04-10T21:26:00.002+05:00

அன்பார்ந்த தமிழக மக்களே இன்னும் இரண்டு நாட்களில் தமிழக சட்ட மன்ற தேர்தல் முடிவு பெறுகிறது. 13 தேதி மக்கள் வாக்களிக்க இருக்கிறார்கள் இதன் மூலம் அடுத்த ஐந்து ஆண்டுக்கான தமிழகத்தின் தலைவிதியை மக்கள் தீர்மானிக்க இருக்கிறார்கள். இது குறித்து ஜூனியர் விகடனின் வந்த கருத்து கணிப்பு உங்களுக்காக.

திமுக கூட்டணி - 92

திமுக - 67

காங்கிரஸ் - 15

பாமக - 7

விடுதலை சிறுத்தைகள்

கொங்கு நாடு முன்னேற்ற கழகம்

அதிமுக கூட்டணி - 141

அதிமுக - 105

தேமுதிக - 17

சிபிஎம் - 11

சிபிஐ - 4

மனித நேய மக்கள் கட்சி - 3

கொங்கு இளைஞர் பேரவை - 1

மேலும் கடைசி நேரத்தில் இந்த நிலவரங்களில் மாற்றங்கள் ஏற்படுத்தும் சக்தி படைத்தவையாக மூன்று காரணங்களை ஜூனியர் விகடன் கணித்துள்ளது .

1. தேர்தல் கமிசனின் கெடுபிடிகளையும் மீறி (அல்லது அவர்கள் தங்களை தாங்களே இறுக்கம் தளர்த்தி கொண்டால் ) நினைத்த தொகுதிகளில் எண்ணி வைத்த பணத்தை விநியோகிக்க முடிந்தாலோ

2. மன சாட்சி படி வாக்களியுங்கள் என்று மதிமுக பொதுச்செயலாளர் வைகோ அறிவித்தது. தமிழகத்தில் பரவலாக 48 தொகுதிகளில் வெற்றி தோல்வியைத் தீர்மானிக்கும் சக்தி மதிமுகவிற்கு இருப்பது கடந்த காலங்களில் நிரூபிக்கப்பட்டது. இந்த கட்சிக்கு கருணாநிதி என்றால் எட்டிக் காய் தான். ஆனால் சமீபத்திய கடுப்பு ஜெயலலிதா மீதே அதிகமாக இருக்கிறது. மனவேதனை ஜெயலலிதா மீதான கோபமாக மாறினாலோ ...

3. கருணாநிதியும் ஜெயலலிதாவும் தங்களது கடைசி அஸ்திரமாகப் பயன்படுத்த போகும் லாஸ்ட் புல்லட் தாக்குதலைப் பொறுத்தோ ..

இந்த முன்னணி நிலவரத்தில் மாற்றங்கள் ஏற்பட வாய்ப்பு இருக்கிறது என்பதையும் சொல்லியாக வேண்டும் .

டிஸ்கி : இனி நீங்க முடிவு பண்ணுங்க யார் ஆட்சிக்கு வருவாங்கன்னு ....

இரு கழகங்களுக்கும் மாற்றான சக்தி மதிமுக என்பதை நிருபிக்கும் தேர்தல்

2011-04-08T16:42:00.000+05:00

பக்கத்து ஊரை சேர்ந்த சென்னையில் பணிபுரியும் நண்பர் ஒருவரை நேற்று தொடர்பு கொண்டு கேட்டேன் வாக்களிக்க ஊருக்கு எப்போது வருகிறாய் என்று? நண்பர் சொன்னார் நான் 13 ஆம் தேதி மாலை திரும்பி 14 ஆம் தேதி காலை வந்து சேருவேன். வாக்கு பதிவு 13 ஆம் தேதி வாக்களிப்பது என்றால் 13 ஆம் தேதி இங்கு வர வேண்டும் அல்லவா என்றேன். அதற்கு அவர் எனக்கு யாருக்கும் வாக்களிக்க விருப்பம் இல்லை.

என்னை விட வயதில் இளையவர் தான் இது இவருக்கு இரண்டாவது தேர்தல் என்று நினைக்கிறேன். எந்த கட்சியையும் சாராதவர் தமிழ் உணர்வு மிக்கவர். மேலும் அவரிடம் பேசும் போது வாக்களிப்பது நமது உரிமை அதை நாம் விட்டு கொடுக்க கூடாது என்று வாதிட்டேன். எதற்குமே அசராத அவர் கடைசியாக ஒன்றை சொன்னார். "சிறு வயது முதலே அதிமுக மீது ஒரு வித வெறுப்பை கொண்டவன் ஆனால் ஈழ போராட்டம் இறுதி கட்டம் அடைந்த போது அந்த மக்களை காப்பாற்ற முடிந்தும் காப்பாற்றாமல் கைவிட்ட திமுக மீதான கோபத்தில் என்னுடைய முதல் தேர்தலிலேயே அதிமுக கூட்டணிக்கு வாக்களித்தேன்."

"அதே போல் இந்த தேர்தலிலும் வாக்களிக்க வர வேண்டும் அதிமுக கூட்டணிக்கு வாக்களித்து திமுக காங்கிரஸ் கூட்டணியை தோற்கடிக்க வேண்டும் என்று தான் நினைத்திருந்தேன். என்னை போல் தான் ஒவ்வெரு தமிழ் உணர்வாளர்களும் நினைத்திருந்தார்கள். மதிமுகவை கூட்டணியை விட்டு வெளியேற்ற அதிமுகவிற்கு ஏற்பட்ட காரணங்களை நினைக்கும் போது ஒரு விசத்தை கீழிறக்க இன்னொரு விசத்தை அல்லவா மேல் ஏற்ற வேண்டியிருக்கிறது என்று நினைக்கும் போது யாருக்கு வாக்களித்தாலும் தமிழர்களுக்கு செய்யும் துரோகம் எனவே நான் யாருக்கும் வாக்களிக்க விரும்ப வில்லை என்று சொல்லி முடித்தார். "

இவ்வளவு தெளிவாக பேசிய அவரிடம் வேறு எதுவும் சொல்ல முடியாமல் ஒன்றை மட்டும் சொன்னேன். வாக்களிக்கும் உங்கள் உரிமையை விட்டு கொடுக்காமல் தொகுதியில் போட்டியிடும் கட்சியை பார்க்காமல் வேட்பாளரை பார்த்து வாக்களிக்கலாமே".

தமிழக அரசியலை மிகவும் தெளிவாக புரிந்து வைத்திருக்கும் இவர் எந்த கட்சியையும் சாராதவர். இவரிடம் பேசிய பின்னர் தான் மதிமுக தேர்தலில் போட்டியிட வேண்டாம் என எடுத்த முடிவு எவ்வளவு நல்ல முடிவு என்பது தெரிந்தது. ஒருவேளை அதிமுக கூட்டணியில் மேலும் சில தொகுதிகளை கொடுத்து மதிமுக அந்த கூட்டணியில் தொடர்ந்து தேர்தலை சந்தித்திருந்தால் அதிமுக கூட்டணி வெற்றி பெற்றிருக்கும் ஆனால் பலனை பெறுவது மதிமுகவோ தமிழர்களோ அல்ல அதிமுகவும் ஆதிக்க சக்திக்களுமாக தான் இருந்திருக்கும்.

ஒரு வேளை அதிமுக மீதான வெறுப்பில் உணர்ச்சி வசப்பட்டு தனித்து போட்டியிட்டால் திமுக எளிதில் வெற்றி பெற்றிருக்கும் அதனாலும் பலனை பெறுவது மதிமுகவோ தமிழர்களோ அல்ல மாறாக கருணாநிதியும் அவர் குடும்பமும் தான்.

தேர்தல் முடிந்த பின்னர் விலை போய் மதிமுகவை கழற்றி விடுவதுக்கு பதிலாக முன்னரே விலை போய் மக்கள் மத்தியில் தன்னை பற்றி நிருபித்த ஜெயலலிதாவிற்கு மக்கள் நன்றி சொல்ல கடமை பட்டுள்ளார்கள். இப்போது மக்கள் மத்தியில் இரண்டு வாய்ப்புகள் ஓன்று சேலை கட்டிய கருணாநிதி இன்னொன்று வேட்டி கட்டிய ஜெயலலிதா . இவர்கள் இருவருக்குள்ளும் ஒரே எண்ணங்கள் தான் ஓடி கொண்டிருக்கின்றன. இந்த நிலையில் மதிமுக போட்டியிடாமல் ஒதுங்கி கொண்டதால் இரு அணிகளுக்கிடையே எளிதில் வெற்றி பெற்று விடலாம் என்ற நிலை மாறி யாருக்கும் எளிதில் வெற்றி கிடைக்காது என்ற நிலை தான் ஏற்பட்டுள்ளது.

அதனால் தான் மதிமுக எங்கே இருக்கிறது என்று கெட்ட கருணாநிதி ஒவ்வெரு நாள் அறிக்கையிலும் மதிமுக எங்களை ஆதரிக்கிறது இதனால் எங்கள் வெற்றி உறுதி செய்ய பட்டுள்ளது என்று சொல்லி மதிமுகவின் ஆதரவை எதிர் பார்த்து கொண்டிருக்கிறார்.

அதே போல் ஜெயலலிதாவோ வைகோ மீது அன்பும் மரியாதையும் இருக்கும் என்று பேசுகிறார். இருவருமே உள்ளொன்று வைத்து புறமொன்று பேசுகிறார்கள் இவர்களுக்கு மக்கள் மீது எந்த அக்கறையும் கிடையாது யார் காலில் விழுந்தாவது வெற்றி பெற வேண்டும் என்பதே இவர்கள் நோக்கம்.

ஒவ்வெரு தேர்தல் முடிவுகளில் பெரும் மாற்றத்தை உண்டு பண்ணுவது மதிமுகவின் முடிவுகள் என்பது இந்த தேர்தலிலும் நிருபிக்க பட்டு வருகிறது. மதிமுகவின் சக்தியை தெரிந்து தான் இரு கழகங்களும் மதிமுகவை அழிக்க நினைக்கிறது. அவர்கள் நினைத்த திட்டத்திற்கு மதிமுக எடுத்த தேர்தல் புறக்கணிப்பு அறிவிப்பு மிக பெரிய அடி. மதிமுகவின் இந்த முடிவின் மூலம் மதிமுக தமிழகத்தில் இரு ஊழல் கட்சிகளுக்கு மாற்றான மாபெரும் சக்தியாக உருவெடுக்க துவங்கியிருக்கிறது.

இந்த தேர்தல் முடிவுகள் என்பது யார் வெற்றி பெற்றாலும் தமிழகத்திற்கு பயன் பட போவதில்லை. ஆனால் தமிழகத்திகு ஒரு மாற்று சக்தி தேவை அது மதிமுக என்பதை நிருபிக்கும் தேர்தலாக இது அமையும் என்பதில் சந்தேகம் இல்லை.

வைகோவின் தேர்தல் புறகணிப்பு முடிவு பற்றி கவிஞர் தாமரை ஜூனியர் விகடனில்

வரவேற்கத்தக்க முடிவு நான் மனமார ஆதரிக்கிறேன். வைகோ எந்த கூட்டணியில் இருந்தாலும், மக்களுக்கான போராட்டங்களில் அவர் பின்வான்கியதே இல்லை. அவர் உண்மையான, நேர்மையான தலைவர் என்பதில் யாருக்கும் மாற்று கருத்து இல்லை. ஒரு நல்ல தலைவர் தப்பான இடத்தில் இருந்தது வேதனை. நமக்கான மாற்று அரசியலை முன்னெடுக்கும் திறன் அவரிடம் இருக்கிறது என்பதை நான் நம்புகிறேன்.

ஜெயிலுக்கு தயாராகும் கொடநாட்டு இளவரசி

2011-04-07T22:50:00.000+05:00

கருணாநிதியும் குடும்பமும் சேர்ந்து தமிழ் நாட்டை கூறு போட்டு வரும் வேளையில் கருணாநிதியின் குடும்ப ஆதிக்கத்தை வீழ்த்த வேண்டும் என்று அனைவரும் ஓரணியில் திரண்டு கருணாநிதிக்கு எதிராக வருகின்ற தேர்தலை பயன் படுத்த நினைத்தார்கள். கருணாநிதிக்கு மாற்றாக ஜெயலலிதா ஆட்சியில் அமர்ந்து விட கூடிய சூழல் உருவாக்கி வந்த வேளையில் யானை தன் தலையில் மண்ணை அள்ளி கொட்டுவது போல் ஜெயலலிதாவால் மதிமுக அலட்சியம் செய்ய பட்டது இன்று மக்கள் மத்தியில் எதிர் விளைவுகளை ஏற்படுத்தியிருக்கிறது.

ஐந்து ஆண்டுகள் ஆட்சியில் இல்லாத போது ஜெயலலிதாவின் ஆணவம் அகங்காரம் குறைந்து மக்கள் நலனில் அக்கறை கொண்டவராகியிருப்பார் என நினைத்து கருணாநிதிக்கு மாற்றாக ஜெயலலிதாவை ஆட்சியில் அமர்த்தலாம் என பெரும்பான்மையானோர் நினைத்து உண்மை. அதற்கேற்றாற்போல் தான் முதலில் கள நிலவரங்களும் இருந்தன. ஆனால் இன்று நேர்மாறாக கள நிலவரங்கள் இருப்பது மட்டும் தெரிகிறது.

தற்போதைய கள நிலவரங்களில் வேடிக்கை பார்ப்பவராக இருப்பதால் ஓரளவேனும் உண்மை நிலவரத்தை கணித்து சொல்ல முடியும். அதன் அடிப்படையில் ஒவ்வெரு கட்சி தொண்டர்கள், பொதுமக்களிடம் தேர்தல் நிலவரங்கள் குறித்து தெரிந்து கொண்டோம். அதனடிப்படையில் முன்னரை விட திமுகவினர் மிகவும் உற்சாகத்தோடு தேர்தல் பணியாற்றுகின்றனர். அதிமுக அணியில் ஒரு வித தொய்வு ஏற்பட்டுள்ளது.

சிந்திக்கும் மக்கள் ஆட்சி மாற்றம் வேண்டும் என விரும்புகின்றனர் ஆனால் அதே நேரம் கருணாநிதிக்கு பதிலாக ஜெயலலிதா என்பதை ஏற்று கொள்ள வில்லை. யார் இலவசங்கள் அதிகம் கொடுக்கிறார்கள் என்று பார்த்து வாக்களிக்கும் வாக்காளர்கள் பெருகி விட்டார்கள். இரண்டு கட்சி வாக்குறுதிகளையும் ஆராய்ந்து பார்க்கும் மக்கள் ஜெயலலிதா சொன்னதை செய்வார் என்பதை நம்ப தயாரில்லை.

குமரி மாவட்ட நிலவரத்தை பார்த்தால் ஒரு தொகுதியில் அதிமுக கூட்டணி வெற்றி பெறுவதே கடினம். அப்படியே ஒரு தொகுதியில் வெற்றி பெற்றால் கூட அது கூட்டணி கட்சியின் வெற்றியாக தான் இருக்கும். அதிமுக போட்டியிடும் 4 தொகுதிகளில் 2 தொகுதிகளில் அதிமுக போட்டியிலே இல்லை என்பது தான் உண்மை. இதே போல் தென் மாவட்டங்களில் பெரும்பான்மை தொகுதிகளில் அதிமுகவின் தோல்வி உறுதி செய்ய பட்டுள்ளது.

கருணாநிதிக்கு மாற்றாக மக்கள் ஜெயலலிதாவை நம்ப தயாரில்லை. மதிமுகவை கூட்டணியிலிருந்து வெளியேற்றியவுடன் ஜெயலலிதா மீது மக்களுக்கு இருந்த கொஞ்ச நம்பிக்கையும் தகர்ந்து விட்டது என்பது மக்களிடம் பேசும் போது தெரிகிறது. மாற்றம் வேண்டும் என நினைத்தவர்கள் மத்தியில் யார் வந்தாலும் மக்களுக்கு பயன் இல்லை. ஆட்சிக்கு வரும் முன்னரே நச்சு ஆளை அதிபரிடமும் , சிங்கள இனவெறியன் ராஜபக்ஷேவிடமும் விலை போன ஜெயலலிதாவால் மக்களுக்கு எப்படி நல்லாட்சி தரமுடியும் என்பது தான் நடுநிலையாளர்கள் மத்தியில் எழுந்துள்ள கேள்வி.

மேலும் தேர்தலுக்கு பின்னர் அதிமுகவோடு காங்கிரஸ் கூட்டணிக்கு தயாராகி வருவதாகவும் தகவல்கள் வருகின்றன. கருணாநிதியின் குடும்ப ஆட்சிக்கு எதிரான அலை மாறி ஜெயலலிதாவின் திமிர்தனத்திற்கும் மக்கள் விரோத கொள்கைக்கும் எதிரான தேர்தலாக மாறி விட்டது. இதிலிருந்தே அதிமுகவின் தோல்வி குறிக்க பட்டு விட்டது.

கடந்த ஐந்து ஆண்டுகளில் பிரதான எதிர் கட்சி ஆற்ற வேண்டிய கடமையிலிருந்து பின் வாங்கி கொட நாட்டில் ஓய்வெடுத்தது. சிறந்த எதிர் கட்சியாக மதிமுக செயல் பட்டதன் விளைவாக மக்கள் மத்தியில் ஏற்பட்ட திமுகவிற்கு எதிரான அலையை பயன் படுத்த தெரியாமல் தோல்விக்கு தயாராகி கொண்டிருக்கிறார் ஜெயலலிதா. இவ்வளவு நாட்களும் வாய்தா வாங்கி காலம் கடத்திய சொத்து குவிப்பு வழக்கும் முடியும் தருவாயில் வந்து கொண்டிருக்கிறது. இந்த நிலையில் ஜெயலலிதாவிற்கு ஜெயிலுக்கு போகும் வாய்ப்புகள் பிரகாசமாக அமையலாம்.

மீண்டும் ஒருமுறை எதிர்கட்சியாக அதிமுகவை ஜெயலலிதாவால் வழி நடத்த முடியுமா ?........

அலைபேசி வாடிக்கையாளர் சேவைகளை தொடர்பு கொள்ளும்பெண் வாடிக்கையாளர்கள் கவனத்திற்கு

2011-04-06T22:36:00.001+05:00

அலைபேசி பயன் படுத்துவோர் எண்ணிக்கை அதிகரிக்க அலைபேசிகளின் மூலம் ஏற்படும் பயன்கள் ஏராளம் இருந்தாலும் சில பிரச்சனைகள் தொந்தரவுகள் ஏற்பட்டும் வருகின்றது. அலைபேசியில் எதாவது பிரச்சனை என்றால் நாம் அந்த நிறுவன வாடிக்கையாளர் சேவை மையத்தை அணுகுவது வழக்கமாக இருக்கிறது. ஆனால் வாடிக்கையாளர் சேவை மையம் மூலமாகவே பிரச்சனைகள் வருகிறது என்றால் நாம் யாரை தொடர்பு கொள்வது .

ஒவ்வெரு நிறுவனங்களும் தங்களுக்கென வாடிக்கையாளர் சேவை மையம் வைத்திருக்கின்றன . இதில் ஒவ்வெரு நாட்களும் ஆயிரக்கணக்கான மக்கள் இந்த சேவை மையத்தை தொடர்பு கொள்கின்றனர். இங்கு பணியாற்றும் ஊழியர்களை தொடர்பு கொள்ளும் அழகான குரலை கொண்ட பெண்கள் அவர்களின் வயது இவற்றை இந்த ஊழியர்கள் தெரிந்து கொண்டு குறிப்பிட்ட பெண்களின் அலைபேசி எண்களை தேர்ந்தெடுத்து தனியாக அந்த பெண்களுக்கு தொந்தரவு கொடுப்பதும், அல்லது நண்பர்களுக்கு அந்த எண்களை கொடுப்பதுமாக நடந்து வருகின்றது.

எனக்கு தெரிந்த ஒரு தோழிக்கு அவர் அலைபேசி எண் எடுத்து சிறிது நாட்களிலேயே பலரிடமிருந்து தவறான அழைப்புகள் வந்து கொண்டிருந்தன . இதை பற்றி விசாரித்த போது தான் மேற்கொண்ட தகவல் தெரிய வந்தது . அவர் ஏர்டல் இணைப்பை பயன்படுத்துகிறார். திடீரென ஒரு நாள் நீங்கள் டயலர் டோன் தேர்வு செய்துள்ளீர்கள் என ஒரு குறுச் செய்தி வந்திருக்கிறது . கூடவே அதற்கான தொகையையும் எடுத்திருக்கிறார்கள். உடனே இவர் வாடிக்கையாளர் சேவை மையத்தை தொடர்பு கொண்டிருக்கிறார் . முதலில் சொல்லியிருக்கிறார்கள் உங்களிடமிருந்து விருப்பம் தெரிவிக்க பட்டுள்ளது என்று. பின்னர் நான் அப்படி எதுவும் விருப்பம் தெரிவிக்க வில்லை என்று சொன்ன பின்னர் அவர்களாகேவே செய்து கொண்டதை ஒத்து கொண்டிருக்கிறார்கள். காசை திருப்பி தருகிறோம் என வாக்கு கொடுத்து 24 மணிநேரம் ஆன பின்னரும் காசு வரவில்லை . இவர் மீண்டும் தொடர்பு கொண்டு பேசியிருக்கிறார் .

இதே போல் மூன்று நான்கு தடவை வாடிக்கையாளர் சேவை மையத்தை தொடர்பு கொண்டிருக்கிறார். இரண்டு நாட்கள் தாண்டிய பின்னர் தவறான அழைப்புகள் வந்து கொண்டிருந்தன. இதை பற்றி ஏர்டல் வாடிக்கையாளர் சேவை மையத்தில் பணிபுரியும் நண்பரை கேட்டால் , இதெல்லாம் சர்வ சாதாரணம் எங்களுக்கு பேசுகிறவர்களும் முழு விபரமும் தெரியும். எல்லா விபரங்களையும் தெரிந்து வைத்து தவறாக பயன் படுத்த வாய்ப்புகள் இருக்கிறது . மேலும் ஒரு நாள் குறைந்தது ஆயிரம் பேருக்காவது மதிப்பு கூட்டு சேவைகளை ஆக்டிவேட் நாங்களாகவே செய்வோம் அதில் இரண்டு மூன்று பேர் தான் ஏன் செய்தீர்கள் என கேட்பார்கள் அவர்களிடம் மன்னிப்பு கேட்டு திருப்பி அவர்கள் பணத்தை கொடுத்து விடுவோம் என சர்வ சாதாரணமாக சொல்லுகிறார்.

இந்த பிரச்சனைகள் சாதாரண பிரச்சனைகள் என்று ஒதுங்கி விட முடியாது. ஒவ்வெரு நிறுவனமும் இதே போன்ற பிரச்சனைகளை வாடிக்கையாளர்களுக்கு கொடுக்கின்றன . இன்று அலைபேசி பயன் படுத்துபவர்களில் பாதிக்கு மேலானோர் குறுஞ்செய்திகளை(SMS) படிப்பதில்லை அல்லது படிக்க தெரியாது. இவர்கள் தான் இந்த மாதிரி நிறுவனங்களில் பெரும்பாலும் ஏமாறுகிறார்கள். இதற்கு மாற்று வழி தான் என்ன ?

கேப்டனின் அசத்தல் பிரச்சாரத்தால் அதிமுக கூட்டணிக்கு பலமா ?

2011-04-05T22:40:00.000+05:00

தேர்தல் பிரச்சாரங்கள் விறு விறுப்பாக நடந்து வரும் சூழலில் திமுக கூட்டணியினர் விஜயகாந்தை போட்டு தாக்குவதில் குறியாக செயல் பட்டு வருகின்றனர். விஜயகாந்த் பெயரை எவ்வளவு நாறடிக்க முடியுமோ அந்த அளவிற்கு நாறடித்து கொண்டிருக்கின்றனர் . இந்த நிலையில் விஜயகாந்த் பேச்சை கேட்க வேண்டும் என நானும் தக்கலை சென்றிருந்தேன் . பத்மநாபபுரம் வேட்பாளர் ஆஸ்டினை ஆதரித்து விஜயகாந்த் பிரச்சாரம் செய்தார் .

கேப்டனின் வருகையை எதிர்பார்த்து கொண்டிருந்த தேமுதிக தொண்டர்கள் அந்த வழியாக எந்த பேருந்து சென்றாலும் முரசு சின்னத்திற்கு வாக்கு கேட்க மறக்க வில்லை. இதோ வருகிறார் இதோ வருகிறார் என்று சொல்லி கேப்டனும் வந்து விட்டார் .

விஜயகாந்த் வந்தவுடன் தொண்டர்களின் கோசங்கள் விஜயாகந்துக்கு மகிழ்ச்சியை கொடுத்திருக்கும் . மேலும் விஜயகாந்தை பார்க்கவும் பேச்சை கேட்கவும் கட்சி சார்பற்ற மக்கள் பலரும் வந்திருந்தார்கள். ஆனால் என்னவோ தெரியவில்லை அதிமுக கட்சியினர் மிக குறைவானவர்களே வந்திருந்தனர் . மார்க்சிய பொதுவுடைமை கட்சி தோழர்களும் ஆஜராகியிருந்தனர் . சிந்தியுங்க மக்களே என பேச்சை ஆரம்பித்த கேப்டன் வாயிலிருது வரும் வார்த்தைகளின் தடுமாற்றம் தெரிந்தது . ஏற்கனவே ஆப் அடித்து விட்டு தான் கேப்டன் பேசுவார் என ஊர் முழுக்க தெரிந்திருக்கும் நேரத்தில் கேப்டனின் பேச்சுக்களை பார்க்கும் போது அது உண்மை என்று தான் தெரிகிறது .

ஒரு விஷயத்தை சொல்ல நினைத்து துவங்கும் கேப்டன் மக்களுக்கு புரியும் படியாக சொல்லாமல் பாதியில் விட்டு விட்டு சிந்தியுங்க மக்களே என்று தன் பாணியில் பேசுகிறார்கள். எந்தவொரு கருத்தையும் முழுமையாக சொல்ல முடியவில்லை. விஜயகாந்த் என்ன பேசுகிறார் என்பதை கேட்காமலே கைதட்டும் தொண்டர்கள் தான் விஜயகாந்த் வாகனத்தின் முன்னர் அதிகமாக நின்றனர் . விஜயகாந்தால் தொண்டர்களின் சத்தத்தை மீறி பேச முடியவில்லை. ஒவ்வெரு முறையும் நான் சொல்றத கேளுங்க சத்தம் போடாதீங்க என்று சொல்லி பார்த்தார் . ஒரு கட்டத்தில் யோ நீங்க ஏதாவது பண்ணி என வாயிலிருந்து ஏதாவது வந்து அதை டிவில காட்டிட போறான். அதனால கொஞ்சம் அமைதியா இருங்கன்னு சொல்லும் போது அவருடைய ஸ்டைல பார்த்தே மக்களுக்கு சிரிப்பு அடங்க வில்லை .

சிவப்பு கொடி பிடித்து கொண்டிருந்த தோழர்கள் அவர்களுக்குள் நல்ல நேரம் நம்ம தொகுதியில பேச வரல . இப்படி பேசினால் ஓட்டு போடணும்னு நினைக்கிறவனும் ஓட்டு போடமாட்டான் . நடுநிலையாளர்களாக வந்த அனைவருடைய கருத்தும் அதுவாக தான் இருந்தது.

கருணாநிதியின் குடும்ப ஆட்சி அதன் மூலம் தமிழகத்திற்கு ஏற்பட போகும் கேடுகள் , அலைவரிசை ஊழல் , மின் பற்றாகுறை , விலைவாசி உயர்வு போன்ற போன்ற பல பிரச்சனைகள் இருந்த போதும் அதிமுக கூட்டணியை பொறுத்த வரையில் அதை மக்கள் மத்தியில் கொண்டு செல்லும் தலைவர்கள் இல்லை . பிரச்சாரங்களை பொறுத்த வரையில் திமுகவே முன்னிலையில் நிற்கிறது . ஜெயலலிதா குமரி மாவட்டத்திற்கு வந்து சென்றதே பலருக்கு தெரியவில்லை .

மக்கள் மத்தியில் எப்படி பிரச்சாரம் செய்தால் மக்கள் மனதை மாற்ற முடியும் என்கிற அளவில் பிரச்சாரத்தில் அதிமுக மிகவும் பின் தங்கியிருக்கிறது . ஸ்பெக்ட்ரம் ஊழல் என்பதை மக்கள் மத்தியில் கேட்டால் ஜெயலலிதா செய்யாத ஊழலா என்று தான் கேட்கிறார்களே தவிர அதனால் ஏற்பட போகும் விளைவுகள் தெரியவில்லை இது தான் நிலவரம் .

அதிமுக கூட்டணி எளிதில் வெற்றி பெற்று விடும் என்ற நிலை மாறி திமுக கூட்டணி வெற்றி பெற்று விடுமோ என்ற நிலை ஏற்பட்டுள்ளது . திமுகவிற்கு மாற்றாக ஜெயலலிதாவை மக்கள் நம்ப தயாரில்லை என்பது மட்டும் தெரிகிறது . கருணாநிதிக்கு மாற்றாக தன்னை நிருபிக்காததும் ஜெயலலிதாவின் தவறு . அதே போல் விஜயகாந்தின் பிரச்சாரம் என்பது நடுநிலை வாக்காளர்களை கவரும் விதமாகவும் இல்லை .

வரலாற்றை மாற்றி பதிவு செய்யும் தமிழ் லீடர்

2011-03-29T13:48:00.001+05:00

தமிழ் லீடர் என்ற இணையத்தில் ஒரு கவர்ச்சிகரமாக பெயரிட பட்ட ஒரு கட்டுரையை பார்த்தேன். அந்த தலைப்பிற்கும் கட்டுரைக்கும் எந்தவொரு ஒற்றுமையும் இல்லாமல் எழுத பட்டிருக்கிறது. கட்டுரையின் தலைப்பு "ஈழம் அழிந்து போனதுக்கு வைகோ காரணம்!" ஆனால் கட்டுரை வைகோவின் வாழ்க்கை வரலாறாக வருகிறது.

ஏதோ கட்டுரை எழுத வேண்டும் என்று நினைத்து எழுத பட்ட கட்டுரையாகவும் இருக்கலாம் . அல்லது தமிழ் உணர்வாளர்களிடையே குழப்பங்களை உருவாக்கும் நோக்கத்திலும் இப்படி தலைப்பு வைத்திருக்கலாம் . பொதுவாக இல்லத்திற்கு எதிரானவர்கள் முதலில் கை வைப்பது யார் ஈழம் விடுதலை புலிகள் இந்த கொள்கைகளில் உறுதியாக இருக்கிறார்களோ அவர்களுக்கு கேட்ட பெயரை ஏற்படுத்த வேண்டும் . அதன் மூலம் அவர்களை செல்வாக்கற்றவர்களாக மாற்ற வேண்டும் . அந்த நோக்கத்தில் கூட சில இணையங்கள் கட்டுரைகள் எழுதுகின்றன.

அதில் தெரிவிக்க பட்டுள்ள சில பகுதிகள் "1989ம் ஆண்டு வரை வைகோவுக்கு எல்லாமே ஏறுமுகம்தான். ஆனால், யாருக்கும் தெரியாமல், ஏன் கலைஞருக்கே தெரியாமல் தமிழ் ஈழத்துக்கு ரகசியமாக பாஸ்போர்ட் இல்லாமல், கள்ளத்தோணி மூலம் சென்றார். 23 நாட்கள் அவர் அங்கே தங்கி இருந்தார். அவர் சென்ற பிறகே, கலைஞருக்கு தகவல் கிடைக்கச் செய்தார். அதுதான் கலைஞருக்கு வைகோ மீது ஏற்பட்ட முதல் கசப்பு. வைகோ ஈழத்திலிருந்து வெளியே வரும் வரை கலைஞரும், வைகோ பயணத்தை வெளியிடாமல் இருந்தார்."

இவ்வாறு கட்டுரையாளர் தெரிவித்துள்ளார் . இதில் பல உண்மைகள் மறைக்க பட்டுள்ளது. வைகோ கலைஞருக்கு தெரியாமல் கள்ள தோணி மூலம் ஈழம் சென்றது உண்மை தான் . வைகோ செல்லும் முன்னர் தன்னுடைய நண்பரிடம் ஈழம் செல்லும் பயணம் குறித்த பல பக்கங்கள் அடங்கிய கடிதத்தை கொடுத்து கலைஞரிடம் நான் போன பின்னர் கொடுத்து விடுங்கள் என்று தெரிவித்து விட்டு சென்றார் . அதை அந்த நண்பரும் கொடுத்தார் .

கலைஞர் வைகோ வரும் வரை பயணத்தை வெளியிடாமல் இருந்தார் என குறிப்பிட பட்டுள்ளது தவறான தகவல். வைகோ கடிதத்தில் நான் ஈழம் செல்கிறேன் , அங்கு செல்வதால் என் உயிருக்கு ஏதாவது நிகழ்ந்து கட்சிக்கு என்னால் கெட்ட பெயர் உருவாகிற சூழ்நிலை வந்தால் இந்த கடிதத்தை வெளியிடுங்கள் . அப்போது கட்சிக்கும் என்னுடைய பயணத்திற்கும் எந்தவித தொடர்பும் இல்லை என்பது நாட்டிற்கு தெரியும் இவ்வாறு வைகோ கடிதத்தில் எழுதியிருந்தார் . ஆனால் வைகோ திரும்பி வரும் முன்னால் கடிதம் கலைஞர் கையில் கிடைத்தவுடன் வெளியிட்டு கட்சிக்கும் வைகோ சென்றதற்கும் எந்த சம்பந்தமும் இல்லை என அறிவித்து கொண்டவர் தான் .

அவரை நீக்க வேண்டும் என்று குரல்களும் எழுந்தன. இந்த நிலையில், எல்லா பிரச்னைக்கும் மன்னிப்பு கேட்கிறேன் என்று கருணாநிதியிடம் விழுந்தார் வைகோ.

இந்த பகுதியிலும் வரலாறு திரிக்க பட்டுள்ளது . திமுக தலைவர் கருணாநிதியால் வைகோவை கட்சியிலிருந்து மாற்ற வேண்டும் என தீர்மானம் கொண்டு வர பட்டத்து . ஆனால் பொதுக்குழுவின் பெரும்பான்மை உறுப்பினர்களால் அந்த தீர்மானம் தோற்கடிக்க பட்டது இது தான் உண்மை . பின்னர் வைராக்கியத்தோடு போலியாக ஒரு உளவு துறை தகவலை காட்டி செயற்குழு மூலமாக வைகோவை கட்சியை விட்டு நீக்கினார் கலைஞர் . அந்த தருணம் என்பது வைகோவை கட்சியை விட்டு நீக்கியது மட்டுமல்ல . கருணாநிதியை விடுதலை புலிகள் மூலமாக வைகோ கொலை செய்ய பார்கிறார் என்ற பொய்யால் விடுதலை புலிகள் மீதான தடையை உறுதி படுத்தும் விதமாக கருணாநிதி செயல் பட்டார் என்பது தான் உண்மை .

இந்த கட்டுரை எதற்காக எழுத பட்டுள்ளது என்பதன் நோக்கம் கடைசியில் நமக்கு சரியாக தெரிய வருகிறது . தமிழின துரோகியாக வலம் வந்து கொண்டிருக்கும் கருணாநிதிக்கு நல்ல பெயர் வாங்கி கொடுக்க முடியுமா என நினைப்பது தெரிகிறது ..... அந்த வரிகள் .......

காங்கிரஸின் காலில் விழுந்து கருணாநிதி, “நீங்கள் கவலையேபடாதீர்கள். தமிழர்களை நான் பார்த்துக் கொள்கிறேன்” என்று சோனியாவுக்கு கருணாநிதி தைரியம் சொல்லும் அளவுக்கு கருணாநிதி மாறியது ஏன்?

"ஒரே ஒரு காரணம்.

தி.மு.க. மைனாரிட்டி அரசாக தமிழ்நாட்டில் ஆண்டுக் கொண்டிருப்பதுதான்.

ஒருவேளை, தி.மு.க. மெஜாரிட்டியாக இருந்தால், ஆளும் மத்திய காங்கிரஸ் அரசிலிருந்து வெளியேறி இருப்பார். இல்லையென்றால், கூட்டணியில் இருந்து கொண்டே மிரட்டிக்கூட இருப்பார்."

திமுக மைனாரிட்டி அரசாக இருந்த காரணத்தால் தான் காங்கிரஸ் கட்சியை கருணாநிதியால் மிரட்ட முடியவில்லையாம் . இதை சின்ன பிள்ளைகளிடம் கேட்டால் கூட சொல்லுமே 1 ,76 ,௦௦௦௦ கோடி பணத்திற்காக ஒரு இனத்தையே கருவறுத்தார் கருணாநிதி என்று . இதே திமுக மைனாரிட்டியாக இருந்த போது தான் மத்தியில் காங்கிரஸ் கட்சியும் மைனாரிட்டியாக இருந்தது . அந்த 40 நாடாளுமன்ற உறுப்பினர்களும் ராஜினமா செய்வார்கள் என்று தீர்மானம் போட்டது என்ன வாயிற்று . அந்த தீர்மானம் போட்டவுடன் எல்லோருமே கருணாநிதியை புகழ்ந்தோமே (இப்போ திருமாவளவன் , வீரமணி நம்பி புகழ்ந்த மாதிரி ) ஆனால் எட்டு கோடி மக்களுக்கும் அல்வா தந்தாரே .

அன்று மட்டும் கலைஞர் பதவியை விட தமிழ் இனம் முக்கியம் என்று நினைத்திருந்தால் தமிழ் இனம் கலைஞர் வாழும் வரை கலைஞரை மெஜாரிட்டி அரசாக வைத்திருக்குமே . ஏன் செய்யவில்லை? முடிந்தும் செய்யாமல் ஏன் விட்டார் . பதவிக்காகவும் ஸ்பெக்ட்ரம் பணத்திற்காகவும் தமிழ் இனத்தை அளிக்க துணை போன கருணாநிதியை நீங்கள் எத்தனை வடிவில் திரித்து எழுதினாலும் இந்த வரலாறு மாறாது .